Joeli 2:30 - KITABU KITAKATIFU

³⁰ Na nda leta vyokugenya migulu, na mu li rova: masahi, nomuliru, neminara gyomwoki.

Joeli 2:30 ပူးပေါင်းရင်းမြစ်များ

Litanga 19:28

na ya henza ku luvega lwa Sodoma na Gomora, noku luvega lwekivala kyosi kye Kereremu, na a lola, na, henza, mwoki gwekivala gu vuya kuli mwoki gwekisambiru kinene.

Lwimbu lwa Solomoni 3:6

Ni bwaha wanegiranga kutwula mu kyangalangwi Kuli minara gyomwoki, Wa vakwa maguta gomwayu gwa manemane nekimuli, Halala nobusie bwevifunyanga mwayu vyosi vya mugulidzi?

Jeremia 4:28

Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

Zekaria 14:6

Na ga la duka mu lidiku yilyo, ubulavu si bu la va nobwaaku kinga nekisundi:

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Luka 21:11

kandi li la va lidegera linene lyelirova, kandi tsitodzo netsinkudzo ihale ne hale; kandi ubutihidzi nevilolekidzu vi la twula migulu.

Joshua 8:20

Na lwa avandu va Ai va henza inyima wavo, va lola, henza, mwoki gwelidala gu dumanga igulu, na si va li netsingulu tsyokwiruka yiyi kinga yiyi mba: na avandu ava li ni virukanga kutsia mu kyangalangwi, va girunkana ni virana kuvo ava va londerera.

Likunula 18:18

kandi va hanzuka lwa va lola mwoki gwelisa mbwa lyalyo, ni va vola, Lidala ki li veye kuli lidala linene yili?

Likunula 18:9

Kandi avami velirova, ava heya naye nava menya naye bugira kwiigalira, va la lira nokusyoma inyinga va lola mwoki gwelisambwa lyalyo,

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.

Vakalagi 20:38

Nalilolekidza lya tovolwa hagati Israeli navagoneki ni yili, va lombe lilesi linene lyomwoki li twule mu lidala.

Vakalagi 20:40

Navutswa lwa lilesi lya tanga kuvuka kutwula mu lidala kuli itiru yomwoki, ava Benjamini va henza inyima wavo; henza, lidala lyosi lya nina igulu mu mwoki kutsia mwigulu.