Joeli 2:16 - KITABU KITAKATIFU

¹⁶ mu vungidze avandu, mu takase livugana, mu vungidze avasakulu, mu vungidze avana, na ava nunanga tsimbeere; wo serereywi a twule mu inyumba yeye, na mwiha a twule mu inyumba yeye.

Joeli 2:16 ပူးပေါင်းရင်းမြစ်များ

2 Kyetsinyinga 20:13

Na Yuda vosi va singira imbiri wa Yahova, na vakekeke vavo, na vakali vavo, navana vavo.

2 Kyetsinyinga 29:5

ma na a va volera, Mu mbulire, mwinye Valevi; mwetakase avene kalunu, kandi mu takase inyumba ya Yahova, Nyasaye wavaguga venyu, mu hile kyova ubudamano bu twule hatakatifu.

2 Kyetsinyinga 30:17

Kigira ha li navandu vanyingi mu livugana va li ni va kikiri kwetakasa: na ndiyo ga manya ga duka ku Valevi kuva ku miyinzi gyokwiita lipasaka kigira yavo sa mulala u ta veye munifu, kuvatakasa ku Yahova.

2 Kyetsinyinga 30:19

u vike mwoyo gwigwe kulyenya Nyasaye, Yahova, Nyasaye wavaguga veve, kali ni ga ta veye kuli litakasa lya hatakatifu.

2 Kyetsinyinga 35:6

Mwiite li pasaka, mwetakase avene, nokulo mbera avamwavo venyu, kukola kuli likuva lya Yahova, nomukono gwa Musa.

Ayubu 1:5

Na ga duka, lwa madiku gelilia lyavo ga kung'ana, Ayubu ya tuma nokuvatakasa, na a vuka mugamba tsuri, na a haana vihaanwa vyoku sambwa kuli livalidzwa lyavo vosi: kigira Ayubu ya vola, Namusya avana vange va koli ubwoni, nokunyega Nyasaye mmyoyo gyavo. Ayubu ya kola ndiyo kazozo.

Zaburi 19:5

Ili veye kuli userereywi u twula mu inyumba yeye, Na li sangala kuli mundu wetsingulu kunyagula inzira yeye.

Kutwula 19:10

Na Yahova ya volera Musa, U tsie ku avandu yavo, u va takase lero na mugamba, na vogidze tsingubo tsyavo,

Kutwula 19:15

Naye ya volera avandu, Mwetegeke ku lidiku li kola gavaka: mu ta va halala nomukali.

Kutwula 19:22

Na avasalisi kandi avesunda ku Yahova, vetakase avene, gase Yahova a la va twulira.

Joeli 1:14

Mu takase lihonga lilia, mu lange livugana litakatifu, mu vungidze avasakulu, na vosi avamenya mu kivala, va vunge mu inyumba ya Yahova Nyasaye wenyu, mwanire Yahova.

Matayo 21:16

ni va mu volera U hulira aga yava va vola? Yesu ya va volera, Yee: si mwa soma, Ku munwa gwavana nogwa va nuna, u lombi ubwidzominyi?

Matayo 9:15

Yesu ya va volera, Avalina voserereywi si va nyala kulira lwa userereywi a veye halala navo? Navutswa madiku ga ladza userereywi lwa a li twulidzwa, kunangwa va la honga lilia.

1 Vakorintho 7:5

Mu ta sulana avene navene bugira ni mu ta lagani inyinga, mu duke kuva nobwiyangu bwokusaala, ma mu ve halala kandi; Setani a ta duka kumugeridza kigira ku livula kwegaya lyenyu.

Joshua 7:13

Vuka, u takase avandu, u va volere, Mwetakase avene ku mugamba: kigira Yahova, uyu Nyasaye wa Israeli, a vola, Ha veye nekindu kya gimwa hagati hoho, O Israeli; si u nyala kusingira imbiri wavasigu vovo, kuduka lwa mu twulidza kindu kya gimwa ki twule hagati henyu.

Joshua 8:35

Si ha veye nelikuva kali lilala lya Musa ya laga, lya Joshua ya vula kusoma imbiri welivugana lyosi lya Israeli, avakali, na avana, na ava menya ava gendanga navo.

1 Samweli 16:5

Naye ya vola, Yee, nemirembe; nduki kuhaana kihaanwa ku Yahova: mwetakase avene, na mu duke halala ninze mwisadaka. Na ya takasa Jesse navana veve, na ya va langa vadze ku isadaka.