Joeli 1:14 - KITABU KITAKATIFU

¹⁴ Mu takase lihonga lilia, mu lange livugana litakatifu, mu vungidze avasakulu, na vosi avamenya mu kivala, va vunge mu inyumba ya Yahova Nyasaye wenyu, mwanire Yahova.

Joeli 1:14 ပူးပေါင်းရင်းမြစ်များ

2 Avami 10:20

Jehu ya vola, Mu takase livugana lya Baal. Na va landidza.

2 Kyetsinyinga 20:13

Na Yuda vosi va singira imbiri wa Yahova, na vakekeke vavo, na vakali vavo, navana vavo.

Nehemia 8:18

Halala na yaga lidiku nelidiku, kutwula ku lidiku lyoku tanga kuduka ku lidiku lyekiheri, ya soma mu kitabu kyelilaga lya Nyasaye. Na va singeridza lisavo madiku gatano na gaviri; noku lidiku lya gatano na kavaka ha li nelivugana lyokwegehidza ligali kuli lilaga.

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Jeremia 14:2

Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

Jeremia 36:9

Na ga duka mu muhiga gwa kola gyitano gwa Jehoiakim mwana wa Josia, mwami wa Yuda, ku mweli gwegyitano na gyine, avandu vosi ava Yerusalemi na vosi ava twula mmadala ga Yuda kuduka Yerusalemi va landidza lihonga lilia imbiri wa Yahova.

Joeli 1:2

Mu hulire yaga, mu inye avasakulu, mu tegidze amatu, mwinye vosi ava menyanga mu kivala yiki. Inkuva yiyi ya li mu madiku genyu, kinga mu madiku ga vaguga venyu?

Kyavalevi 23:36

Madiku gatano na gaviri mu la letera Yahova kihaanwa kyokulombwa nomuliru: na ku lidiku lyegatano na gavaka li la va livugana litakatifu ku mwinye; na mu la letera Yahova kihaanwa kyokulombwa nomuliru: li veye livugana litakatifu; mu la vula ku kola miyinzi gyobutugwa kali mulala.

Jona 3:5

Na avandu va Nineve va suuvira Nyasaye; ni va landidza lilaga, Lihonga lilia li ve, na vivika magunia, kutwula ku munene kuduka ku mukekeke kuvo.

Jona 3:8

navutswa vivika tsingubo tsyamagunia, avandu kandi imitugu, nokwanira Nyasaye ligali netsingulu tsyosi: yee, va girunkane vosi sa mulala, nokuleka inzira yeye indamano, nokuleka kirage ki veye mu makono gege.

Zefania 2:1

Mwivungidze halala, yee, mu vunge halala, O ive ihiri u ta veye netsisoni;