Jeremia 7:26 - KITABU KITAKATIFU

²⁶ navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Jeremia 7:26 ပူးပေါင်းရင်းမြစ်များ

1 Avami 14:22

Avandu va Yuda va kola budamano imbiri wa Yahova, na va mu kendekidza nobwoni bwavo bwa va kola, kuvita bwosi bwa vaguga vavo va kola.

1 Avami 14:9

navutswa u mali kukola budamano kuvita vosi avimira imbiri wowo, na ive wa tsi? Kwelombera avanyasaye vandi, nevifwananyi vyokutulwa, kuduka kumbihiriridza, na wa nta inyima womugongo gugwo:

2 Avami 17:14

Navutswa va sula kuhulira, ni va kola magoti gavo madinyu, kuli magoti ga vadada vavo, va vula kusuuvira Yahova Nyasaye wavo.

2 Avami 17:15

Na vambakana amalago gege, nelilagana lilye vya ya kola halala navaguga vavo, nelilolekidza lilye lya ya va lolekidzira, navo va londa vya wtswa, ni va gwa avavutswa, na va londa avetsihiri ava va kumbiridza, ava Yahova ya va laga va ta kola kuli yavo.

2 Kyetsinyinga 30:8

Ku nangwa mu ta kola magoti genyu madinyu, kuli vaguga venyu mba; navutswa mwivike ku Yahova, mwi ngire hatakatifu hehe, ha ya ta kasa mihiga nemihiga, mu tumekire Yahova Nyasaye wenyu, ubutima bwibwe bululu bu twule ku mwinye.

2 Kyetsinyinga 33:10

Na Yahova ya volera Manase navandu veve; navutswa si va hulira.

2 Kyetsinyinga 33:23

Naye si yegehidza mwene imbiri wa Yahova, kuli Manase dada wewe yegehidza; navutswa uyu Amoni ya kiridza ubwoni.

Nehemia 9:29

na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Isaya 5:4

Ha veye na miyinzi ki n gyindi gya li kunyala kukolwa mu kizabibu kyange, gya nda vula kukola? Kunangwa, kigira ki lwa nda henzerera kyame mazabibu, navutswa kyama mazabibu gomulitu?

Jeremia 11:8

Navutswa si va hulira, kinga kutegidza amatu, navutswa va genda sa mulala mu bukyamu bwomwoyo gwigwe mudamano: kigira yaga nda leta kuvo makuva gosi gelilagana yili, lya nda va laga va kole, navutswa va vula kugakola.

Jeremia 16:12

Na mwinye mu koli budamano kuvita vaguga venyu; kigira mwinye, henzi, mu gendanga sa mulala kulonda bukyamu bwomwoyo gwigwe mudamano, kuduka mu vule kuhulira inze:

Jeremia 17:23

Navutswa si va hulira mba, kinga kutegidza amatu gavo, navutswa va kola magoti gavo kuva madinyu, va vule kuhulira, va vule kugumira megidzo.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 25:3

Kutwula ku muhiga gwelikumi negyivaka gwelyameha lya Josia mwana wa Amoni, mwana wa Yuda, kuduka lero, mihiga makumi gaviri na gyivaka, likuva lya Yahova li duki ku inze, na nda volera mwinye, ni mbuka mabwebwe nokuvola; navutswa mwinye si mu huliye.

Jeremia 25:7

Navutswa mwa vula kumbulira, Yahova a vola; mu duke kuvihiriridza inze nemiyinzi gyamakono genyu, nokwisaleridza avene.

Jeremia 26:5

kuhulira makuva gavatumekiri vange avaprofeti, ava ntuma ku mwinye, ni mbuka mabwebwe nokuvatuma, navutswa mwa vula kumbulira;

Jeremia 29:19

kigira si va hulira makuva gange mba, Yahova a vola, aga nda tumira avatumwa vange avaprofeti, kuvavolera, ni mbuka mmabwebwe nokuvatuma navutswa si mwa bugirira kuhulira Yahova a vola.

Jeremia 3:13

Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Jeremia 34:14

Ku kiheri kyemihiga gyi kola gyitano negyiviri, mundu sa mulala u veye namwavo wewe Muhebraina wa gulidzwa ku ive, na u ku tumikiye mihiga gyitano na mulala, u mleke a twule ku ive: navutswa avaguga venyu si va hulira mba, kandi si va tegidza amatu gavo mba.

Jeremia 35:15

Kandi nda leta ku mwinye avatumekiri vange vosi avaproieti, ni mbuka mabwebwe nokuvatuma, ni mbola, Mwirane kalunu sa mulala a leke inzira yeye indamano, mu lombe vikolwa vyenyu, kandi mu ta tsia kulonda avanyasaye vandi kuvatumekira mba, na mu la menya mu kivala yiki kya nda ha mwinye na vaguga venyu; navutswa si mwa tegidza gutu, kinga kuhulira ku inze.

Jeremia 35:17

kigira yaga Yahova Nyasaye wa mahe, Nyasaye wa Israeli, a vola: Henza, nda leta ku Yuda noku vosi avamenyi Yerusalemi ubudamano bwosi bwa nda vola kuvo; kigira mba voliye, navutswa navo si va huliye mba; mba langi navo si va bugiriye mba.

Jeremia 44:16

Ku likuva lya u ku voleye mu lieta lya Yahova, kwinye si ku la ku hulira ligali mba.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Jeremia 6:10

Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Jeremia 6:17

Nda singeridza ku mwinye avalindi, kurola, Mu hulire mwoyo gwekisiliva; navutswa va vola, Si ku la hulira mba.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Jeremia 9:13

Na Yahova a vola, Ga veye kigira va leki lilaga lyange lya nda vika imbiri wavo na si va huliye mwoyo gwange, kinga kugenda mulyo,

Ezekieli 12:2

Ive mwana womundu, u menyanga hagati henyumba yobwebaali, avandu vetsimoni tsyokulola, navutswa si va lolanga mba, avandu vamatu gokuhulira navutswa si va huliranga mba; kigira ni inyumba yobwebaali.

Ezekieli 12:3

Kigira yaga, ive mwana womundu, kola viju vivyo vyetegeke ku lyadikidzwa lilyo, wadike inyinga yombasu imbiri wetsimoni tsyavo; na u ladika kutwula hango hoho hano, u tsie ahandi imbiri wetsimoni tsyavo: namusia yavo va la ganagana, kali ni va veye inyumba yobwebaali.

Ezekieli 20:30

Kunangwa u volere inyumba ya Israeli, Mwami Nyasaye a vola: Mwivika mu bubi ku lilonda miima gya vadada venyu? Na mwekola avamalaya kuli kivihiri kyavo?

Danyeli 9:6

kandi si kwa hulira avatumiki vovo avaprofeti, ava volera avami vetu, na avanene vetu, na avaguga vetu, na avandu vosi vekivala, mu lieta lilyo.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

Malaki 3:7

Kutwula mmadiku ga vaguga venyu mu mali kugirunkana mu tsie haluvegan okuleka amalago gange, si mwa ga linda mba. Mwirane ku inze, na inze ndirana ku mwinye, Yahova wa mahe a vola. Navutswa mu vola, Kwirane ku ive ku makuva galiha?

Matayo 21:38

Navutswa avalimi lwa va lola mwana wewe va volerana, Uyu nu mhili womwandu, hambi, ku mwiite, ku hile vindu vivye.

Matayo 23:32

Mwizulitse kigero kyavaguga venyu.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Kwidzulitsa 8:20

Kuli avetsihiri va Yahova ya dividza imbiri wenyu, na ndiyo mwinye mu la diva; kigira si mwa hulira mwoyo gwa Yahova Nyasaye wenyu.