Jeremia 9:23 - KITABU KITAKATIFU

²³ Yahova a vola ndi, Wobugeeri a tiyidzominya ku ubugeeri bwibwe mba, kandi wobunyali a tiyidzominya ku tsingulu tsitsye mba, kandi mutugi a tiyidzominya ku butugi bwibwe mba:

Jeremia 9:23 ပူးပေါင်းရင်းမြစ်များ

Ayubu 32:13

Mwelinde, gase mu la vola, Ku nyoye ubugeeri; Nyasaye a nyala kumuguuta, si ha li nomundu kumuouula;

Ayubu 41:15

Amagamba gayo getsingulu noluyai lwayo, Kuli ga gerekana halala kuli ga homerwa nomuhuri.

Zaburi 33:5

A yanzanga ubulungi na likalaga lidukiru: Lirova lizuye tsimbabasi tsyobuyanzi tsya Yahova.

Zaburi 34:3

Mwidzominye Yahova mwinye na inze, Kandi kwidzominye lieta lilye halala.

Zaburi 44:9

Navutswa kalunu u ku teye, nokukulegannya, Na si u hereka lihe lyetu.

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Tsing'ano 3:5

U suuvire Yahova nomwoyo gugwo gwosi, U ta yeka ku ubugeeri bubwo mwene:

Kohelethu 2:19

Kandi ni bwaha u manyanga a la va wobu geeri kinga musiru? Navutswa a lameha ku likola lyange lyosi lya nkoli, na mulyo ndolekidzi ubugeeri bwange isi weliuva. Kandi yaga gosi na ga vutswa.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Isaya 10:8

Kigira a vola, Avanene vange si va veye avami vosi?

Isaya 20:5

Na va la va nobutii netsisoni, kigira Ethiopia kya li kisuuviri kyavo, na Egepeti kya li ubukumi bwavo.

Isaya 47:10

Kigira ive wa suuvira budamano bubwo; na u voye, Si ha veye nowandolanga; ubu geeri bubwo nelimanya lilyo, vya ku kyaminya; na wa vola mu mwoyo gugwo, Mbeye ho, na si ha veye nowundi kuli inze.

Isaya 5:21

Ubuda mano bu ve ku yavo ava veye nobugeeri mu tsimoni tsyavo avene, navelimanya mu tsiganagani tsyavo

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Jeremia 48:14

Mwinye mu vola ndi, kwinye ku veye avaluviriri, ku veye avobunyali ku bulwani?

Jeremia 48:7

Ga veye kigira ive wa suuvira miyinzi gyigyo nobutugi bubwo, ive kandi u la vugulwa: na Vakemoshu va la hilwa mu lyadikidzwa, avasalisi veve navanene veve halala.

Jeremia 49:4

Kigira ki widzominyanga mu mavona, livona lilyo li gangulukanga, O mukana wirana inyima? Uyu u suuviranga ku butugi bwibwe, nokuvola, Ni bwaha a liidza ku in''e?

Ezekieli 29:9

Na kivala kya Egepeti ki la va hatswa nekyere; na va la manya inze mbeye Yahova. Kigira ya vola, Mugera no gwange, ninze wa gu lomba;

Ezekieli 7:19

Va la ta ifetha yavo mu mahasi, na ithahabu yavo i la va kuli kindu kidamano; ifetha yavo nethahabu yavo si vi la nyala kuvahonnya mu lidiku lyobutima bwa Yahova: si va ligutidza myoyo gyavo, kandi si va ligutidza amala gavo; kigira ga veye lyekigitala lyobudamano bwavo.

Danyeli 3:15

Kalunu ni mu va ni mwetegeki inyinga mu hulira mwoyo gwekisiliva, nogwelilere, nogweiidienyi, nogwekinang'oli, nogwobukana, nogwekidulere, nogwetsing'ano tsyosi tsyevikupangwa, mu gwe hasi nokusigamira kifwananyi kya nombi, nu bulahi: navutswa ni mu vula kukisigamira, mu la tebwa isaa zana yeyo, mu kisambiru kyaakanga muliru ligali; na munyasaye zana u nyala kumutwulidza mu makono gange, ni bwaha?

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Marko 10:24

Avegidzwi va genya amakuva gege. Navutswa Yesu ya tivula kandi na a va volera, Avana, ni budinyu ki ava suuvira butugi kwingira mu bwami b w a Nyasaye.

Varumi 1:22

Mu livola lyavo avene ku veye avageeri, va gwa avasiru,

1 Vakorintho 1:31

kuli wa ga ng'odwa, Widzominya, yidzominyire ku Mwami.

Kwidzulitsa 8:17

gase u la vola mmwoyo gugwo, Ubunyali bwange, netsingulu tsyomukono Kwange tsi nyoleye ubutugi yibu.

Vafilipi 3:10

nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye;

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

1 Timoteo 6:10

Kigira kitinya kyobudamano tsing'ano tsyosi ki veye liyanza ubutugi: bwa valala vivika mu likayirwa va goti kandi va twuli ku lisuuvira, kandi nokwetumita avene nobusaliri bunyingi.

1 Samweli 17:42

Na lwa Mufilisiti ya henza yiyi na yiyi ya lola Daudi, na a mu lega; kigira ya li musoleli vutswa, mwakanyu, noweligondo lilahi.