Jeremia 7:2 - KITABU KITAKATIFU

² Singira mu kiliango kyenyumba ya Yahova, u gambe yo likuva yili, u vole, Mu hulire likuva lya Yahova, mwinye vosi Avayuda, mwinye avi ngiranga mu viribwa yivi kutsia kusigamira Yahova.

Jeremia 7:2 ပူးပေါင်းရင်းမြစ်များ

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

Zaburi 122:2

Virenge vyetu vi singiranga Mu viribwa vivyo, O Yerusalemi,

Isaya 1:10

Mu hulire likuva lya Yahova, mwinye avamehanga Sodoma; mu tegidze amatu, mu hulire malago ga Nyasaye wetu, mwinye avandu va Gomora.

Jeremia 10:1

Mu hulire likuva lya Yahova a mu volera, O inyumba ya Israeli:

Jeremia 11:6

Na Yahova ya mbolera, Wilwadze amakuva yaga gosi mu madala ga Yuda, nomu tsinzira tsya Yerusalemi, kuvola, Mu hulire makuva gelilagana yili kugakola.

Jeremia 19:14

Hene yaho Jeremia yadza na a twula ha Tofethu, ha Yahova ya mu tuma a tsie kuprofeta; na a singira hamgizi henyumba ya Yahova, na a volera avandu vosi:

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Jeremia 2:4

Mu hulire likuva lya Yahova, O inyumba ya Yakobo, nobwiko bwosi bwenyumba ya Israeli:

Jeremia 26:2

Yahova a vola: Singira mu mgidzi gwenyumba ya Yahova, na u volere amadala gosi ga Yuda, aga yavo avadza kusigamira mu inyumba ya Yahova, u va volere makuva yaga gosi aga nkulaganga; u tigalira likuva kali lilala.

Jeremia 28:5

Hene yaho muprofeti Jeremia ya volera muprofeti Hanania imbiri wetsimoni tsyavasalisi, navandu vosi ava li ni va singiye mu inyumba ya Yahova,

Jeremia 34:4

Navutswa u hulire likuva lya Yahova, O Zedekia mwami wa Yuda: Yahova a vola ku makuva gogo, Ive si u la kudza nekivavi mba;

Jeremia 36:10

Kunangwa inyinga yeyo Baruku ya soma mu kitabu makuva ga Jeremia mu inyumba ya Yahova, mu inyumba ya Gemaria mwana wa Shafan mung'odi, mmugidze gwegulu, ha bwingiriru bwekiribwa kihya kyenyumba ya Yahova, mmatu gavandu vosi.

Jeremia 36:6

kunangwa ive u tsie, u some mu lilinga zana, lya wa ng'oda kutwula munwa gwange, u some makuva ga Yahova mu amatu gavandu mu inyumba ya Yahova ku lidiku lyelihonga lilya; kandi u la ga soma mmatu ga Yuda gosi, vosi ava twula mu madala gavo.

Jeremia 44:24

Kandi Jeremia ya volera avandu vosi, navakali vosi, Mu hulire likuva lya Yahova, mwinye Avayuda vosi ava mu veye mu kivala kya Egepeti:

Jeremia 7:1

Likuva yili lya duka ku Jeremia lya twula ku Yahova, kuvola,

Ezekieli 37:1

Mukono gwa Yahova gwa li ku inze, na ya mbila kyova mu Roho wa Yahova, na ya mbika hagati helivona; nalyo lya li ni lizula vigumba.

Hosea 5:1

Mu hulire yaga, O mwinye avasalisi, mu huliridze, O mwinye avenyumba ya Israeli, na mu tegidze amatu, O mwinye avenyumba yomwami; kigira likalaga li veye ku mwinye; kigira mwinye mwa li mutego ha Mizipa, nomuluvu gwa vikwa ha Taboru.

Amosi 7:16

Kunangwa kalunu u hulire likuva lya Yahova: Ive u mboleranga, U ta profeta ku Israeli, kandi u ta haana likuva lilyo ku inyumba ya Isaka;

Mika 1:2

Mu hulire mwinye avandu vetsihiri tsyosi; u hulire, ive lirova, na vindu vyosi vi veye mu: Mwami Yahova a lolekidze ku mwinye, uyu Mwami mu litempeli lilye litakatifu.

Mika 3:1

Mwinye ava veye mitwe gya Yakobo, na mwinye avamehanga mu inyumba ya Israeli: si ga dukanga mwinye kumanya likalaga?

Mika 3:9

Mwadza, mu hulire yaga, mwinye ava mu veye mitwe gyenyumba ya Yakobo, na mwinye avamehanga mu inyumba ya Israeli, avadunyiranga likalaga, nokukyaminya ubulungi.

Matayo 13:9

U veye namatu gokuhulira, a hulire.

Yohana 18:20

Yesu ya mu tivulira, Inze mmali kuvolera avomkivala amakuva gange habulavu; inze madiku gosi nzegidza mu masomero nomu litempeli, ha Vayuda vosi va vugana; si nda vola kindu makiriri.

Vikolwa 5:20

Mu tsie, mu singire mu litempeli mu volere avandu amakuva gosi ge Livamwoyo yili.

Vikolwa 5:42

Kandi ma diku gosi mu litempeli nomu inyumba yavo si va leka kwegidza, nokwilwadza amakuva ga Yesu kuli a veye Kristo.

Likunula 2:11

Uyu u veye nogutu, a hulire aga Raho a voleranga mavugano. Uyu u guutanga si a la nyola kivi kyelikudza lya kaviri.

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.

Likunula 2:29

Uyu u veye nogutu, a hulire aga Roho a voleranga mavugano.

Likunula 2:7

U veye nogutu, a hulire ga Roho a voleranga mavugano. Uyu u guutanga, nda mu ha a duke kulia agomusala gwelivamwoyo, gu veye mu Paradisio mwa Nyasaye.

Likunula 3:13

Uyu u veye nogutu, a hulire aga Roho a voleranga mavugano.

Likunula 3:22

Uyu u veye nogutu, a hulire aga Roho a voleranga mavugano.

Likunula 3:6

Uyu u veye nogutu, a hulire aga Roho a voleranga mavugano.