Joeli 2:26 - KITABU KITAKATIFU

²⁶ Na mu la lia vinyingi, na mu liguta, na mu lidzominya lieta lya Yahova Nyasaye wenyu, uyu wa mu kolera makuva gokugenya; na avandu vange va la vula kuva netsisoni mihiga nemihiga.

Joeli 2:26 ပူးပေါင်းရင်းမြစ်များ

Litanga 33:11

Mwadza, u vugule kihaanwa kyange kya u leteywi; kigira Nyasaye u nkoleye tsimbabasi tsinyingi, kandi kigira mbeye navyo vi duki. Naye ya mu goonya, na ya vugula.

Nehemia 9:25

Na va vugula madala gavo getsingaga, neki vala kinolu, navo va nyola tsinyumba tsizula vindu vilahi vyosi, nevidaho vya yavwa, nemilimi gyemizabibu nemilimi gyemizeituni, nemisala gyamakuyu manyingi ligali: na va lia, nokwiguta, na va komera, nokwesa ngalidza mu bulahi bubwo bunene.

Zaburi 103:5

Wigutidzanga lyenya lilyo nevindu vilahi, Ubusoleri bubwo bu galukidzangwa uhuhya kuli bwendidzu.

Zaburi 116:7

Mwoyo gwange, wirane mu bwelemeridzi bubwo; Kigira Yahova a ku koleye vyobuhaani.

Zaburi 13:6

Ndimbira Yahova, Kigira u nkoleye ubulahi bunene.

Zaburi 22:26

Avahoma va la lia ni viguta; Yavo avenyanga Yahova va la mwidzominya: Mwoyo gwenvu gu ve neliva mwoyo mihiga nemihiga.

Zaburi 37:19

Si va la va isoni mmadiku madamano; Na mu madiku genzala va liguta.

Zaburi 67:5

Avetsihiri va kwidzominye, O Nyasaye; Avetsihiri tsyosi va kwidzominye.

Zaburi 72:18

A gasidzwe, Yahova Nyasaye, Nyasaye wa Israeli, U veye yeng'ine mu likola vyokugenya:

Tsing'ano 13:25

Mulungi a litsanga kuduka ku ligutidza mwoyo gwigwe; Navutswa inda yomudamano i la daka vyokulia.

Lwimbu lwa Solomoni 5:1

Mmali kwingira mmulimi gwange, mubotso wange, mukana mugima wange: Mmali kwagula manamane gange halala nevifunyanga mwayu vyange; Mmali kulia kemenye kyobwuki kyange halala nobwuki bwange; Mmali kunwa iwaini yange halala namaveere gange. Avalina vange, mu lie; Mu nwe, yee, mu nwe ligali, O vayanze vange.

Isaya 25:1

Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.

Isaya 29:22

Kunangwa kigira yaga Yahova, uyu wa honnya Abrahamu, ya vola ku inyumba ya Yakobo: Yakobo si a la va isoni kalunu kandi mmoni mwimwe si mu la gaiula kalunu.

Isaya 45:17

Narutswa Yahova a la honnya Israeli nelihonywa lyemihiga nemihiga: na si mu la va isoni, kinga kugenya kuduka mihiga nemihiga.

Isaya 49:23

Avami va la va avadada vovo avaleri, na avakaye vovo va la va avamama vovo avaleri: na va linamira imbiri wowo nokuhenzidza tsimoni tsyavo hasi, nokumena lugukyi lwevirenge vivyo; na ive u la manya inze mbeye Yahova, na yavo ava lindiriranga inze va la vula kuva isoni.

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Isaya 55:2

Kigira ki mu tungange if e tha ku ki ta veye kyokulia? Nokutunga miyinzi gyenyu ku yikyo ki vula kwigutidza? Mu hulire inze nobugulu, mu lie ki veye kilahi, na myoyo gyenyu gyi sangale mu bunolu.

Kyavalevi 25:19

Na kivala ki lama makuyu gakyo, na mu la lia nokwiguta, nokumenya mukyo nemirembe.

Kyavalevi 26:26

Lwa ndi yononya vyokulia vyenyu, avakali likumi va la lugira ubukima bwenyu mu mahiga malala, na va la mu ha ubukima bwenyu ne ligera ku tsiratili: na mu la lagira, navutswa si mu liguta mba.

Kyavalevi 26:5

Kandi lihuula lyobuswage lyenyu li la hongerwa kuduka ku tsinyinga tsyokugesa mazabibu, na ligesa lya mazabibu li la hongerwa kuduka ku tsinyinga tsyelitaga; na mu la lia vyokulia vyenyu nokwiguuta, nokumenya mu kivala kyenyu nemirembe.

Mika 6:14

U la lia, navutswa u la vula kwiguta, noluhongo lu la va muunda mumwo: na u la vikwa haluvega na si u la hona; na kya u ginga nda ki haana ki ve ku kivavi.

Zefania 3:11

Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange.

Zekaria 9:15

Yahova wa mahe a la va sola; na va la lia nokuduvaga magina ga laswa nolu kova; na va la nwa, nokukupa liyoga kuli lyewaini; na va lizula kuli tsi ndavo, kali mu tsikona tsyobwali.

Zekaria 9:17

Bu duka kuli ndi ubunene bwobugasu bwibwe na bu duka kuli ndi ubulahi bwibwe ubuswage bu la gasidza avayai, na iwaini impya i la gasidza avakana.

Varumi 10:11

Kigira ma ng'oda ga vola, Ku vosi u mu suuvira si a li va soni.

Varumi 5:5

kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

Varumi 9:33

kuli wa ga ng'odwa, Henza, mbika ku Zioni iigina lyokwikigitalidza, nolwanda lwokuvihiriridza: Noyu u mu suuvira si a li va soni.

Kwidzulitsa 11:15

Na nda ku ha bunyasi mmilimi gyigyo okwaya mitugu gyigyo, na u la lia nokwiguta.

Kwidzulitsa 12:12

Kandi mu la sangala imbiri wa Yahova Nyasaye wenyu, mwinye, navayai venyu, navakana venyu, navatugwa venyu avayai navakana, no Mulevi u veye mu viribwa vyenyu, kigira ya vula kuva nekidieli kinga nemiyandu halala nemwinye.

Kwidzulitsa 12:18

navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

Kwidzulitsa 12:7

mu liire ha zana imbiri wa Yahova Nyasaye wenyu, nokusangala mu gosi aga mu vika ku makono genyu, mwinye navenyumba yenyu, ava Yahova Nyasaye wowo ya ku gasidzira.

Kwidzulitsa 8:10

Na u la lia nokwiguta, u la gasidza Yahova Nyasaye wowo kigira kivala kilahi kya ya ku ha.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

1 Yohana 2:28

Kandi kalunu, avana vakekeke vange, menyi muye; kandi na a va na a lolekidzwa ku ve nobuluviriri, kandi ku ta va netsitsoni imbiri wewe ku liduka lilye.