Jeremia 7:34 - KITABU KITAKATIFU

³⁴ Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Jeremia 7:34 ပူးပေါင်းရင်းမြစ်များ

Ayubu 3:7

Henza, ubudiku yibwo bu ve ubwere; Mwoyo gwobusangali gu ta va mulyo.

Zaburi 78:63

Muliru gwa samba avasoleli vavo; Na avakana vavo si va li netsinyimbu tsyekiserero.

Isaya 1:7

Kivala kyenyu ki veye king'anye; madala genyu ga sambeywi nomuliru; kivala kyenyu, avamenyi va ki lia imbiri wetsimoni tsyenyu, nakyo ki veye king'anye, kuli kya vamenyi va tung'aminya.

Isaya 3:26

Na viribwa vivye vi la lira nokusyoma; naye a la va mukali wa lekwa, naye a likala hasi.

Isaya 6:11

Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

Jeremia 16:9

Kigira Yahova wa mahe, Nyasaye wa Israeli, a vola: Henza, imbiri wetsimoni tsyenyu, nomu madiku genyu, inze nda heridza hano mwoyo gwobusangali, nomwoyo gwesango, mwoyo gwa u sereye nomwoyo gwomwiha.

Jeremia 22:6

Kigira Yahova a vola amakuva yaga ku makuva genyumba yomwami wa Yuda: Ive ku inze u veye Gileadi, kandi u veye mutwe gwa Lebanon; ligali nda kola ive kuva kyangalangwi, amadala gavandu va ta menya mu.

Jeremia 25:10

Kandi kuvita yaga, nda va nuula mwoyo gwobusangali, nomwoyo gwobuyanzi, mwoyo gwa u seriye nomwoyo gwomwiha mwoyo gwetsing'ina, nobulavu bwolumuli.

Jeremia 27:17

Mu ta va hulira mba; mu tumekire mwami wa Babuloni, mu ve mwoyo: lidala yili li kolwe hatswa kigira ki?

Jeremia 33:10

Yahova a vola ndi: Kali kandi ga la hulirwa hano, ha mu volanga Ha veye ahere, ha tsi ta veye nomundu kinga inyama, kali mu madala ga Yuda, nomu tsinzira tsya Yerusalemi, tsi veye hatswa, tsi ta li ku nomundu kinga avamenyi kinga inyama

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 4:26

Nda lola, henza, mulimi gwelyama ligali gwa li kyangalangwi, na madala gagwo gosi ga sambulanywa imbiri wommoni mwa Yahova, imbiri wobutima bwibwe bululu.

Jeremia 4:27

Kigira Yahova a vola ndi Kivala kyosi ki la va vutswa, halala na yaga si nda ki mala ligali.

Jeremia 44:6

Kigira yaga ubutima bwange nelivihiririrwa lyange vya sunduka, na lyaaka ku madala ga Yuda, noku mahasi ga Yerusalemi: na rnadala yago ga lekwa vutswa, bugira mundu mugo, kuli ga veye lero.

Lisyoma lya Jeremia 5:14

Avakulundu va leka kutsia ha kiribwa, Avasoleli va honga kutsia kukina.

Ezekieli 26:13

Na nda heridza myoyo gyetsinyimbu tsitsyo, na myoyo gyobukana bubwo si gyi la hulirwa kandi mba.

Ezekieli 7:11

Kirage ki vuki kuva impi mbo yobudamano; si ha la va notigala kuvo, kinga ku bunyingi bwavo, kinga ku butugi bwavo: kandi si ha la va nelyesyomera hagati havo.

Hosea 2:11

Kandi nda kola ubusangali bwibwe bwosi bu duke kuhera, namasavo gege agokulonda mweli, na masabato gege, namavugano gege matakatifu.

Hosea 2:13

Na nda leta kuye amadiku ga Vabaal, va ya sambira kimuli kuvo, lwa yesyaha tsimingiri tsyommatu neviju vivye vyevyuma, nokulonderera avayanze veve, nokwivirira inze, Yahova a vola.

Kyavalevi 26:33

Na nda mu salanya hagati hetsihiri, na nda somola kivavi kumulonda: na kivala kyenyu ki la va kya vutswa, na amadala genyu ga la gwa vyanyi.

Mika 7:13

Halala na yaga kivala ki la va vutswa kigira yava ava menyanga mu kyo na kigira makuyu gelikola lyavo.

Likunula 18:23

kandi ubulavu bwetaya si bu lyaaka mu ive kandi mba; nomwoyo gwosereye nogwomwiha si gu li hulirwa mu ive kandi mba; kigira ava kirannyanga mu ive va li avanene velirova; kigira tsihiri tsyosi tsya gadwa nobukumu bubwo.