Jeremia 8:16 - KITABU KITAKATIFU

¹⁶ Na lisiala lyamolo ga tsiparasi tsitsye li hulirwa kutwula Dan: na ku mwoyo gwavetsingulu veve kivala kyosi ki degeranga; kigira va duka, nokudividza kivala na vyosi vi veye mukyo: lidala, na vosi ava menya mulyo.

Jeremia 8:16 ပူးပေါင်းရင်းမြစ်များ

Ayubu 39:20

Nive wa gi lomba i buluke kuli isigi? Ubukumi bwelisiala lya amolo gayo bu tihidzanga.

Zaburi 24:1

Lirova li veye lya Yahova, na vyosi vizula mulyo; Vivala vyetsihiri, na yavo ava menya muvyo.

Jeremia 10:25

U tsuke ubutima bubwo ku tsihiri ava ta manya ive, noku bwiko ava vula kwanira lieta lilyo; kigira va lia Yakobo, yee, va mu lia nokumudividza ligali, na ubumenyo bwibwe va bu koli hatswa.

Jeremia 3:24

Navutswa kindu kyetsisoni ki mali kulia linyakana lyemiyinzi gyavaguga vetu kutwula busoleli bwetu, vyayo vyamagondi na vyetsing'ombe, avana vavo vayai navakana.

Jeremia 30:16

Kunangwa kigira yaga vosi ava lia ive navo va la libwa; navasigu vovo vosi, sa mulala a la hilwa mbuhambe; na yava ava lanyanga ive va la lanywa, na yavo vosi ava vugulanga ive ku va muhambe, nda va haana navo kuva avahambe.

Jeremia 30:5

Kigira Yahova a vola: Ku huliye mwoyo gwelidegera, nogwobutii, si gu veye gwemirembe mba.

Jeremia 4:24

Nda lola vigulu, henza, vya degera, notu gulu twosi twa tumatuma.

Jeremia 4:7

King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

Jeremia 47:3

Kigira muliviti gweliduvaga lyetsimbagayu tsya avetsingulu veve, ku lihanga lya magari gege, ku muliviti gwetsingida tsyago, navadada si vekevuka kuhenza avana vovo kigira budedekere bwamakono gavo;

Jeremia 5:17

Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.

Jeremia 50:42

Va gumira ubuta na matimu; va veye avalulu ligali, si va veye netsimbabasi mba; myoyo gyavo gyi luumanga kuli inyanza; navo va ninanga ku tsiparasi; sa mulala u lombeywi, kuli umundu u tsitsanga mbulwani, ku ive, O mukana wa Babuloni.

Jeremia 51:29

Kivala ki degeranga, na ki veye nelitsunwa; kigira lisaavira lya Yahova lya saavira ku Babuloni li singiranga, kukola kivala kya Babuloni kuva vutswa, ki ta li nomundu u menya mukyo.

Jeremia 6:23

Va gumira ubuta nelitimu; va veye avalulu, si va veye netsimbabasi mba; mwoyo gwavo gu luumanga kuli inyanza, na va nina ku tsiparasi tsyavo, sa indala ya lombwa kuli musatsa wobulwani, ku ive, mukana wa Zioni.

Nahum 3:2

Lilangerira lyetsinkova, na umuliviti gwetsingida tsyamagari; na ligenda lyetsiparasi, namagari gobulwani ga tumanga,

Habakuk 3:10

Viguli vya ku lola, na vya tia; Kihi kyamadzi kya vita; Luliva lwa ginga mwoyo gwalwo, Nokuginga makono galwo igulu.

1 Vakorintho 10:26

kigira lirova li veye lyo Mwami, nevindu vizula mu.

1 Vakorintho 10:28

Navutswa mundu na a mu volera, Inyama yiyi i lombeywi i ve kisyuviriru, mu ta lia mba, kigira uyu u vuuye, kandi kigira mwoyo:

Vakalagi 18:29

Ni va li gulika lidala Dan, kulonda lieta lya guga wavo Dan, yivulwa ku Israeli: navutswa lieta lyelidala yilyo ku matsyambiri lya langwa Laishi.

Vakalagi 20:1

Inyinga yeyo avana va Israeli vosi va samula, nelivugana lya vuganwa kuli mundu mulala, kutwula Dan kuduka Beer-sheba, halala nekivala kya Gileadi, va vugana ku Yahova ha Mizipa.

Vakalagi 5:22

Hene yaho tsimbagayu tsyetsiparasi tsya duvaga nomuliviti, Kigira litumatuma lyatsyo tsyetsingulu kutsyo.