Joeli 2:10 - KITABU KITAKATIFU

¹⁰ Lirova li degera imbiri wavo; ligulu li degera; Iiuva na mweli vi mwaminyeywi, na tsing'ereng'ani tsyemwaminya.

Joeli 2:10 ပူးပေါင်းရင်းမြစ်များ

Zaburi 114:7

U degere, ive lirova, mmoni mwo Mwami Imbiri wa Nyasaye wa Yakobo

Zaburi 18:7

Hene yaho lirova lya degera nokudengeya; Imise gyevigulu kandi gya degera Kya degera, kigira ya li nobutima.

Isaya 13:10

Kigira tsing'ering'ani tsyomigulu nelihambana lyatsyo si tsi laakidza ubulavu bwatsyo mba: neliuva li la kolwa kisundi mu livaala lyalyo, nomweli gu la vula kwaakidza ubulavu bwa gwo.

Isaya 34:4

Na lihe lyosi lyomigulu li la livuluka, ne ligulu li la lingwa halala kuli lilingwa lyetsikaratasi; na lihe lyavo lyosi li la niala, kuli litu li nialanga kutwula ku muzabibu, na kuli litu li nialanga ku mukuyu

Isaya 5:30

Va la fwuma kuvo mu lidiku yilyo kuli liluuma lyenya nza: mundu na a va na a henza kivala a la lola kisundi kandi kivi; nobulavu bu mwaminyeywi mu malesi gyakyo.

Jeremia 4:23

Nda lola lirova, na henza, li veye bugira bulolero na bugira kindu mulyo; nomu ligulu nda li henza, vya li bugira bulavu.

Joeli 2:2

lidiku lyekisundi, na lya isi idunyi, lidiku lyamalesi na kisundi kiliduhu, kuli isi i tanga kwayuka ku vigulu; Ii leta avandu avanene na avetsingulu; va kikiri kuva ho kuli yavo madiku gosi, kandi si va la va ho avenyima, kuduka ku mihiga gyevisukululwi vinyingi.

Joeli 2:31

Na liuva li la girunkanywa li gwe kisundi, na mweli gu la girunkanywa gu gwe masahi, lidiku lya Yahova linene na lyokutihidza li kikiri kuduka.

Joeli 3:4

Yee, mwinye, Turo, na Sidone, na vivala vyosi vya Filisitia, mu veye ikindu ki ku inze? Mu la ntungira mutungu? Kandi ni mu ntunga inze, bwangu ndirannya mitungu gyenyu ku mutwe gwenyu netsimbiru.

Amosi 5:8

mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova);

Nahum 1:5

Vigulu vi degera imbiri wewe, na tugulu tu yenguka; na lirova li gingangwa igulu mbiri wewe, yee, lirova na vosi va menyanga mulyo.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Matayo 27:51

Na henza ingubo yeli tempeli ya tandulwa tsimbaala tsiviri, kutwula hegulu kuduka hasi; lirova lya degera; magina gadika;

Vikolwa 2:20

Liuva li la girunkanywa li gwe kisundi, Kandi mweli gu la girunkanywa gu gwe masahi Li kikiri kuduka lidiku lyo Mwami, Li veye linene nokumanyekana:

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 6:12

Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

Likunula 8:12

Kandi ingelosi wa kane ya kupa, kidieli kilala ku vivaka vyeliuva kya duywa, kandi kidieli kilala ku vivaka vyomweli, kandi kidieli kilala ku vivaka vyetsing'ereng'ani; kidieli kilala ku vivaka ki gwe kisundi, kandi mbasu gu vule kuva ubulavu ku kidieli kyabwo kilala ku vivaka, nobudiku kandi ndiyo.

Likunula 9:2

Kandi ya kunula mwanka gwobogo; nomwoki gwa senuka kutwula mu bogo kuli mwoki gwa mahiga manene; liuva nobwerefu vya kolwa kisundi kigira mwoki gwobogo zana.