Joeli 2:18 - KITABU KITAKATIFU

¹⁸ Hene yaho Yahova ya kendekera kivala kikye, na a vererera avandu veve.

Joeli 2:18 ပူးပေါင်းရင်းမြစ်များ

2 Avami 19:31

Kigira ava tigala va la twula Yerusalemi, na ava li hona va la twula mkigulu kya Zioni ubugulu bwa Yahova bu la kola yaga.

Zaburi 103:13

Kuli dada a vererera avana veve, Ni ndiyo Yahova a verereranga ava mu tidzanga.

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Isaya 37:32

Kigira li la va ho litigala li twula Yerusalemi, na va hona kutwula kigulu kya Zioni: Lididikana lya Yahova wa mahe li la kola yaga.

Isaya 42:13

Yahova a la twula kuli mundu wanyala: a la vukidza ubugulu kuli mundu wobulwani: a la hanzuka, yee, a la kupa lwanga; a la kola vindu vyetsingulu ku vasigu veve.

Isaya 60:10

Na vageni va lombaka madigi gogo, na avami vavo va la ku tumekira; kigira mbutima bwange nda ku kuya, navutswa mbuyanzi bwange nda ku vera tsimbabasi.

Isaya 63:15

Henza hasi kutwula migulu ha u veye, u lole kufwula ubumenyo bwo butakatifu bubwo nobukumi bubwo: ubugulu bubwo nelikola lyetsingulu lilyo li veye haliha? Lyenya lyomwoyo gugwo nelivererera lilyo ku inze li gayeywi li vula kuduka ku inze.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 31:20

Efiraim a veye mwana wange muyanze? Aveye mwana wokuyanzidza? Kigira tsinyinga tsyosi lwa mmu gondokiranga, ma mbongera kumwidzulitsa: kunangwa ligali mmu vererera, Yahova a vola.

Lisyoma lya Jeremia 3:22

Ga veye ku tsimbabasi tsya Yahova tsi kiranga ni ku vula kuheridzwa, kigira tsimbabasi tsi tsye si tsi gehanga mba.

Zekaria 1:14

Ma ingelosi wa volerana ninze ya mbolera, Kupa lwanga, u vole, Yahova wa mahe a vola, Inze nkendekera Yerusalemi na Zioni nelikendeka linene.

Zekaria 8:2

Yahova wa mahe a vola: Nkendekera Zioni, likendeka linene, mbe nelikendeka lyobutima bunene kuye.

Luka 15:20

Ya twula na a tsia ku ise. Navutswa lwa ya li na a kikiri hale, ise ya mu lola na a mu vererera, na a nyagula na a mu kumberera mu ligoti, na a mu busabusa.

Kwidzulitsa 32:16

Va mkendekidza ku vanyasaye vageni; Na mavihiriridzo va mvihiriridza.

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.