15 kunangwa kigira yaga Yahova wa mahe, Nyasaye wa Israeli, a vola ndi, Elenza, nda lehidza avandu yava, yee, avandu yava nda va lehidza kilulu, na nda va ha amadzi gobusungu kunwa.
Kigira mu mukono gwa Yahova, ki veye mu kikombe kyewaini kiviravira lifwulu; Kizuye vitsukannyeywi, naye ya vi tsuka: Ligali avadamano velirova vosi va la komheridza amaseke, nokuganwa.
Kigira yaga Yahova wa mahe a vola ku makuva gavaprofeti: Henza, nda va leh dza vilulu, nokuvanwellidza indulwi: kigira ku avaprofeti va Yerusalemi lidamano li twuli kwingira mu kivala kyosi.
Kigira Yahova, Nyasaye wa Israeli, ya mbolera yaga: a vola, Vugula kikombe kyewaini yobutima mmukono gwange, u nwehidze tsihiri yitsi tsyosi, tsya nku tuma ku, va nwe.
Henza, mbenzeridzanga kuvo mba letere ubudamano, si ga li kuvaletera ubulahi: navandu vosi va Yuda ava veye mu kivala kya Egepeti va la dividzwa nekivavi, nenzala, kuduka va heridzwe ligali.
Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.
Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.
Kidieli kyevivaka u ki sambe mmuliru hagati helidala, lwa madiku geliku mbiridzwa ga dukidzwa; kidieli kyevivaka kindi u la vugula, na u la ki tema nekivavi kulivodonkannya tsimbega tsyosi; na kidieli kyevivaka kindi u la ki ta imbuudza i duke kukidumula, na nda somola kivavi kuvalonda.
Yahova a la ku hila, nomwami wowo wa u li vika igulu ku ive, ku ihiri ya u ta manya, ive kinga vaguga vovo; na u la tumekira vanyasaye vandi, avemisala namagina.