Jeremia 9:18 - KITABU KITAKATIFU

¹⁸ navo va kole bwangu, nokutanga lisyomera kwinye, tsimoni tsyetu tsi duke kwidoola amaliga, vigohe vyetu vi senuke amadzi.

Jeremia 9:18 ပူးပေါင်းရင်းမြစ်များ

Zaburi 119:136

Migera gyamadzi gyi gangulukanga mu tsimoni tsyange, Kigira va vula kubugirira itorati yoyo.

Isaya 22:4

Kigira yaga nda vola, Girunkana mu ta henza inze nda lira ligali; u tinyangidza kuleminya inze mwoyo ku lyononnywa lyomukana wavandu vange.

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 14:17

Na ive u la va volera likuva yili, Tsimoni tsyange tsi ganguluke amaliga mbasu nobudiku, tsi vule kuleka; kigira mukana wa avandu vange mugima wononnyeywi lyoneka linene, nolugoma lwokusaliridza ligali.

Jeremia 3:24

Navutswa kindu kyetsisoni ki mali kulia linyakana lyemiyinzi gyavaguga vetu kutwula busoleli bwetu, vyayo vyamagondi na vyetsing'ombe, avana vavo vayai navakana.

Jeremia 3:25

Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.

Jeremia 4:20

Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.

Jeremia 6:26

O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

Jeremia 7:29

U vege lisu lilyo, O Yerusalemi, nokuli ta, mu tange lisyoma hadiguluku; kigira Yahova u suye nokuleka likula lyobutima bwibwe.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Jeremia 9:10

Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Jeremia 9:20

Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

Lisyoma lya Jeremia 1:2

A liranga ligali inyinga yobudiku, amaliga gege gi doolanga ku tsindama tsitsye; Mu vosi avayanze veve si va veye nomulala u mu leminya mwoyo: Avalina veve vosi va mu koleye agobugadi; va gwiye avasigu veve.

Lisyoma lya Jeremia 2:11

Tsimoni tsyange tsi luhi kigira maliga, mwoyo gwange gu kaliki; Likudumani lyange li tsukeywi ku kivala, kigira ubwoneku bwomukana wavandu vange; Kigira avana vadoto na va nunanga va kudziye ku tsinzira tsyelidala.

Lisyoma lya Jeremia 2:13

Nku lolekidzira kindu ki, nda fwanannya na kindu ki ive, O mukana wa Yerusalemi? Nda leng'annya na kindu ki ive nduke kukuleminya mwoyo O mukana mugima wa Zioni? Kigira ubusasuguku bubwo bu veye bunene kuli inyanza; ni bwaha u nyala kukuhonnya?

Lisyoma lya Jeremia 2:18

Myoyo gyavo gyanira Yahova: Ive lidigi lyomukana wa Zioni, amaliga gi doole kuli mugera mbasu nobudiku; U tesosidza, u ta leka indolero yemoni yoyo i ta here mba.

Lisyoma lya Jeremia 3:48

Imoni yange yidoolanga migera gya madzi, kigira ubwoneku bwomukana wa avandu vange.

Amosi 5:16

Kunangwa Yahova, Nyasaye wa mahe, a veye Mwami, a vola ndi: Lisyoma li la va ho mu tsinzira tsingalamu; navo va la vola mu tsinzira tsyosi, O Bayaye bayaye na va la langa mulimi yadze kusyoma, navetsingulu tsyokulira vadze kulira.

Luka 19:41

Kandi lwa ya duka himbi, ya lola lidala, na a li lirira,