Jeremia 7:10 - KITABU KITAKATIFU

¹⁰ nokuudza kusingira imbiri wange mu inyumba yiyi, ya langwa ku lieta lyange, mu vole, Kwinye ku honi; ku nyalaku kola livihiriridza yiii lyosi?

Jeremia 7:10 ပူးပေါင်းရင်းမြစ်များ

1 Avami 9:3

Yahova ya mu volera, na a vola, Mbuliye lisaala lilyo nelihomba lilyo, lya wa kola imbiri wange: mmali kutakasa inyu mba, ya wombaki, nduke kuvika muyo lieta lyange mihiga nemihiga; netsimoni tsyange nomwoyo gwange gu la va ho kazozo.

2 Avami 21:4

Kandi yombaka ubwali bwundi mu inyumba ya Yahova, bwa Yahova ya vola ku makuva yaga, Nda vika lieta lyange mu Yerusalemi.

2 Kyetsinyinga 33:4

Na yombaka ubwali mu inyumba ya Yahova, ya Yahova ya vola ku makuva gayo, Lieta lyange li la va mu Yerusalemi mihiga nemi higa.

2 Kyetsinyinga 33:7

Na kifwananyi kyokuvadzwa, kya ya lomba, ya ki vika mu inyumba ya Nyasaye, ya Nyasaye ya volera Daudi nomwana wewe Solo moni, Mu inyumba yiyi, nomu Yerusalemi, lya nda tovola mu tsi hiri tsyosi tsya Israeli, nda vika lieta lyange mihiga nemihiga:

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Isaya 48:2

(kigira velanga avene va veye avandu velidala litakatifu, nokwidira ku Nyasaye wa Israeli; welieta lilye li langwa Yahova wa mahe):

Jeremia 32:34

Navutswa va vika livihiriridza lyavo mu inyumba ya langwa ku lieta lyange, kugyononnya.

Jeremia 34:15

Na kalunu mwinye mu girunkani, nokukola aga lungika imbiri wetsimoni tsyange, ku lilandidzanira libohololwa umundu sa mulala nowakye; na mwa kola lilagana imbiri wange mu inyumba i langangwa ku lieta lyange:

Jeremia 44:9

Mwinye mu mali kwivirira ubudamano bwa vaguga venvu, nobudamano bwavami va Yuda, nobudamano bwavakali vavo, nobudamano bwenyu avene, nobudamano bwavakali venyu, bwa va kola mu kivala kya Yuda, noku mahasi ga Yerusalemi?

Jeremia 7:11

Inyumba yiyi i langwa ku lieta lyange i gwiye luhangaywa lwa vanuuli mu tsimoni tsyenyu? Henza, inze, yee, inze ndoli inkuva yiyi, Yahova a vola.

Jeremia 7:14

kigira yaga nda kolera inyumba yiyi i langwa ku lieta lyange, ya mu suuvira ku, na hango hano ha nda ha mwinye navaguga venyu, kuli nda kolera Shilo.

Jeremia 7:30

Kigira avana va Yuda va kola buda mano imbiri wange, Yahova a vola: va singeridze livihiriridza lyavo mu inyumba i langwa ku lieta lyange, kuduka kugyononnya.

Ezekieli 20:39

Ku makuva genyu, mwinye avenyumba ya Israeli, Mwami Nyasaye a vola: Mu tsie, sa mulala a tumekire vifwananyi vivye, nenyinga yenyima, ni mu vula kwenya kuhulira inze; navutswa lieta lyange litakatifu si mu la lyononnya kandi nevindu vyenyu vya mu haananga, nevifwananyi vyenyu.

Ezekieli 23:29

na va la ku kola nelidunyira lyavo, na va la ku twulidza ku miyi nzi gyigyo gyosi, nokukuleka kyahonyo nomwere; wa vula kufumwa ingubo; na kyahonyo kyamalaya kikyo ki la vimbulwa, tsiganagani tsi tsyo tsindamano na malaya gogo.

Ezekieli 23:37

Kigira va heyi, na makono gavo ga veye namasahi, na va heyi ku vifwananyi vyavo; kandi avana vavo vayai va vivulira inze, va mali kuvavitidza ku muliru va tsie kuvyo kusambwa.

Ezekieli 23:39

Kigira lwa va mala kwiita avana vavo ku vifwananyi vyavo, nonoho vingira lidiku lyene yilyo mu hata katifu hange kuhononnya, na, henza ni ndiyo va kola hagati henyumba yange.

Ezekieli 33:25

Kunangwa u volere avandu yavo, Mwami Nyasaye a volera mwinye ndi: Mwinye mu litsanga ki tsukani namasahi, na mu ginganga tsimoni tsyenyu kuhenza vifwananyi vyenyu, nokutahidza masahi: na mwinye mu la gumira kivala yikyo?

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Ezekieli 5:11

Kunangwa, kuli mbeye mwoyo Mwami Nyasaye a vola, ligali, kigira ive wononnya ha butakatifu hange nevindu vyosi vyokuvihiriridza nekivihiri kikyo kyosi, kigira yaga nda ku gehidza; imoni yange si i la ku vera tsimbabasi mba, na inze si nda ku vererera mba.

Danyeli 9:18

O Nyasaye wange, u tegidze ugutu gugwo, u hulire; u kunule tsimoni tsitsyo, u henze ubwoneku bwetu, na lidala li langwa ku lieta lilyo: kigira si ku sunda masaava getu imbiri wowo kigira ubulungi bwetu avene, navutswa kigira tsimbabasi tsitsyo tsinene.

Hosea 6:9

Kandi kuli viduma vyavanuuli va gonekanga umundu, ni ndiyo kandi livugana lyavasalisi li veye ava lumindanga ku inzira i tsitsanga ku luvega lwa Shekem; yee, va koli budamano.

Amosi 4:5

mu haane kihaanwa kyokusantidza nekya vikwa mamera, na mu landidze gevihaanwa vyomwoyo gwobuyanzi noku gamba makuva gavyo: kigira yaga ga mu yanzidza, O mwinye avana va Israeli, Mwami Nyasaye a vola.

Zefania 1:5

navo ava sigamira amahe gomigulu ku visegese vyetsinyumba; na yavo ava sigamiranga, avesuhiranga Yahova nokwisuha ku Malikam;

Malaki 3:15

Na kalunu ku vola avoluyai va veye nobuyanzi; yee, yavo ava kolanga miyinzi gyobudamano va gasidzangwa; yee, va geridzanga Nyasaye, na va hona.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Yohana 13:18

Si ntali mwinye mwosi: inze mmanya ava nda tovola; navutswa ga duke kukolwa mang'oda, Uyu wa lagira ubukima bwange u gingi liki ku inze.

Yohana 18:28

Kunangwa va twulidza Yesu wa Kaiafa ni va mu hila mu inyumba ya Pretorio: gwa li mugamba tsuri. Navene si vingira mu Pretorio, va ta vikwa mu budamano, navutswa va duke kulia lipasaka.