Joeli 2:13 - KITABU KITAKATIFU

¹³ Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Joeli 2:13 ပူးပေါင်းရင်းမြစ်များ

Litanga 37:29

Na Rubeni yirana ha bogo; na henza, Yosefa si ya li mu bogo; naye ya tandula tsingubo tsitsye.

Litanga 37:34

Na Yakobo ya tandula tsingubo tsitsye ni yeboha magunia ku kikengo kikye na a syomera mwana wewe madiku manyingi.

2 Samweli 1:11

Hene yaho Daudi ya gumira tsingubo tsitsye na a tsi tandula; navandu vosi ava li halala naye va kola ndiyo:

1 Avami 21:27

Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

2 Avami 22:11

Mwami, lwa ya hulira makuva gekitabu kyelilaga, ya tandula tsingubo tsitsye.

2 Avami 22:19

kigira mwoyo gugwo gwa li mudoto, na ive wegehidza imbiri wa Yahova, lwa wa hulira aga nda vola ku hano, noku ava menyanga hano, va la gwa kyanyi nekilaamo, na ive wa tandula tsingubo tsitsyo, nokwidolidza maliga imbiri wange inze; nda ku hulira, Yahova a vola.

2 Avami 5:7

Ga duka, lwa mwami wa Israeli ya soma ibaruwa zana, hene yaho ya tandula tsingubo tsitsye, na a vola, Inze, mbeye Nyasaye, kwiita nokusimugukidza, mundu uyu a lete ku inze, mbonnye mundu ubugere bwibwe? Navutswa mu manye, mwadza, mu lole kuli uyu wenyanga lihangala ku inze.

2 Avami 6:30

Na ga duka, lwa mwami ya hulira makuva gomukali uyu, ya tandula tsingubo tsitsye (ya li na a vitanga ku lidigi lyolugaga igulu); avandu va mu lola, na henza, ya li netsingubo tsyamagunia ku mubiri gwigwe.

2 Kyetsinyinga 6:27

u hulire yaho mwigulu, u samehe mahyolo gavatumekiri vovo, na ga vandu vovo Israeli, lwa u vegidza inzira indahi i va dukira kugilonda; u lete imbula ku kivala kikyo, kya wa ha avandu vovo kuva miyandu.

Nehemia 9:17

na va sula kugakola, kandi si va ganagana vyokugenya vya wa kola hagati havo, navutswa va kola amagoti gavo kuva madinyu, nomu bwebaali bwavo ve tovolera munyampara va duke kwira na mu butugwa bwavo. Navutswa h ive u veye Nyasaye wetegeki kusame ha, wetsimbabasi, na wizula liverere ra, wa galaha ku butima, nowobunyi ngi bwetsimbabasi, si wa va leka mba.

Ayubu 1:20

Hene yaho Ayubu ya singira, na ya tandula ijoho yeye, kandi ya vegwa mutwe gwigwe, nokugwa hasi, nokusigamira;

Zaburi 103:8

Yahova a veye wetsimbabasi na welivererera. Na wa galaha ku butima, na wobunyingi bwelivererera.

Zaburi 106:45

Na ya vidzulira ku lilagana lilye, Na a galuka kuvo kuli ubunyingi bwetsimhabasi tsitsye.

Zaburi 34:18

Yahova a veye himbi kuvo ava vuniki mwoyo, Na a honnyanga yavo ava miniki roho

Zaburi 51:17

Vihaanwa vya Nyasaye vi veye roho gu vuniki: Mwoyo gu vuniki na gu miniki O Nyasaye, si u li gu lega mba.

Zaburi 86:15

Navutswa ive, O Mwami, u veye Nyasaye welivererera na tsimbabasi, Wa galaha ku butima, na munene wetsimbabasi na ageligali.

Zaburi 86:5

Kigira ive, Mwami, u veye mulahi, na mwangu kusameha, Na wobunyingi bwetsimbabasi ku vosi avanira ive.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 58:5

Lihonga lilia kuli yili li veye kuli nda tovola? Iidiku lyomundu a dambidze mwoyo gwigwe? Yili nelinaminya mutwe gwigwe kuli lihunzu, nokuvika magunia neligoke isi wewe? U la langa yaga ga veye lihonga lilia, na lidiku lya Yahova a bugirira?

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 41:5

avandu valala vadza kutwula Shekem nokutwula Shilo, nokutwula Samaria va duka avandu avasatsa makumi gatano na gavaka, navo va li ni va mali kuvega tsinderu tsyavo, nokutandula tsingubo tsyavo, navo va li ni va mali kwekalaga avene, va ginga mmakono gavo vihaanwa vyobusie nevimuli, vya va letanga ku inyumba ya Yahova.

Jeremia 42:10

Mwinye ni mu va ni mu kikiri kumenya mu kivala yiki, hene yaho nda mwombaka, si nda mu tsoma hasi mba, nda mu simika, si nda mwiha mba: kigira nzeganira ku budamano bwa nda mu kola.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Jona 3:9

Ni bwaha u manya, mbula Nyasaye a la girunkana nokweganira, nokuleka ubutima bwibwe bululu, kwinye ku vule kudividzwa?

Jona 4:2

Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Nahum 1:3

Yahova a veye wagalaha ku butima, na a veye munene mu bunyali, si a la kola uyu u veye nekindu kuye kuva ougira mahyolo mba: Yahova a veye nenzira yeye mu kihudzudzi nomu kihi, amalesi ga veye lugukyi lwevirenge vivye.

Livalidza 14:18

Yahova a veye wa galaha ku butima, na wobunyingi bwetsimbabasi, na wokusameha ubwoni na mahyolo; naye si a la kola uyu uekindu kuye kuva bugira kindu ku liva lyosi, u vikanga ubwoni bwavaguga ku avana vavo kuduka likula lya gavaka kandi lya gane.

Varumi 2:4

Naho u leganga ubutugi bwobugasu bwibwe nobwikudzihidzi bwibwe nobwikudziri bwibwe, si u manya ubulahi bwa Nyasaye bu ku letera lyeganira?

Vafeso 2:4

navutswa Nyasaye, kigira ya li netsimbabasi tsinene, kigira ubuyanzi bunene bwibwe bwa ya yanza kwinye,

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.