Jeremia 7:31 - KITABU KITAKATIFU

³¹ Na vombaka hadiguluku ha Tofethu, ha veye mwivona lyomwana wa Hinom kusamba avana vavo vayai navakana mu muliru; inkuva ya nda vula kulaga, kandi si yingira mu mwoyo gwange.

Jeremia 7:31 ပူးပေါင်းရင်းမြစ်များ

2 Avami 17:17

Na ya vitidza avana vavo avayai navakana hagati ho muliru, na va tumekira ubukumu nobusegetiri, na vegulidza avene va duke kukola ubudamano imbiri wa Yahova, kumuvihiridza.

2 Avami 23:10

Naye yononya Tofeti, ha veye mwivona lya avana va Hinom, mundu a ta vitidza mwana wewe muyai, kinga mwana wewe mukana ku muliru ku Moleku.

2 Avami 23:20

Naye yiitira ku bwali avasalisi vosi ava hadiguluku ava veye ho, naye ya sambira vigumba vyavandu kubwo; ni yirana Yerusalemi.

2 Kyetsinyinga 28:3

Ka ndi ya vuyidza vimuli mwivona lyavana va Hinom, na ya samba ava na veve mu muliru, kuli livihiridza lyetsihiri tsya Yahova ya ta kyova imbiri wavana va Israeli.

2 Kyetsinyinga 33:6

Kandi ya vitidza avana veve hagati homuliru mwivona lyo mwana wa Hinom; na ya henza ku vindu vyomu bwerefu, na a kola bukumu bwobusegetiri, na a tumekira avevigingi, na vasegetiri na a kola budamano bunyingi mu tsimoni tsya Yahova, kumuvihiriridza.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 57:5

mwinye ava hambidzanga muliru gwelikayirwa hagati hevifwananyi, isi wemisala gyosi mivisi; mwinye aviitanga avana mu mavona, isi wetsiimbwa tsyetsinyanda?

Jeremia 19:2

u twule u tsie mwivona lyomwana wa Hinom, i veye ha bwingiriru bwekiribwa kya Harsithu, wilwadze ho makuva ga nku volera;

Jeremia 2:23

U nyala ndi kuvola Inze si nda kolwa mudamano mba si nda londa Vabaal? Henza inzira yoyo ha livona, u manye aga wa kola: u veye ing'amia yetsimbiru i londanga tsinzira tsyalyo;

Jeremia 32:34

Navutswa va vika livihiriridza lyavo mu inyumba ya langwa ku lieta lyange, kugyononnya.

Jeremia 32:35

Na vombaka hadiguluku ha Baal, ha veye mwivona lyornn ana wa Hinom, va duke kuvitidza avana vavo vayai navakana ku muliru va ve ku Moleku; inkuva ya nda vula kuvalaga, kandi si yingira mu mwoyo gwange, va duke kukola livihiriridza yili, nokukyaminya Yuda va kole bwoni.

Ezekieli 16:20

Kandi kuvita yaga u vuguye avayai vovo navakana vovo, ava wa nzivulira, na u viiti va ve kihaanwa ku yavo va duke ku libwa. Vindu vivyo vya malaya vya li inkuva inkekeke,

Ezekieli 20:26

nda va vika mu bubi mu vindu vya va haana avene, kigira va vitidza hagati homuliru vosi avigula inda, nduke kuvakola hatswa, va duke kumanya inze mbeye Yahova.

Ezekieli 20:31

Lwa mu haana vindu vyenyu vya mu haananga, lwa mu vitidzanga avana venyu avayai hagati homuliru, mwivikanga ku bubi ku vifwananyi vyenyu vyosi kuduka lero? Na mu la teva inze likuva, Mwinye avenyumba ya Israeli? Kuli mbeye mwoyo, Mwami Nyasaye a vola, mwinye si mu la teva inze likuva mba;

Kyavalevi 18:21

Kandi u ta haana kali mulala ku lwivulo lulwo kuvakola kuvita muliru kigira Moleku; kandi u ta lega lieta lya Nyasaye wowo: inze mbeye Yahova.

Mika 6:7

Yahova a la yanzidzwa netsieifu tsya magondi makole, kinga nemigera gyamaguta tsielfu likumi? Mbaane wokutanga kwivulwa wange kigira mahyolo gange, lwivulu lwomubiri gwange kigira bwoni bwomwoyo gwange?

Kwidzulitsa 12:31

U ta kolera Yahova Nyasaye wowo kuli yaga mba: kigira gosi aga veye livihiridza ku Yahova, aga a dunyiranga, va mali kukolera avanyasaye vavo; kigira kali avana vavo avayai navakana va va sambiranga vanyasaye v ovo mu muliru.

Kwidzulitsa 17:3

na a tsia kutumekira avanyasaye vandi, nokuvasigamira, kinga liuva, kinga mweli, kinoa vi veye mu lihe lyomigulu, vya inze nda vula kulaga,

Kwidzulitsa 18:10

Ha ta nyoleka halala na ive, mulala u vitidzanga mmuliru, mwana wewe muyai kinga mkana, kinga mulala u kolanga ubusegetiri, kinga u henzanga vyombwerefu a lagule inkuva, kinga mulogi, kinga mbira,

Joshua 15:8

nolwako lwa vita mulivona lyomwana wa Hinom kuduka mbalu mwo Mujebusi ku luvega lwa kusini (nayo ni Yerusalemi); nolwako lwa vita ku isonga yekigulu kikagata ku livona lya Hinom ku luvega lwemadioli, li veye ha kiheri kvelivona lya emindu ku luvega lwa kasikasini;