Joeli 2:12 - KITABU KITAKATIFU

¹² Navutswa kali kalunu, Yahova a vola, Mu girunkane, mu yeke ku inze nomwoyo gwenyu gwosi, kandi nelihonga lilia, nelilira, nelisyoma:

Joeli 2:12 ပူးပေါင်းရင်းမြစ်များ

2 Samweli 24:10

Nomwoyo gwa Daudi gwa mu duya inyima wokuvalidza avandu. Daudi ya volera Yahova Inze nkoli ubwoni ligali kigira nkoli inkuva yiyi: navutswa kalunu O Yahova, nku goonya ligali, u twulidze budamano yibu ku mutumekiri wowo; kigira ligali nda kola gobusiru.

2 Kyetsinyinga 30:6

Ma vetsibaruwa va tsia netsibaruwa tsya twula ku mwami noku vanene veve hagati ha Israeli vosi na Yuda, kuli lilaga lyomwami, va va volera, Mwinye avana va Israeli, mwirane kandi ku Yahova, Nyasaye wa Abrahamu, na wa Isaka, na wa Israeli, a duke kwirana ku vahona ku mwinye ku mukono gwavami va Asuria.

2 Kyetsinyinga 6:27

u hulire yaho mwigulu, u samehe mahyolo gavatumekiri vovo, na ga vandu vovo Israeli, lwa u vegidza inzira indahi i va dukira kugilonda; u lete imbula ku kivala kikyo, kya wa ha avandu vovo kuva miyandu.

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Kutwula 33:5

Na Yahova ya volera Musa, U volere avana va Israeli, Mwinye mu veye avandu ava magoti madinyu; inze, ni mba ni ngenda hagati henyu idakika indala, nda mu dividza: kunangwa mu navule vyokwisiaha, nduke kumanya kya mmukolera.

Isaya 22:12

Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

Isaya 58:4

Henza, mu honga lilia kigira lihangala nelihing'ana, nokuduya na inkusi yobudamano: si mu honganga lilia lero kuduka myoyo gyenyu gyi hulirwa migulu.

Jeremia 3:22

Mwirane, avana ava mwirani inyima, nda honnya lirana inyima lyenyu. Henza, kudzanga ku ive; kigira ive u veye Yahova Nyasaye wetu.

Jeremia 36:7

Namusia va la leta lisaala lyavo imbiri wa Yahova nokwirana sa mulala kuleka inzira yeye indamano: kigira livihirirwa nobutima bwa Yahova bu veye bunene ligali, bwa ya vola ku avandu yava.

Jeremia 4:1

Nu u va ni wirana kandi, O Israeli, Yahova a vola, nu u lirana ku inze; nu u va nu u twulidza livihiriridza lilyo li vule kuva imbiri wetsimoni tsyange; hene yaho u la vula kutwulidzwa;

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Danyeli 9:3

Na nda yekidza tsimoni tsyange ku Mwami Nyasaye, kwenya mu lisaala, nomu lihomba, mu lihonga lilia, nomu tsingubo tsyeligunia, nomu ligoke.

Hosea 12:6

Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.

Hosea 12:7

A veye mugulidzi, tsiratili tsyobugadi tsi veye mmukono gwigwe: a yanzanga kudambidza

Hosea 14:1

O Israeli, wirane ku Yahova Nyasaye wowo; kigira u gwiye mbudamano bubwo.

Hosea 6:1

Hambi, kwirane ku Yahova: kigira ya tandula, naye a la ku honnya; ya duya, naye a la ku boherera.

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.

Zekaria 7:3

nokuvolera avasalisi avenyumba ya Yahova wa mahe, na avaprofeti, kuvola Ga ndukira kulira ku mweli gwegyitano, nokwiyahuia ku avandu, kuli nda kola ku mihiga gya vita minyingi?

Zekaria 7:5

U volere avandu vosi vekivala, na avasalisi, u va volere, Lwa mu honga lilia nokusyoma ku mweli gwa katano noku mweli gwa katano na kaviri, mu mihiga yigyi makumi gatano na gaviri mwa honga lilia ku inze, ku inze ligali?

Malaki 1:9

Mwadza, kalunu, mu saale tsimbabasi tsya Nyasaye, a duke kukuvererera: inkuva yiyi i twuli mmakono genyu: a la bugirira liva lyenyu? Yahova wa mahe a vola.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Vakalagi 2:4

Ma, lwa ingelosi wa Yahova ya volera avana va Israeli vosi makuva yaga, hene yaho avandu va ginga myoyo gyavo, ni va lira.

Vakalagi 20:26

Hene yaho avana va Israeli vosi, navandu vosi, vanegira, na va tsia Beth-eli, nokulira, na vikala ho imbiri wa Yahova, na va honga lilia lidiku yilyo kuduka mgolova; na va haana vihaanwa vyokusambwa, nevihaanwa vyemirembe imbiri wa Yahova.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.

1 Samweli 7:6

Ma va vugana halala ha Mizipa, na va daha madzi, ni va ga tsuka hasi imbiri wa Yahova, navo va honga lilia lidiku yilyo, na va vola ha zana amakura yaga, Kwinye ku koleye Yahova ubwoni. Na uyu Samweli ya kalagira avana va Israeli mu Mizipa.