Jeremia 9:24 - KITABU KITAKATIFU

²⁴ navutswa uyu wiyidzominya yiyidzominye mu yaga, ga nzidzulitsanga, nokumanya inze, mbeye Yahova u tumekiranga tsimbabasi, nelikalaga, nobulungi mu lirova: kigira inze nyanzidzangwa mu vindu yivi, Yahova a vola.

Jeremia 9:24 ပူးပေါင်းရင်းမြစ်များ

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Zaburi 34:2

Mwoyo gwange gu ligingira mu Yahova: Avahoma va la hulira yaga nokuva nesango.

Zaburi 34:3

Mwidzominye Yahova mwinye na inze, Kandi kwidzominye lieta lilye halala.

Zaburi 44:8

Kwigingiranga mu Nyasaye mbasu bei, Na ku la santidza lieta lilyo mihiga nemihiga. [Selaha

Zaburi 44:9

Navutswa kalunu u ku teye, nokukulegannya, Na si u hereka lihe lyetu.

Zaburi 51:1

Umbere tsimbabasi, O Nyasaye, kuli tsimbabasi tsyobuyanzi bubwo: Kuli ubunyingi bwetsimbabasi tsitsyo u ntwulidze mahyolo gange.

Zaburi 91:14

Kigira u viki ubuyanzi bwibwe ku inze, kunangwa nda mu honnya: Nda mu vika higulu kigira a manyi lieta lyange.

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Isaya 20:5

Na va la va nobutii netsisoni, kigira Ethiopia kya li kisuuviri kyavo, na Egepeti kya li ubukumi bwavo.

Isaya 41:16

Na u la vi sesa, nembuudza i la vi lulukidza, na kihudzudzi ki la vi salannya; na u la sangala mu Yahova, na u lidzomi nya mu uyu Mutakatifu wa Israeli.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Jeremia 22:16

Ya kalaga makuva gomudaka nomudambi; kunangwa bwa li bulahi. Inkuva yiyi si i veye limanya inze? Yahova a vola.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Varumi 5:11

Kandi si ga li yaga geng'ine, navutswa kandi ku sangalira mu Nyasaye kigira Mwami wetu Yesu Kristo, wa ku mali kunyola kuye lihambanywa kalunu.

1 Vakorintho 1:31

kuli wa ga ng'odwa, Widzominya, yidzominyire ku Mwami.

2 Vakorintho 10:17

Navutswa uyu wiidzominyanga, yiidzominye mu Mwami.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Vagalatia 6:14

Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.