Jeremia 9:2 - KITABU KITAKATIFU

² Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Jeremia 9:2 ပူးပေါင်းရင်းမြစ်များ

Isaya 59:3

Kigira makono genyu gononnyeywi namasahi, na videte vyenyu nobudamano; minwa gyenyu gyi vola bubehi, netsinimi tsyenyu tsi monyanga budamano.

Jeremia 12:1

Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Jeremia 12:6

Kigira kali avamwavo vovo, nenyumba ya dada wowo, kali avandu yavo va ku koleye ubugadi; va ku kupiye uluku inyima wowo: u ta suuvira avandu yavo kali ni va ku volera amakuva malahi.

Jeremia 13:22

Nu u va nu u teva mu mwoyo gugwo, Makuva yaga ga duka ku inze kigira ki? Kigira ubunene bwobudamano bubwo kitweya kikyo ki kunuliywe, na maki gogo ga saliranga.

Jeremia 23:10

Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 5:1

Mu nyagule yiyi na yiyi mu tsinzira tsya Yerusalemi, mu lole kalunu, nokumanya, nokwenya mu migidze gyalyo migalamu, nu u va nu u nyala kunyola musatsa mulala, na a va na a veye ho mulala u kolanga agobulungi, wenyanga ageligali; na inze nda sameha lidala yilyo.

Jeremia 5:11

Kigira inyumba ya Israeli nenyumba ya Yuda tsi kol ubugadi ligali ku inze, Yahova a vola.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Hosea 4:2

Si ha veye nekindu ni li ta li lyesuha, nobubehi nokwiita, nokwiba, nobuheyi; va twulira namasahi ga dira masahi.

Hosea 5:7

Va koli ubugeeri bwobugadi ku Yahova; vivuye avana vageni: kalunu mweli muhya gu la va mira halala nemilimi gyavo.

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Hosea 7:4

Yavo vosi va veye avaheyi; va gwiye kuli amahiga ga vikeywi mu muliru na uyu u luganga ubukima; uyu a lekanga kwigereridza muliru, kutwula ku liduvula ubusie kuduka lwa ma mera ga vimbidza.

Mika 6:12

Kigira avatugi va yaho vizuye kirage, na va menyanga mu va vehanga, na ululimi mminwa gyavo lu veye nobugadi.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Malaki 2:11

Yuda ya kola nobugadi, na livihiriridza li veye mu Israeli nomu Yerusalemi: kigira Yuda yononnya ubutakatifu bwa Yahova bwa a yanzanga, na ya kwa mu kana wa nyasaye mugeni.

Malaki 2:14

Na mwi nye mu volanga, Kigira ki? Kigira Yahova ya li muloli hagati hoho na mukali wobusoleli bubwo, wa ive wa mu kolera ubugadi, kali ni ya li wakyo, na mukali welilagana lilyo.

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

Vakalagi 2:10

Na avandu velikula yilyo vosi va vungidzwa ku vaguga vavo: nelikula lindi lya singira inyima wavo, lya vula kumanya Yahova, kandi si va manya likola lya ya kolera Israeli.