Jeremia 8:5 - KITABU KITAKATIFU

⁵ Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Jeremia 8:5 ပူးပေါင်းရင်းမြစ်များ

Tsing'ano 4:13

U gumire lyegidzwa ligali; u ta li leka li tsie: U li gumire; kigira li veye livamwoyo lilyo.

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Isaya 30:10

va veye avandu ava voleranga valoli, Mu ta lola mba; na va volera avaprofeti, Mu ta profeta vindu vilahi, mu ku volere vindu vidoto, mu profete bugadi,

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Jeremia 14:7

Kali ubudamano bwetu ni bu lolekidza ku kwinye, u kole miyinzi kigira lieta lilyo, O Yahova; k igira lirana inyima lyetu ni linyingi; ku koleye ive ubwoni.

Jeremia 2:32

Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

Jeremia 3:5

A la va nobutima bwibwe madiku gosi? A la tsitsagil'la nabwo kuduka ku kiheri? Henza, u voye na u koli vidamano, na u londi inzira yoyo mwene.

Jeremia 5:27

Kuli lisera lizuye manyonyi, ni ndiyo tsinyumba tsyavo tsizuye ubugadi: na va gwiye avanene ku tsinzira yitsi, va nyoye ubutugi.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Jeremia 6:17

Nda singeridza ku mwinye avalindi, kurola, Mu hulire mwoyo gwekisiliva; navutswa va vola, Si ku la hulira mba.

Jeremia 6:19

U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Jeremia 9:6

Ubumenyo bubwo bu veye hagati hobugadi; mu bugadi bwavo va sula kumanya inze, Yahova a vola.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Hosea 11:5

Si va lirana kandi mu kivala kya Egepeti, navutswa Muasuria a la va mwami wavo, kigira va sula kwirana ku inze.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Hosea 13:2

Na kalunu va kolanga ubwoni kuvita, na velombeye vifwananyi vyokulongwa vyefetha yavo kali vifwananyi zana vi veye kuli iimanya lyavo avene, vyosi vi veye likola lyavasidza: va volanga ku makuva gavyo, Avasatsa va haananga vihaanwa va buse vi moli.

Hosea 4:16

Kigira Israeli u koli bwibaali, kuli iroli yobwibaali: kalunu Yahova a la va lihidza kuli mwana weligondi mu ubwiyangu bunene.

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

Yohana 5:40

kandi mwinye si mu yanza kuudza ku inze mu nyole livamwoyo.

1 Vatesalonike 5:21

mu henzeridze vindu vyosi; mu gumire ligali ki veye kilahi;

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Likunula 2:25

Navutswa kya mu veye nakyo mu ki gumire, kuduka lwa ndidza.