Jeremia 7:23 - KITABU KITAKATIFU

²³ navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Jeremia 7:23 ပူးပေါင်းရင်းမြစ်များ

Ayubu 36:11

Ni va hulira nokumutumekira Va la tsitsagil'la madiku gavo mu ligasidzwa Nemihiga gyavo mu vindu vi yanzidzanga.

Zaburi 119:3

Yee, va vula kukola ubu ta li ubulungi; Va gendanga mu tsinzira tsitsye.

Zaburi 40:6

Visyuviriru na vihaanwa si u yanzidzwa navyo; Amatu gange u giguye Vihaanwa vyokusambwa na vihaanwa vyobwoni si u vyenya.

Zaburi 81:13

O nkano avandu vange va mbulire, Na Israeli nkano va gende mu tsinzira tsyango

Kutwula 15:26

naye ya vola, nu u va nu u huliranga ligali mwoyo gwa Yahova Nyasaye wowo, nokukola aga veye malungi imbiri wewe, nokutegidza amatu gogo kuhulira malago gege, nokugumira miima gyigye, si nda vika ku ive ubulwaye kali bulala ku bwa nda vika ku Avaegepeti: kigira mbeye Yahova ku honnyanga.

Kutwula 16:32

Na Musa ya vola, Yili ni lilaga lya Yahova, Kigero kilala kyekindu yiki ki vikirwe, visukululwi vyenyu; navo va duke kulola ubukima bwa nda mu lageridza mu kyangalangwi, lwa nda mu twulidza mu kivala kya Egepeti.

Isaya 3:10

Mu vole ku mulungi, ga la va amalahi kuye: kigira va la lia makuyu gevikolwa vyavo.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Jeremia 11:7

Kigira nda lolekidza ligali ku vaguga venyu ku lidiku lya nda va leta kutwula mu kivala kya Egepeti, kali kuduka lero, nda vuka mabwebwe nokuvalolekidzira, kuvola, Mu hulire mwoyo gwange.

Jeremia 13:11

Kigira ga veye kuli musipi gu hambana nekikenge kyomundu, ni ndiyo inze ndehambannya inyumba yosi ya Israeli nenyumba yosi ya Yuda, Yahova a vola; va duke kuva ku inze avandu nelieta, nelidzominywa, nobukumi, navutswa si va bugirira kuhulira mba.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 24:7

Nda va ha myoyo gyokumanya inze, mbeye Yahova: va la va avandu vange, na inze nda va Nyasaye wavo; kigira va lirana ku inze nemyoyo gyavo gyosi.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Jeremia 38:20

Navutswa Jeremia ya mu volera, Si va la ku haana mba. Nku goonya, mwadza, u hulire mwoyo gwa Yahova, mu yaga aga nku voleranga: ni ndiyo ga li va ubulahi ku ive, nomwoyo gugwo gu la hindira.

Jeremia 42:6

Ni ki va ni ki veye kilahi, naho ni ki va ni ki veve kidamano, kwinye ku la hulira mwoyo gwa Yahova Nyasaye wetu, wa ku tuma ive kutsia kuyebu duke kuva bulahi ku kwinye, lwa ku hulira mwoyo gwa Yahova Nyasaye wetu.

Zefania 3:2

Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe.

Zekaria 6:15

Na yavo va veye ihali va ladza nokwombaka mu litempeli lya Yahova; na mu la manya ni Yahova wa mahe wa ntuma ku mwinye. Na yaga ga la kolwa ni mu va ni mu hulira ligali mwoyo gwa Yahova Nyasaye wenyu.

Zekaria 7:7

Si ga mu dukira kuhulira makuva ga Yahova ya leta na makono ga avaprofeti vokutanga, inyinga avandu va menya mu Yerusalemi mu bugasu, nomu madala yago ga li kumbiridza, noluvega lwa Kusini na vivala vyekereremu vya li na vandu?

Varumi 16:26

navutswa kalunu ga lang'aminyeywi ku makuva ga vaprofeti, kuli lilaga lya Nyasaye u veye wemihiga nemihiga ga mannyeywi ga duke ku Tsihiri tsyosi va duke ku lihulira lyelisuuvira:

2 Vakorintho 10:5

kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo;

Kwidzulitsa 11:27

ubugasu bu ve ho, ni mu va ni mu hulira malago ga Yahova Nyasaye wenyu, ga mmu laganga lero;

Kwidzulitsa 13:4

Mu gende kulonda Yahova Nyasaye wenyu, mu mu tie, nokugumira malago gege, nokuhulira mwoyo gwigwe, na mu mu tumekire, nokuhambana naye.

Kwidzulitsa 13:5

Kandi muprofeti uyu, kinga muloti wamaloto, uyu a liitwa, kigira ya vola agobukyamu ku Yahova Nyasaye wenyu, wa mu twulidza mu kivala kya Egepeti, na a mboholola mu inyumba yobutugwa, a duke kumuhinula ku inzira ya Yahova Nyasaye wowo a ku laga kugenda muyo. Ni ndiyo u la twulidza ubudamano bu twule hagati hoho.

Kwidzulitsa 30:2

na wenya kwirana ku Yahova Nyasaye wowo, nokuhulira mwoyo gwigwe kuli gosi ga nku laganga lero, ive navana vovo, no mwoyo gugwo gwosi, naroho gugwo gwosi;

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 30:8

Na ive u lirana nokuhulira mwoyo gwa Yahova, nokukola malago gosi gege ga nku laganga lero.

Kwidzulitsa 4:10

ku lidiku lya wa singira imbiri wa Yahova Nyasaye wowo ha Horebu, inyinga Yahova ya mbolera, U vungidzire avandu, na nda leta kuvo makuva gange va ga hulire, va duke kweyegidza kutia inze madiku gosi gelimenya yavo ku lirova, kandi va duke kwegidza avana vavo.

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Kwidzulitsa 6:3

Kunangwa Israeli, u hulire, u henze na u ga kole; bu duke kuva ubulahi ku ive, u duke kumedeka ligali, kuli Yahova, Nyasaye wa vaguga vovo, ya ku suuviridza, mu kivala ki gangulukanga maveere nobwuki.

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.