Ma Yahova yambakana kisukululwi kyosi kya Israeli, na ya va dambidza, na ya va vika mu makono ga yavo ava va lanya, kuduka lwa ya mala kuvata va twule imbiri wewe.
Hene yaho va li mu butii bunene, ha ubutii bwa ta li ho; Kigira Nyasaye u salannyi vigumba vya uyu u himanga ive: U va viki mu tsisoni, kigira Nyasaye u va suye.
Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo
Kandi avandu yava, kinga avaprofeti, kinga musalisi, lwa va ku teva, nokuvola, Musigo gwa Yahova gu veye ki? Hene yaho u la va volera, Musigo gu li ha? Nda mu ta ligali, Yahova a vola.
Mwinye mu veye munyu gwelirova: navutswa munyu ni gu zangalala, gu la kolwa ndi kandi munyu? Si gu veye kindu kandi, navutswa gu tebwa kyova nokuduvagwa ne virenge vyavandu.
Kunangwa nteva, Nyasaye yesigana avandu veve? Ga ta va ndiyo ligali. Kigira inze mwene kandi mbeye Muisraeli, ku visukululwi vya Abrahamu, wehiri ya Benjamini.