Jeremia 7:4 - KITABU KITAKATIFU

⁴ Mu ta suuvira ku makuva gobubehi, kuvola, Litempeli lya Yahova, litempeli lya Yahova, litempeli lya Yahova, ni yava.

Jeremia 7:4 ပူးပေါင်းရင်းမြစ်များ

1 Avami 9:7

hene yaho nda kalaga Israeli va twule mu kivala kya nda va ha; nenyumba yiyi, ya ntakasiye lieta lyange, ndi gi syuva ihale netsimoni tsyange; na Israeli a la va uluga no nelieta lyokukyaywa hagati ha avandu vosi.

Isaya 48:2

(kigira velanga avene va veye avandu velidala litakatifu, nokwidira ku Nyasaye wa Israeli; welieta lilye li langwa Yahova wa mahe):

Isaya 59:4

Si ha veve nomulala wenyanga mu ubulungi, kinga mulala waniranga mu ageligali: va suuvira vya vutswa, ni va vola bubehi; va vereka inda yekivi, nokwivula ubudamano.

Isaya 66:1

Yahova a vola yaga, Ligulu li veye intebe yange yobwami, na lirova li veye intebe yevirenge vyange: mu la nyombakira inyumba yo lugano ki? Kandi ni haliha ha duka kuva hango hange hokusosa?

Jeremia 28:15

Hene yaho muprofeti Jeremia ya volera Hanania muprofeti, Hulira kalunu, ive Hanania; Yahova si ya tuma ive mba: navutswa ive u suuviridzanga avandu yava va suuvire ububehi.

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Jeremia 29:31

U hile amakuva ku vosi avadikidzwa, kuvola, Yahova a vola ku makuva ga Shemaia Munehelami; kigira Shemaia ya profeta ku mwinye, na inze si nda mu laga mba, na ya mu suuviridza kuduka ni mu suuvira ku bubehi;

Jeremia 6:14

Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.

Jeremia 7:14

kigira yaga nda kolera inyumba yiyi i langwa ku lieta lyange, ya mu suuvira ku, na hango hano ha nda ha mwinye navaguga venyu, kuli nda kolera Shilo.

Ezekieli 13:19

Na mwinye mu lononnya inze hagati ha vandu vange kigira tsimpi tsyeshairi kandi kigira amadonye gobukima, kwiita myoyo gya yava ava ga ta dukira likudza, nokuhonnya myoyo gya yavo ava ga ta dukira kuva mwoyo, ku livehera avandu vange ava huliranga bubehi bwenyu.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Zefania 3:11

Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange.

Luka 3:8

Mu kole makuyu ga dukana nelyeganira, mu ta tanga kuganagana, Ku veye naguga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.