Jeremia 8:10 - KITABU KITAKATIFU

¹⁰ Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Jeremia 8:10 ပူးပေါင်းရင်းမြစ်များ

Ayubu 31:10

Hene yaho mukali wange a sie ku wundi Navandi va mwinamire.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Isaya 57:17

Kigira ubudamano bwelikayirwa lilye nda mu vihirirwa, nokumukuya; nda visa mmoni mwange ni mbihiri rwa; na ya hongera kwirana inyima ku inzira yomwoyo gwigwe.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 14:18

Ni ntwula kutsia mmulimi, henza, aviitwa nekivavi ni nzingira mu lidala, henza, avalwaye kigira inzala kigira muprofeti nomusalisi vombi va tsia yiyi na yiyi mu kivala kya va ta manya.

Jeremia 17:11

Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Jeremia 22:17

Navutswa tsimoni tsitsyo nomwoyo gugwo si u veye nekya wenyanga ni li ta li likayirwa lilyo lyeng'ine, nokutahidza masahi ga ta li nekindu kugo, nokudambidza, noku kirage, kukola vindu yivi.

Jeremia 32:32

kigira ubudamano bwosi bwavana va Israeli navana va Yuda, bwa va kola kumbihiriridza, yava, navami vavo, navaneni vavo, navasalisi vavo, navaprofeti vavo, navasatsa va Yuda, na va menyanga Yerusalemi.

Jeremia 38:22

Henza, avakali vosi ava lekwa mu inyumba yomwami wa Yuda va la hilwa va tsia ku vanene vomwami wa Babuloni, navakali yava va la ku volera makuva yaga, Yavo avalina vovo va himbi va mali kukugoonya, nokuku guuta: kalunu virenge vivyo vi mali kusikira mbudohi, va girunkani nokwirana inyima.

Jeremia 42:1

Hene yaho avanyampara vosi velihe, na Johanan mwana wa Karea, na Jezania mwana wa Hoshaia, navandu vosi kutwula ku mukekeke kuduka ku munene, visunda himbi,

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Lisyoma lya Jeremia 4:13

Ga reye kigira ubwoni bwa vaprofeti veve, na budamano bwa vasalisi veve. Ava tahidza masahi ga valungi hagati hehe.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Amosi 5:11

Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba.

Mika 2:4

Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Habakuk 1:6

Kigira, henza, nsingeridzanga Avakalidei, ihiri i veye nobululu, i kolanga bwangu, ava vitanga hagati helirova, kugumira bumenyo bu ta li bwavo.

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Tito 1:11

ava ga dukiranga mi nwa gyavo gyi kunikwe; va veye ava i tung'aminyanga avetsinyumba vosi vegidzanga vindu vi ta dukana kigira vyambeti vidamano.

Tito 1:7

Kigira muhenzi ga mu dukiranga a ta va nekindu kuye, kuli mulindi wa Nyasaye; a ta va muhindagiridzi, a ta va u vihirirwa bwangu, a ta va muhambiki, a ta va mukuyi, a ta va mukayirwi wevyambeti vidamano;