Jeremia 8:22 - KITABU KITAKATIFU

²² Si ha veye nolu nyasi mu Gileadi? Si a veye yo mwahi? Kigira ki ubulamu bwomkana wavandu vange bu vuli kwiranywa?

Jeremia 8:22 ပူးပေါင်းရင်းမြစ်များ

Litanga 37:25

Na vikala kulia vyokulia: navo va ginga tsimoni nokuhenza, na henza, va lola uluvaso lwa Avaishmaeli va li kutwula Gileadi, na tsing'amia tsyavo tsi ginganga vindu vi funya mwayu, na kimuli, na manemane, va sulungutanga kutsia Egepeti.

Litanga 43:11

Na dada wavo Israeli ya va volera, Ni ga va ni ga veye ndiyo, mu kole yaga: mu vugule makuyu malahi gekivala mu viju vyenyu, na mu hilire mundu uyu kihaanwa, hailubani inkekeke, nobwuki bukekeke, nomunyovo, na manemane, na tsinzoli tsyokulia, na tsinzoli tsyomulodzi;

Jeremia 14:19

Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo

Jeremia 22:6

Kigira Yahova a vola amakuva yaga ku makuva genyumba yomwami wa Yuda: Ive ku inze u veye Gileadi, kandi u veye mutwe gwa Lebanon; ligali nda kola ive kuva kyangalangwi, amadala gavandu va ta menya mu.

Jeremia 46:11

Yanegira u tsie Gileadi, u nyole lunyasi O mukana mugima wa Egepeti: ive u tumekiranga tsinyasi tsinyingi vutswa; si ha veye neliho nnywa ku ive.

Jeremia 51:8

Babuloni li gwiye nokudiva nonoho: mu li kupire tsikwili; mu vugule lunyasi kigira litsunwa lilye, mbula a duke kuhona.

Jeremia 6:7

Kuli kidaho ki senukidza amadzi gakyo manyingi, ni ndiyo lidala yili li senukidza ubudamano bwalyo: kirage neli lanya vi huleywi mulyo; ubulwaye netsing'oma vi veye imbiri wange kazozo.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Jeremia 9:11

Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

Lisyoma lya Jeremia 2:13

Nku lolekidzira kindu ki, nda fwanannya na kindu ki ive, O mukana wa Yerusalemi? Nda leng'annya na kindu ki ive nduke kukuleminya mwoyo O mukana mugima wa Zioni? Kigira ubusasuguku bubwo bu veye bunene kuli inyanza; ni bwaha u nyala kukuhonnya?

Ezekieli 27:17

Yuda, na kivala kya Israeli va li avakirannyi vovo: va leta ingano ya Minithu, na vibagaga, na ubwuki, na amaguta, na ubani.

Livalidza 32:1

Kunangwa avana va Rubeni na avana va Gadi va li nemitugu minyinga ligali: na, lwa va lola kivala kya Jazeri na kivala kya Gileadi, henza vi veye vilahi kukonya mitugu;

Luka 8:43

Kandi mukali wa lwala na a tadza masahi imihiga likumi na gyiviri, ya malira avetsinyasi vindu vivye vyosi, navutswa kali mulala si ya nyala kumuhonnya,