Joeli 2:21 - KITABU KITAKATIFU

²¹ Ive kivala, u ta tia mba, mu yanze na mu sangale; kigira Yahova u koli miyinzi minene.

Joeli 2:21 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Zaburi 71:19

Kandi, O Nyasaye, ubulungi bubwo bu veye igulu ligali; U koli vindu vinene O Nyasaye, ibwaha u leng'ana na ive?

Zaburi 98:8

Migera gyi kupage amakono; Vigulu vyimbe nobuyanzi halala

Isaya 35:1

Ligendanyama nekivala kyumu vi la sangala; nekyangalangwi ki la sangala, na ki la lavidza ubulavidzu kuli kimuli.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Isaya 55:12

Kigira mu la twula nobuyanzi, nokwimirirwa nemirembe: vigulu notugulu vi laleta tsinyimbu nokwimba imbiri wenyu, nemisala gyosi gyommilimi gyi la kong'onda mikono.

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Hosea 2:21

Na ga la duka mu lidiku yilyo Nda tivula, Yahova a vola, Nda tivulira ligulu, neligulu li la tivulira lirova;

Joeli 2:20

navutswa lihe yili lyoluvega lwa kasikasini, nda li kunga ihale ku mwinye, li la duke mu kivala kyumu ki veye kyere, kidieli kye imbiri kyalyo ki lingira mu inyanza yevugwe, na kidieli kye inyima ki lingira mu inyanza yemadioli; na ubugundu bwalyo bu la senuka, na lifunya lidamano lilyo li la senuka, kigira li koli miyinzi minene.

Joeli 2:26

Na mu la lia vinyingi, na mu liguta, na mu lidzominya lieta lya Yahova Nyasaye wenyu, uyu wa mu kolera makuva gokugenya; na avandu vange va la vula kuva netsisoni mihiga nemihiga.

Zekaria 8:15

ni ndiyo kandi kalunu nsaaviye kukolera Yeru salemi nenyumba ya Yuda ubulahi: mu ta tia mba.

Kwidzulitsa 4:32

Kunangwa kalunu teva makura ga madiku ga vita imbiri, kutwula lidiku lya Nyasaye ya lomba mundu ku lirova, nokutwula ku luvega lulala lwo migulu kuduka ku luvega lundi, u teve ha li nelifwana lyenkuva inene yiyi, kinga lifwana lyamakuva yaga lya hulirwa ku?

1 Samweli 12:16

Kunangwa kalunu mu singire mu lole inkuva yiyi inene, ya Yahova a la kola imbiri wetsimoni tsyenyu.

1 Samweli 12:24

Mu tie Yahova, yaga geng'ine nokumutumekira ligali nomwoyo gwenyu gwosi; kigira mwidzulitse vindu vinene ndi vya ya mu kolera.