Jeremia 7:20 - KITABU KITAKATIFU

²⁰ Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Jeremia 7:20 ပူးပေါင်းရင်းမြစ်များ

2 Avami 22:17

Kigira va leka inze, na va vuyidza vimuli ku vanyasaye vandi, va duke kumbihiriridza nemiyinzi gyosi gyamakono gavo; kigira yaga ubutima bwange bu laaka hano, nabwo si bu la siminywa mba.

Isaya 10:17

Na ubulavu bwa Israeli bu la va muliru na Mutakatifu a la va lumemo lwomuiiru; nalwo lu laaka nokusamba amafwa gege nolutavati lwilwe mu lidiku lilala.

Isaya 42:25

Kigira yaga ya tsuka kuye ubululu bwobu tima bwibwe, netsingulu tsyobulwani; navyo vya mu vikirira muliru tsi mbega tsyosi, navutswa si ya manya; na gwa mu samba, naye si ya vika ku mwoyo.

Isaya 66:24

Na va la twula, va la henza mibiri mikudzu gyavandu ava hyola ku inze: kigira ing'ende yavo i la vula kukudza, kandi muliru gwavo gu la vula kusiminywa; na va la va livihiriridza ku vemibiri vosi.

Jeremia 11:16

Yahova ya ku gu lika, Muzeituni gwa amatu mavisi, mulahi, gwa makuyu malahi: ya fwana muliru kugwo nomuliviti gwe kivihiri kinene, na tsisya tsitsye tsi vuniki.

Jeremia 12:4

Kivala ki la syoma ku duka inyinga ki, netsingutsa tsyekivala kyosi tsi niala? Kigira ubudamano bwa yavo ava menyanga mukyo, tsinyama tsi divi, na manyonyi; kigira va vola, Uyu si a la lola kiheri kyetu mba.

Jeremia 14:16

Navandu yavo ava va vikanga kuvo ubuprofeti, va la tebwa ku mahasi ga Yerusalemi kigira inzala nekivavi; si va la va nomundu wokuvata yavo, navakali vavo, navana vavo vayai, navakana: kigira nda tsuka ubudamano bwavo kuvo.

Jeremia 17:27

Navutswa ni mu sula kuhulira inze kutakasa lidiku lyelisabato, kuvula kuginga musigo nokwingira mu viribwa vya Yerusalemi ku lidiku lyelisabato; hene yaho nda Swana muliru ha viribwa vyalyo, nagwo gu la samba tsinyumba tsyobwami tsya Yerusalemi, si gu la siminywa mba.

Jeremia 17:4

Na ive, kali ive mwene, u la lekana nemiyandu gyigyo gya nda ku ha; nda niga ive u tumekire avasigu vovo mu kivala kya u ta manya: kigira mwa fwana muliru mu ubut ma bwange gu la dedima kazozo.

Jeremia 18:23

Navutswa, Yahova, ive u manya amakuva gavo gosi aga va veye nago ku inze kunziita; u ta sameha ubudamano bwavo mba, kandi u teya ubwoni bwavo imbiri wetsimoni tsitsyo mba; navutswa va tung'aminywe imbiri wowo; u va kolere ku inyinga yobutima bubwo.

Jeremia 21:12

O inyumba ya Daudi, Yahova a ku volera, U lombe likalaga mugamba, u honnye yavo avafuulwa va twule mmukono gwo mudambidzi, gase ubutima bwange bu la twula kuli muliru, nokwaaka kuduka ha v ule kuva na u nyala kubusiminya, kigira ubudamano bwevikolwa vyenyu.

Jeremia 42:18

Kigira Yahova wamahe, Nyasaye wa Israeli, a vola: Kuli livihiririrwa lyange nobutima bwange bwa tsukwa ku yavo ava menya Yerusalemi, ni ndiyo ubutima bwange bu li tsukwa ku mwinye, lwa mu lingira Egepeti; na mu la va lisufwa, neligenya, nelilaamwa, na manyego; na hano si mu la ha lola kandi mba.

Jeremia 44:6

Kigira yaga ubutima bwange nelivihiririrwa lyange vya sunduka, na lyaaka ku madala ga Yuda, noku mahasi ga Yerusalemi: na rnadala yago ga lekwa vutswa, bugira mundu mugo, kuli ga veye lero.

Jeremia 6:11

Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Jeremia 6:12

Netsinyumba tsyavo tsi la va tsya vandu vandi, milimi gyavo navakali vavo halala; kigira nda nyira mukono gwa nge ku avandu vekivala, Yahova a vola.

Jeremia 8:13

Inze nda va dividza ligali, Yahova a vola: si ga la va ho mazabibu ku mizabibu, kinga amakuyu ku mikuyu, amatu ga la nila; kandi vindu vya nda va ha vi la gota.

Lisyoma lya Jeremia 4:11

Yahova u dukidzi ubutima bwibwe, u tsuki ubutima bwibwe bululu; U fwani muliru mu Zioni, nagwo gu sambi mise gyigye.

Ezekieli 22:22

Kuli ifetha i salulukanga hagati hekisa mbiru, ni ndiyo mu li salulwa hagati hakyo; na mu la manya inze, Yahova mmali kutsuka ubutima bwange ku mwinye.

Ezekieli 7:12

Inyinga i duki, lidiku li sundanga himbi: u gulanga a ta sangala, kinga mugulidzi a ta verera; kigira ubutima bu veye ku bunyingi bwavo bwosi.

Ezekieli 7:14

Va kupi kisiliva na vetegekidziye vyosi; navutswa si ha veye nomulala u tsia mbulwani; kigira ubutima bwange bu veye ku bunyingi bwavo vosi.

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Nahum 1:6

Bwaha u nyala kusingira imbiri wobutima bwibwe? Ni bwaha u nyala kumenya mu bululu bwobutima bwibwe? Butima bwibwe bu tsukeywi kuli muliru, tsinyanda tsya tannyeywi na uyu.

Zefania 1:2

Nda heridza ligali vindu vyosi vi twule mu lirova, Yahova a vola.

Zefania 1:3

Nda heridza avandu netsinyama; nda heridza manyonyi gombwerefu, netsisudzi tsi veye mu inyanza, na vyokwikigitalidza halala navadamano; nda twulidza umundu mu Iirova, Yahova a vola.

Zekaria 7:12

Yee, va kola myoyo gyavo kuva kuli ligina lidinyu, gase va la hulira lilaga, na likuva lya Yahova wa mahe ya leta na Roho wewe na makono ga avaprofeti vokutanga: kigira yaga butima bunene bwa twula ku Yahova wa mahe.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Matayo 3:12

Kiseseru kikye ki veye mmkono gwigwe, kandi a la lavidza ulodze lwilwe ligali; nengano yeye a la tera mkideera navutswa mkuudzi a la samba nomuiiru gu ta simika.

Likunula 14:10

uyu kandi a la nwa iwaini yobutima bwa Nyasaye, obwetegeki bugira kutsukanywa mu kikombe kyobutima bwibwe; kandi a la saliridzwa nomuliru nekibiridi imbiri wetsingelosi avatakatifu, kandi imbiri wo Mwana Weligondi: