Joeli 1:15 - KITABU KITAKATIFU

¹⁵ O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi.

Joeli 1:15 ပူးပေါင်းရင်းမြစ်များ

Zaburi 37:13

Mwami a la mu seka; Kigira a lola lidiku lilye liidzanga.

Jeremia 30:7

O bayaye kigira lidiku yilyo li veye linene, si ha li nelindi li fwana nalyo: li veye inyinga yekivi kya Yakobo; navutswa a la honywa kuyo.

Jeremia 46:10

Kigira lidiku yilyo li veye lidiku lya Yahova, uyu Yahova wa mahe, li veye lidiku lyokuvanza kisalya, a duke kwevanzira kisalya ku vasigu veve: kivavi ki la lia na ki liguta, na ki la nwa amasahi gavo nokuhambika; kigira Mwami, Yahova wa mahe, a veye nekihaanwa kikye mu kivala ku luvega lwa kasikasini himbi nomugera gwa Farati.

Ezekieli 30:3

Kigira lidiku yilyo li veye ahimbi lidiku lya Yahova li veye ahimbi; li veye lidiku lyamalesi, i la va inyinga yetsihiri.

Joeli 2:11

Na Yahova a vola nomwoyo gwigwe imbiri welihe lilye; kigira hokusosa hehe na hanene; kigira a veye netsingulu u kolanga likuva lilye; kigira lidiku lya Yahova li veye linene nelyokutihidza; ibwaha u nyala kwikudzera kulyo?

Joeli 2:31

Na liuva li la girunkanywa li gwe kisundi, na mweli gu la girunkanywa gu gwe masahi, lidiku lya Yahova linene na lyokutihidza li kikiri kuduka.

Joeli 3:14

Va veye ho avanyingi, avanyingi mwivona lyokutovolera mu kigira lidiku lya Yahova li veye himbi mwivona lyokutovolera mu.

Obadia 1:15

Kigira lidiku lya Yahova li veye ahimbi ku tsihiri tsyosi: kuli wa kola yaga, na ive u la kolerwa ndiyo; litunga lilye li lirana ku mutwe gugwo mwene.

Zefania 1:7

Kiring'ana lwo Mwami Nyasaye a veye nive; kigira lidiku lya Yahova li veye ahimbi: kigira Yahova u lombi kihaanwa, u takasi avageni veve va ya langa.

Yakobo 5:9

Mu ta monyana avene navene, avamitu, mu duke kuvula kukalagirwa: henzi, mukalagi u singiye ku viliango.

Likunula 6:17

kigira li duki lidiku linene lyobutima bwavo; kandi ibwaha a nyala kusingira?