Va la lekwa vosi halala ku amanyonyi malulu gomu vigulu, na tsinyama tsyelirova; na manyonyi malulu ga la lia kuvo inyinga yeki meyu, netsinyama tsyosi tsyelirova tsi la lia kuvo inyinga yobukindu.
Miyandu gyange gyi gwiye ku inze kuli linyonyi lisalago li gumiranga inyama? Amanyonyi ga gumiranga inyama ga kupananga naye ku tsimbega tsitsye tsyosi? Mu tsie, mu vungidze tsinyama tsyosi tsyomwigendanyama, mu tsi lete tsi lie.
Navandu yavo ava va vikanga kuvo ubuprofeti, va la tebwa ku mahasi ga Yerusalemi kigira inzala nekivavi; si va la va nomundu wokuvata yavo, navakali vavo, navana vavo vayai, navakana: kigira nda tsuka ubudamano bwavo kuvo.
Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.
Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.
Na aviitwa va Yahova lidiku yilyo, va la va ho kutwula ku luvega yilu lwelirova kuduka ku luvega lundi lwelirova: si va la syomirwa, kinga kuvungidzwa, kinga kutebwa; va la va kuli isina ku mmoni mwelirova.
inze nda va vika mmukono gwavasigu vavo, mu mukono gwa yavo avenyanga livamwoyo lyavo; na mibiri mikudzu gyavo gyi la va vyokulia vyamanyonyi gombwerefu, na vyetsinyama tsindulu tsyomu lirova.
Vola, Yahova a vola ndi, Mibiri mikudzu gyavandu gyi la vunguluka kuli amandu mu malimiru, kandi kuli kikamata kya ng'alika inyima womugesi; si ha la va nomundu wokukivungidza halala.
Nda ku ta mwigendanyama, ive netsisudzi tsyosi tsyernigera gyigyo: u la gwa kulwang'amira mu mulimi; u la vula kuletwa halala, kinga kuvungidzwa; mmali kuhaana ive kuva vyokulia vyetsinyama tsyelirova namanyonyi gombwerefu.
Ive u la gwa ku vigulu vya Israeli, ive, neviduma vivye vyosi, navandu va veye halala nive: nda ku haana ku manyonyi getsing'ano tsyosi aga litsanga inyama, noku tsinyama tsyomwigendanyama u duke kulibwa.