Jeremia 9:10 - KITABU KITAKATIFU

¹⁰ Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.

Jeremia 9:10 ပူးပေါင်းရင်းမြစ်များ

Isaya 41:15

Henza nku koli u ve kiju kihya kyokuhuuiira ubuswage, ki veye na amino; na u la huula vigulu, nokuvisasaga kuva vikekeke, nokukola tu gulu kugwa mukuudzi.

Isaya 49:19

Kigira makuva ga hango hoho ha veye here, ha ta veye navandu, nekivala kikyo kyononywa, ligali ive kalunu u la va kinyerere ligali, u ta dukira ava menyanga mu, na yavo ava ku mira va la va ihale ku ive.

Jeremia 12:10

Avayi vanyingi vononnyi milimi gwange gwemizabibu, va duvagi kidieli kyange isi wevirenge vyavo, va koli kidieli kyange kilahi kuva kyangalangwi ki ta li navandu.

Jeremia 12:11

Va ki koli kuva hatswa; ki liranga ku inze kigira ki veye hatswa; kivala kyosi ki kolwa hatswa, kigira si ha veye nomundu u ganagana likuva yili mu mwoyo gwigwe.

Jeremia 12:4

Kivala ki la syoma ku duka inyinga ki, netsingutsa tsyekivala kyosi tsi niala? Kigira ubudamano bwa yavo ava menyanga mukyo, tsinyama tsi divi, na manyonyi; kigira va vola, Uyu si a la lola kiheri kyetu mba.

Jeremia 14:6

Tsisukiri tsyombulimu tsi singiye ku vigulu, tsi herananga kuli vibwe kunyola myika, tsimoni tsyatsyo si tsi lolanga bulungi, kigira si ha veye na hokwaya.

Jeremia 2:15

Ving'ang'a visoleli vi fwumanga kuye, nokuloka; na vi koli kivala kikye kuva vutswa: mada la gege ga hiye, si ga veye navandu.

Jeremia 2:6

Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

Jeremia 23:10

Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Jeremia 50:3

Kigira ihiri i twulanga kasikasini yidzanga kulyo, i li kola kivala kyalyo kuva vutswa, na si ha veye nomundu u menya mukyo: viruki, va tsiye, mundu nenyama

Jeremia 7:29

U vege lisu lilyo, O Yerusalemi, nokuli ta, mu tange lisyoma hadiguluku; kigira Yahova u suye nokuleka likula lyobutima bwibwe.

Jeremia 8:18

Nkano nduki kwelemeridza ku livererera mwoyo gwange gu kudzi mu inze.

Lisyoma lya Jeremia 1:16

Inze ndiranga kigira vindu yivi; imoni yange, imoni yange, yidoolanga amadzi; Kigira wokuneminya mwoyo wa ga dukiranga kwirannya mwoyo gwange a veye ihale ku inze: Avana vange va lekeywi veng'ine, kigira musigu u nguuti.

Lisyoma lya Jeremia 2:11

Tsimoni tsyange tsi luhi kigira maliga, mwoyo gwange gu kaliki; Likudumani lyange li tsukeywi ku kivala, kigira ubwoneku bwomukana wavandu vange; Kigira avana vadoto na va nunanga va kudziye ku tsinzira tsyelidala.

Lisyoma lya Jeremia 5:18

Kigira kigulu kya Zioni, yiki kya lekwa vutswa: Vinywere vi tsitsanga yiyi na yiyi kukyo.

Ezekieli 14:15

Ni ndeta tsi nyama tsindamano tsi vite mu kivala yikyo, nokukyononnya, kuduka kuva hatswa, kuduka si ha veye nomundu u vita mu kivala yikyo kigira tsinyama zana;

Ezekieli 27:2

Na ive, mwana womundu, u syomere Turo;

Ezekieli 29:11

Induvatiru yomundu i la vula kuvita hagati hehe, kandi induvatiru yenyama i la vula kuvita hagati hehe, kandi si ki la menywa navandu kuduka mihiga makumi gane.

Ezekieli 33:28

Na nda kola kivala kuva hatswa na kyokugenya; nobwegingiri bwobunyali bwibwe bu la hera; nevigulu vya Israeli vi la va hatswa, kuduka mundu ku vosi a vule kuvita hagati hakyo.

Ezekieli 6:6

Hosi ha mu menyanga madala ga la kolwa vyanyi, hadiguluku ha la va hatswa; ubwali bwenyu bu duke kukolwa vyanyi, nokukolwa hatswa, nevifwananyi vyenyu kuvunanywa nokuhera, nevifwananyi vyenyu vyeliuva vi la temagwa, nemiyinzi gyenyu gyi la dividzwa ligali.

Hosea 4:3

Kigira yaga kivala ki la syoma, na sa mulala u menyanga mukyo a la ng'aha, halala netsinyama tsyombulimu na manyonyi gombwerefu; yee, tsisudzi tsyomu inyanza kandi tsi la twulidzwa.

Joeli 1:13

Mwebohe na magunia, mu syome mwinye avasalisi; mu kupe tsikwili, mwinye ava tumikanga ku bwali; mudze, mu gone ubudiku bwosi mu magunia, mwinye avatumekiri va Nyasaye wange: kigira kihaanwa kyobusie na kihaanwa kyokunwa vigaliywi vi ta va mu inyumba ya Nyasaye wenyu.

Joeli 1:19

O Yahova, nzanira ive; kigira muliru gu sambi vyayiru vyomu ligendanyama, na ulumemo lwomuliru lu sambi misala gyosi gyomulimi.

Amosi 5:1

Mu hulire likuva yili lya mbola li ve lisyoma ku mwinye, O inyumba ya Israeli.

Amosi 5:16

Kunangwa Yahova, Nyasaye wa mahe, a veye Mwami, a vola ndi: Lisyoma li la va ho mu tsinzira tsingalamu; navo va la vola mu tsinzira tsyosi, O Bayaye bayaye na va la langa mulimi yadze kusyoma, navetsingulu tsyokulira vadze kulira.

Mika 2:4

Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu.

Mika 3:12

Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.