Jeremia 7:18 - KITABU KITAKATIFU

¹⁸ Avana ka tenyanga tsinku, na vadada vavo va fwananga muliru, navakali va luganga ubukima, va duke kulombera mwami wekikali womigulu mikati, nokutsuka vihaanwa vyokunwa ku vanyasaye vandi, va duke kumbihiriridza.

Jeremia 7:18 ပူးပေါင်းရင်းမြစ်များ

1 Avami 14:9

navutswa u mali kukola budamano kuvita vosi avimira imbiri wowo, na ive wa tsi? Kwelombera avanyasaye vandi, nevifwananyi vyokutulwa, kuduka kumbihiriridza, na wa nta inyima womugongo gugwo:

1 Avami 16:2

Kigira nda kunenehidza kutwula ku lugukyi, nokukukola u ve mwimiriri ku vandu vange Israeli, na ive wa genda mu inzira ya Jeroboam, na wa gotidza avandu vange Israeli, nokumbihiri ridza nobwoni bwavo;

Zaburi 16:4

Ubuvereri bwavo bu la medeka, ava haana vihaanwa ku mu nyasaye wundi: Vihaanwa vyavo vyokunwa vyamasahi si nda vi haana Kandi si nda vugula ameta gavo mu munwa gwange.

Isaya 3:8

Kigira Yerusalemi li sambuywe, ne Buyuda bu gwiye; kigira tsinimi tsyavo nevikolwa vyavo vi hing'ana na Yahova, kuvihiriridza tsimoni tsyobukumi bwibwe.

Isaya 57:6

Kidieli kyenyu ki veye mu magina gomwivona amatereru; yaga ga veye ikura yoyo; ive u tsukanga kihaanwa kyokunwa kugo, u haananga kisyuu viriru. Nnyala nevindu yivi kuhambanywa na mwinye?

Isaya 65:11

Navutswa mwinye ava lekanga Yahova, avivirira kigulu kyange kitakatifu, ava lombera Ubutugi imeza, ni vizulitsa viju iwaini ya tsuganywa ku misambwa;

Isaya 65:3

va veye avandu mbihiridzanga kazozo imbiri wetsimoni tsyange, ava haananga vihaanwa mu milimi gyavo, nokuvuyidza vimuli ku matafali,

Jeremia 1:16

Na inze nda vola likalaga lyange lyosi kuvo ku makuva gobukyamu bwavo bwosi, kigira va ndeki, na va vuyidza vimuli ku vanyasaye vandi, nokusigamira miyi nzi gyamakono gavo avene.

Jeremia 11:17

Kigira Yahova wa mahe wa ku simika, a vola ubudamano ku ive, kigira ubudamano bwenyumba ya Israeli nobwenyumba ya Yuda, bwa vekolera avene kumbihiriridza, kigira va vuyidzira Baal vimuli.

Jeremia 17:2

inyingaavana vavo vidzulitsa ubwali bwavo nemisambwa gyavo himbi nemisala mivisi mu vigulu vitambi.

Jeremia 19:13

na tsinyumba tsya Yerusalemi, netsinyumba tsyavami va Yuda, tsyononywa, tsi la va kuli Tofethu, li vola li veye, tsinyumba tsyosi tsya va vuyidzira lihe lyosi iyomwigulu kimuli ku visegese vyatsyo, nokutsuka ku vanyasaye vandi vihaanwa vyevyokunwa.

Jeremia 25:7

Navutswa mwa vula kumbulira, Yahova a vola; mu duke kuvihiriridza inze nemiyinzi gyamakono genyu, nokwisaleridza avene.

Jeremia 32:29

na Vakalidei, ava lwananga nelidala yili, va ladza nokuvika muliru ku lidala yili, nokulisamba, halala netsinyumba tsyalyo, tsya va vuyidzira Baal vimuli ku visegesi vyatsyo, nokutsuka vihaanwa vyevyokunwa ku vanyasaye vandi, kuduka ku mbihiriridza.

Jeremia 44:25

Yahova wa mahe, Nyasaye wa Israeli, a vola ndi, na a vola, Mwinye navakali venyu mu voye neminwa gyenyu, nokudukidza na makono genyu, ni mu vola, Kwinye ligali ku la dukidza lilagana lyetu lya kwa lagana, ku vuyidzire mwami wekikali womigulu vimuli, nokumutsukira vihaanwa vyevyokunwa: kunangwa mu dinyeridze lilagana lyenyu, mu dukidze lilagana lyenyu.

Jeremia 44:4

Navutswa nda tuma ku mwinye avatumekiri vange vosi ava profeti, ni mbuka mabwebwe nokuva tuma, ni mbola, O, mu ta kola kivihiri yiki kya ndunyiranga.

Jeremia 7:17

Ive si u lola aga va kolanga mmadala ga Yuda nokutsinzira tsya Yerusalemi?

Lisyoma lya Jeremia 5:13

Avasoleli va ginga lugina; Na avana vekigitala netsinku.

Ezekieli 16:26

Kandi u koli ubuheyi ku Vaegepeti, avatende vovo, avanene vomubiri, na u medi amalaya gogo, kuvukidza ubutima bwange.

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 8:16

Na ya mbila mu mugidzi gwomugati gwenyumba ya Yahova, henza, va li ha kiliango kyelitempeli lya Yahova, hagati holusimbu nobwali, avandu makumi gaviri na vatano va veye ho, nemigongo gyavo gya henza ku litempeli lya Yahova, nommoni mwavo mwa henza ivugwe; na va sigamiranga liuva ku luvega lwevugwe.

Ezekieli 8:17

Hene yaho ya mbolera, U loli yaga, Ive mwana womundu? U lolanga ndi, ki veye kyangu ku inyumba ya Yuda kukola kivihiri yiki kya va kolanga hano? Kigira va mali kwizulitsa kirage ku kivala, na va girunkani kandi va duke kuvihiriridza inze: na henza va vika lusya ku amolo gavo.

1 Vakorintho 10:22

Naho ku kendekidza Mwami? Ku veye netsingulu kumuvita?

Kwidzulitsa 32:16

Va mkendekidza ku vanyasaye vageni; Na mavihiriridzo va mvihiriridza.

Kwidzulitsa 32:21

Va vukidza likendeka lyange nevindu vi ta li Nyasaye; Va vukidza inze ubutima bwange ku vindu vyavo vya vutswa: Na inze nda va kendekidza nayavo ava ta li avandu; Nda vukidza livihirirwa lyavo nehiri isiru.

Kwidzulitsa 4:19

kandi gase u la ginga tsimoni tsitsyo migulu, na inyinga u lola liuva nomweli netsing'ereng'ani, kali lihe lyosi lyomigulu u la gotidzwa na u la vi sigamira, nokuvitumekira, yivi vya Yahova Nyasaye wowo ya gavanya ku tsihiri tsyosi tsi veye isi weligulu lyosi.