Jeremia 7:19 - KITABU KITAKATIFU

¹⁹ Yava va mbihiriridza naho? Yahova a vola; si va li avene avevihiriridza, kuduka ku tsisoni tsyomumoni mwavo?

Jeremia 7:19 ပူးပေါင်းရင်းမြစ်များ

Ezara 9:7

Ku twula ku madiku gavaguga vetu ku gwiye avamahyolo ligali kuduka lero; kandi kigira ubudamano bwetu, kwi nye, navami vetu, navasalisi vetu, kwa li ni kwa vikwa mmakono gavami vevivala, nekivavi, nokuhilwa ava hambe, nokuhilwa valanye, noku tsisoni tsyommoni mwetu, kuli ga veye lero.

Ayubu 35:6

Nu u va nu u koli ubwoni, u koli ki kuye? Kandi amahyolo gogo ni ga va ni ga medeki, u mu koleye ki?

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Isaya 1:24

Kigira yaga Yahova a vola, uyu Yahova wa amahe, uyu Wanyala wa Israeli, O, inze ndeyahula ku yavo avasigu vange, nokuvanza kisalya kuvo ava hing'ana ninze;

Isaya 45:16

Va la va isoni, yee, va la genya vosi; yavo ava lombanga vifwananvi va lingira mu leganywa halala.

Jeremia 15:9

Mukali uyu wivuli avana vatano na vaviri u gehi tsingulu; na u lakuye mwoyo; liuva lilye li yera ni gu kikiri mbasu; u nyoye tsisoni nokuleganywa: na va tigala kuvo nda va vika ku kivavi imbiri wavasigu vavo, Yahova a vola.

Jeremia 2:17

Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

Jeremia 2:19

Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

Jeremia 20:11

Navutswa Yahova a veye halala ninze kuli wetsingulu wokutihidza: kigira yaga ava dambidzanga inze va lekigitala, navo va la vula kunguuta; va la va isoni ligali, kigira si va kola nobugeeri kali kwegugunnya mihiga nemihiga gi vula kwivirirwa.

Jeremia 22:22

Imbuudza i la lehidza avayi vovo vosi, na vayanze vovo va yanzanga ive va la lanywa: ligali ive inyinga yeyo u la va isoni nokutimuka enkolo kigira ubudamano bubwo bwosi.

Jeremia 25:7

Navutswa mwa vula kumbulira, Yahova a vola; mu duke kuvihiriridza inze nemiyinzi gyamakono genyu, nokwisaleridza avene.

Jeremia 3:25

Ku gone hasi mu tsitsoni tsyetu, na lileganywa lyetu li ku kunike; kigira ku koleye Yahova Nyasaye wetu ubwoni, kwinye navaguga vetu, kutwula busoleli bwetu kuduka lidiku lya lero yili; kwa vula kuhulira mwoyo gwa Yahova Nyasaye wetu.

Jeremia 44:3

kigira ubudamano bwavo bwa va kola ku mbihiriridza, mu litsia lyavo kuvuyidza vimuli, nokutumekira ava nyasaye vandi, ava va vula kumanya, yavo, kinga mwinye, kinga vaguga venyu.

Jeremia 8:19

Henza, mwoyo gwelilira lyomukana wavandu vange gu twulanga mkivala kye ihale ligali: Yahova si a veye mu Zioni? Mwami walyo si a veye mulyo? Kigira ki va vukidza ubutima buange nevifwananyi vyavo vya vadzwa, noku vindu vya vutsua vyobugeni?

Jeremia 9:19

Kigira mwoyo gwelisyoma gu hulirwa kutwula Zioni, kuvola, Ai, kwa lanywa kuli ndi ku genya ligali, kigira ku leki kivala, kigira va sambuye tsinyumba tsyetu.

Ezekieli 16:26

Kandi u koli ubuheyi ku Vaegepeti, avatende vovo, avanene vomubiri, na u medi amalaya gogo, kuvukidza ubutima bwange.

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 32:16

Va mkendekidza ku vanyasaye vageni; Na mavihiriridzo va mvihiriridza.