Jeremia 6:29 - KITABU KITAKATIFU

²⁹ Muguva gu huudza netsingulu; lisasi, muliru gu li dividzi: na ga vutswa va tsitsagil'la kusiiya; kigira avadamano si va twulidzeywi mba.

Jeremia 6:29 ပူးပေါင်းရင်းမြစ်များ

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Isaya 49:4

Navutswa inze nda vola, Nda nyankana vutswa ku miyinzi, nda tumekira tsingulu tsyange vutswa, bugira kukonya kindu; halala na yaga likalagirwa lyange li veye ku Yahova, litungwa lyange li veye ku Nyasaye wange.

Jeremia 15:19

Kigira yaga Yahova a vola, Nu u va ni wirana, hene yaho inze nda ku leta kandi, u duke kusingira imbiri wange; nu u va nu u twulidza kyobuguli budinyu mu ki veye kidamano, u la va kuli munwa gwange: va lirana ku ive, navutswa ive u la vula kwirana kuvo.

Jeremia 9:7

Kigira yaga Yahova wa mahe a vola ndi, Henza, nda va salula, nokuvageridza; kigira ni mbula kukola yaga nkola ki, kigira mukana wavandu vange?

Ezekieli 24:12

Yeluhidzi mwene nemiyinzi: navutswa tsisisiniya tsitsye tsinene tsi vuli ku twula kuye; tsisisiniya tsitsye si tsya twulidzwa nomuliru mba.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

1 Petro 4:12

Avayanze, mu ta genya ku ligeridza lyomuliru li mu geridza li veye hagati henyu kumugeridza, kuli kindu kigeni kya mu gwira:

Vakalagi 17:4

Na lwa yiranya ifetha ku mama wewe, mama wewe ya l vugula tsifetha tsimia tsiviri, na a ha umusidza wokutula ifetha, naye ya tanga kulomba kifwananyi kyokuvadzwa nekifwananyi kyokutula: ne kifwananyi zana kya li mu inyumba ya Mika.