Joeli 2:23 - KITABU KITAKATIFU

²³ Kunangwa mu yanze, mwinye avana va Zioni, na mu sangale mu Yaho va Nyasaye wenyu; kigira a mu hedza imbula yokutanga i duka, naye a mu kupidzira imbula, imbula yokutanga na imbula yenyima, mu mweli gwokutanga

Joeli 2:23 ပူးပေါင်းရင်းမြစ်များ

1 Avami 8:36

u hulire migulu, u samehe ubwoni bwava tumekiri vovo, nobwa vandu vovo Israeli, kigira u vegidzanga inzira indahi i va dukiranga kugenda mu; na u lete imbula ku kivala kikyo, kya wa ha avandu vovo ki ve miyandu gyavo.

Ayubu 33:23

Ingelosi na a va halala naye, U mbolannyi, mulala wo mu elfu Kumannya mundu aga mu dukiranga;

Ayubu 37:13

Ni i va ga veye ku lihonywa, kinga kigira kivala kikye Kinga kigira tsimbabasi, a duke kugaleta.

Zaburi 104:34

Tsiganagani tsyange tsi ve tsinolu kuye: Nda sangala mu Yahova.

Zaburi 147:8

U landidzanga malesi migulu, U lombera lirova imbula, U meridza bunyasi ku vigulu.

Zaburi 149:2

Israeli va sangale mu uyu wa va lomba: Avana va Zioni va kupe isango mu Mwami wavo.

Zaburi 28:7

Yahova a veye tsingulu tsyange na ingavo yange; Mwoyo gwange gu mu suuviye, na mbonywa: Kunangwa mwoyo gwange gu sangala ligali; Ninze nda mwidzominya nolwimbu lwange.

Zaburi 32:11

Mu sangale mu Yahova, nokutsantsalika, mwinve avalungi; Kandi mu kupe isango, mwinye vosi avemyoyo milungi.

Zaburi 84:6

Ava vitanga mkivanda kya Lilira va ki kola kuva visenukiru vya amadzi; Yee, imbula yokutanga i ki kunika nobugasu.

Tsing'ano 16:15

Mu ubulavu bwommoni mwomwami mu veye nelivamwoyo; Na tsimbabasi tsitsye tsi veye kuli lilesi lyembula yenyima.

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Jeremia 3:3

Kigira yaga ulunyirira lwembula lu gaywi, nembula yitodzo i vule kukupa; navutswa wa li nobweni bwowamalaya, wa sula kuva netsisoni.

Jeremia 5:24

Kandi si va vola mu myoyo gyavo Gendi ku tie Yahova Nyasaye wetu kalunu, uyu u letanga imbula, imbula yomuhiga, nembula ye itodzo ku inyinga yayo; uyu wa ku vikira masidza ga lagwa geligesa.

Lisyoma lya Jeremia 4:2

Avana va Zioni avobuguli budi nyu, ava validzwa kuleng'ana nethahabu isiyeku, Ga duka ndi va validzwa kuva viju vyobudohi, miyinzi gyo mukono gwomulongi

Ezekieli 34:26

Na nda va kola, halala na hosi ha kumbiridza kigulu kyange kuva ubugasu; nda leta ulunyirira ku inyinga yalwo; lu la va ho tsinyirira tsyobugasu.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Kyavalevi 26:4

kunangwa nda kupidza imbula yenyu ku tsinyinga tsyayo, na kivala ki lama limedeka lyakyo na misala gyemilimi gyi lama makuyu gagyo.

Amosi 4:7

Kandi mmali kugaya imbula i ta kupa ku mwinye, lwa imyeli gyi tigaye gyivaka kuduka ligesa; na mmala kuleta imbula ku lidala lilala, nokugaya imbula i vule kukupa ku lidala lindi; kidieli kilala imbula ya kupa ku, na kidieli kya ya vula kukupa ku kya niala.

Zekaria 10:1

Mu saale imbula ku Yahova ku inyinga yembula yekyubwi, uyu Yahova u lombanga uluheni; naye a la va ha lunyirira lwembula, mundu sa mulala a la hebwa bunyasi mmulimi.

Zekaria 10:7

Na yavo va Efiraim va la va kuli mundu wobunyali, myoyo gyavo gyi la sangala kuli gyi veye newaini; yee, avana vavo va la lola inkuva yiyi, na va la sangala; myoyo gyavo gyi la sangala mu Yahova.

Zekaria 9:13

Kigira mmali kukumba Yuda a ve ku inze, mmali kwizulitsa ubuta na Efiraim; na nda vukidza avana vovo, O Zioni, ku avana va Ebugreki na nda ku kola kuva kuli kivavi kyomundu wobunyali.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Vikolwa 14:17

Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

Kwidzulitsa 11:14

hene yaho nda ku ha imbula yekivala kyenyu ku inyinga yakyo, imbula yokutanga nembula yenyima, u duke kuvungidza ubuswage bubwo, newaini yoyo, namaguta gogo.

Kwidzulitsa 28:12

Yahova a la ku kunulira ligungi lilye lilahi, nalyo li veye ligulu, ku lihaana imbula yekivala kyikyo ku tsinyinga tsyayo, nokugasidza miyinzi gyomukono gugwo gyosi: na u la hambidza tsihiri tsinyingi kivete, na ive si u la hamba kivete mba.

Kwidzulitsa 32:2

Amegidzo gange ga la sunduka kuli imbula; Namakuva gange ga la tonyatonya kuli lime, Kandi kuli lumanyangoko ku ubulimu buvisi, Na kuli ulunyirira ku tsingutsa.

Vafilipi 3:1

Lwenyima, avamitu vange, mu sangale mu Mwami. Kumung'odera vindu zana, ku inze si ndola ubudinyu, navutswa ku mwinye nu bulahi.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Vafilipi 4:4

Mu sangale mu Mwami kazozo: kandi nda vola, Mu sangale.