Jeremia 7:9 - KITABU KITAKATIFU

⁹ Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Jeremia 7:9 ပူးပေါင်းရင်းမြစ်များ

1 Avami 18:21

Na Elija yisunda ku avandu yavo vosi, na a va volera, Mu la genda kuli avalema mu tsiganagani tsiviri kuduka inyinga ki? Yahova na a va na a veye Nyasaye mu mu londe navutswa na a va na a veye Baal mu londe uyu. Navandu yavo si va mu tivulira kindu kali kilala mba.

Kutwula 20:3

U ta va na vanyasaye avandi imbiri wange mba.

Isaya 1:13

Mu ta leta kandi visyuviriru vya vutswa; kimuli ki sambwa ki veye kyokumbihiridza; kulonda mweli muhya, ne lisabato, nokuvugana, inze si nyala kubugirira ubudamano nelivugana lyelisalisa.

Isaya 58:2

Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

Jeremia 1:16

Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

Jeremia 11:13

Kigira kuli livalidza lyamadala gogo li veye, ni ndiyo livalidza lyavanyasaye vovo li veye, O Yuda; na kuli livalidza lyetsinzira tsya Yerusalemi ni ndiyo mu singeridzi ubwali ku kindu kyetsisoni, ubwali bwokuvuyidzira Baal kimuli.

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 13:10

Avandu vadamano yava, ava sula kuhulira makuva gange, ava gendanga mu bukyamu bwemyoyo gyavo, ava londa vanya saye vandi kuvatumekira, nokuva sigamira, va la va kuli musipi yigu, ugu ta veye kindu.

Jeremia 18:15

Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Jeremia 19:4

Kigira va leka inze, nokukola hano ha vule kumanyakana, va vuyidza vimuli hano ku vanyasaye vandi, ava va ta manya, avene kinga vaguga vavo, kinga avami va Yuda, va mali kwizulitsa hano amasahi aga yava ava ta li nekindu kuvo,

Jeremia 32:29

na Vakalidei, ava lwananga nelidala yili, va ladza nokuvika muliru ku lidala yili, nokulisamba, halala netsinyumba tsyalyo, tsya va vuyidzira Baal vimuli ku visegesi vyatsyo, nokutsuka vihaanwa vyevyokunwa ku vanyasaye vandi, kuduka ku mbihiriridza.

Jeremia 44:3

kigira ubudamano bwavo bwa va kola ku mbihiriridza, mu litsia lyavo kuvuyidza vimuli, nokutumekira ava nyasaye vandi, ava va vula kumanya, yavo, kinga mwinye, kinga vaguga venyu.

Jeremia 44:8

kigira mn a vihiriridza inze nevikolwa vyamakono genyu, ni mu vuyidzira avanyasaye vandi vimuli mu kivala kya Egepeti, kya mwa tsia kumenya mu avageni; mu duke kutwulidzwa, mu ve li laamwa na manyego mu tsihiri tsyosi tsyo mu lirova?

Jeremia 44:9

Mwinye mu mali kwivirira ubudamano bwa vaguga venvu, nobudamano bwavami va Yuda, nobudamano bwavakali vavo, nobudamano bwenyu avene, nobudamano bwavakali venyu, bwa va kola mu kivala kya Yuda, noku mahasi ga Yerusalemi?

Jeremia 48:35

Ka ndi nda kola a heridzwe ku Moabu, Yahova a vola, uyu u haananga hadi guluku, na uyu u vuyidzanga vimuli ku vanyasaye veve.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Jeremia 7:6

mu vule kudambidza umugeni, nomubisandu, nomukunzakali, kinga kutahidza masahi ga ta li nekindu hang'o hano, kinga kulonda vanyasaye vandi ku busaliri bwenyu avene:

Ezekieli 18:18

Ku makuva ga dada wewe, kigira ya dambidza avandu nobululu, nokunuula amwavo wewe nekirage, nokukola aga ta li malahi hagati ha avandu veve, henza, uyu a la kudzira mu bwoni bwibwe.

Ezekieli 20:30

Kunangwa u volere inyumba ya Israeli, Mwami Nyasaye a vola: Mwivika mu bubi ku lilonda miima gya vadada venyu? Na mwekola avamalaya kuli kivihiri kyavo?

Ezekieli 23:39

Kigira lwa va mala kwiita avana vavo ku vifwananyi vyavo, nonoho vingira lidiku lyene yilyo mu hata katifu hange kuhononnya, na, henza ni ndiyo va kola hagati henyumba yange.

Ezekieli 5:11

Kunangwa, kuli mbeye mwoyo Mwami Nyasaye a vola, ligali, kigira ive wononnya ha butakatifu hange nevindu vyosi vyokuvihiriridza nekivihiri kikyo kyosi, kigira yaga nda ku gehidza; imoni yange si i la ku vera tsimbabasi mba, na inze si nda ku vererera mba.

Hosea 2:13

Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Hosea 6:9

Kandi kuli viduma vyavanuuli va gonekanga umundu, ni ndiyo kandi livugana lyavasalisi li veye ava lumindanga ku inzira i tsitsanga ku luvega lwa Shekem; yee, va koli budamano.

Amosi 4:5

mu haane kihaanwa kyokusantidza nekya vikwa mamera, na mu landidze gevihaanwa vyomwoyo gwobuyanzi noku gamba makuva gavyo: kigira yaga ga mu yanzidza, O mwinye avana va Israeli, Mwami Nyasaye a vola.

Zefania 1:5

navo ava sigamira amahe gomigulu ku visegese vyetsinyumba; na yavo ava sigamiranga, avesuhiranga Yahova nokwisuha ku Malikam;

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Varumi 2:2

Kwinye ku manya ligali likalaga lya Nyasaye li veye mu ageligali ku vosi ava londanga vindu yivi.

Kwidzulitsa 32:17

Va haana vihaanwa ku mademoni, ga ta li Nyasaye mba, Ku vanyasaye va va ta manya, Ku vanyasaye vahya va senuki bwangu ndi, Ava vaguga venyu va vula kutia.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.

Vakalagi 5:8

Va tovola avanyasaye avahya; Hene yaho ha li nobulwani ha kiliango: Ingavo kinga litimu vya loleka Mu avandu tsielfu makumi gane tsya Israeli?