Jeremia 8:13 - KITABU KITAKATIFU

¹³ Inze nda va dividza ligali, Yahova a vola: si ga la va ho mazabibu ku mizabibu, kinga amakuyu ku mikuyu, amatu ga la nila; kandi vindu vya nda va ha vi la gota.

Jeremia 8:13 ပူးပေါင်းရင်းမြစ်များ

Isaya 5:10

Kigira kizabibu kyeligera lyevi renge tsimia tsine ki lama tsisiongo tsiviri, nobumwo bu duka mudiema bu lama ubuswage kihinda kilala.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 14:15

Kigira yaga Yahova a vola ku makuva ga vaprofeti va profeta ku lieta Ivange, bugira inze kuvatuma, navutswa va vola, Si ki la va ho kivavi kinga inzala mu kivala yiki: avaprofeti yava va la diva ku kivavi nenzala.

Jeremia 17:8

Kigira a la va kuli musala gu simikwa ahimbi namadzi, ugu hilanga imiri gyagwo yiyi neyiyi himbi nomugera, a la vula kutia inyinga yo uluya ludzanga, navutswa litu lyagwo li la va livisi; si gu la henda mwoyo ku muhiga gwekimeyu, kandi si a la leka liama makuyu.

Jeremia 5:17

Va la lia ligesa lilyo, nobukima bubwo, ubwa, dukira ava na vovo vayai navakana kulagira; va la lia vyayo vivyo vyamagondi netsing'ombe; va la lia mizabibu gyigyo nemikuyu gyigyo: va la sambulannya madala gogo getsingaga, aga wa li ni wa suuvira, va la ga sambulannya nekivavi.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Ezekieli 22:31

Kigira yaga ntsuki livihirirwa lyange kuvo; mmali kuvasamba nomuliru gwobutima bwange: ndeti inzira yavo avene ku mitwe gyavo, mwami Nyasaye a vola.

Hosea 2:12

Na mizabibu gyigye, na mikuyu gyigye, nda gyononnya, gya ya vola mu ma kuva gege, Misala yigyi gyi veye madanyi gange, aga vayanze vange va mpa; na nda gyi kola kuva mulitu, netsinyama tsyombulimu tsi la gyi lia.

Joeli 1:7

Yononnyi muzabibu gwange, nokukuvula musala gwamakuyu guange: i kuvuye magodo gagwo ligali, nokugusyuva ihale, tsitsya tsyagwo tsi koleywi tsindavu.

Kyavalevi 26:20

na tsingulu tsyenyu tsi la gota vutswa; kigira kivala kyenyu si ki lama limedeka lyakyo, na misala gyekivala si gyi lama makuyu gagyo.

Habakuk 3:17

Kigira kali mukuyu ni gu vuli kulavidza kimuli, Kandi makuyu ni ga ta li mu mizabibu; Na miyinzi gyemizeituni gyi la diva Na milimi si gyi la leta vyokulia; Kyayo ki la twulidzwa mu kego, Kandi si ha la va ne kyayo kyetsing'ombe mu kego:

Haggai 1:11

Na nda langa kimeyu ki duke ku kivala, noku vigulu, noku ubuswage, noku iwaini impya, noku maguta, noku vyamera, noku vandu, noku mitugu, noku mi yinzi gyosi gyamakono genyu.

Haggai 2:17

Nda mu kuya nekimeyu noluguku, nembula ya magina mu mi yinzi gyosi gya makono genyu; navutswa si mu yeka ku inze, Yahova a vola.

Malaki 3:11

Kigira mwinye, nda gondokera uyu u litsanga, naye si a lononnya makuyu gekivala kyenyu; kandi mizabibu gyenyu si gyi la vungulula amakuyu gagyo mu mulimi imbiri wenyinga yagyo, Yahova wa mahe a vola.

Matayo 21:19

Na a lola mkuyu ku inzira ha luvega, na a tsia kugwo, navutswa si ya nyola ku kindu mba, amatu geng'ine; na a gu volera, Ga ta va makuyu ku ive inyinga yosi. Nonoho mkuyu gwa niala.

Yakobo 1:11

Kigira liuva li twula halala nembuudza i sambanga, nokwuminya ubulimu; nekimuli kyabwo ki gwidzanga, nobugasu bwelifwana lyakyo bu gotanga: kandi ndiyo mutugi a la kamuluka mu tsing'endo tsitsye.