Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 6:26 - KITABU KITAKATIFU

26 O mukana wavandu vandi, webohe ingubo yeligunia, nokugalagala mu ligoke: welombere lisyoma, kuli va syomanga ku likudza lyo mwana muyai muderwa, lisyoma lyobululu; kigira umulanyi a ladza ku kwinye nonoho.

အခန်းကိုကြည့်ပါ။ ကော်ပီ




Jeremia 6:26
42 ပူးပေါင်းရင်းမြစ်များ  

Naye ya tsia na yikala ha luvega ihale ha duka lilasa lyombano: kigira ya vola, Mbule kulola likudza lyomwana. Kandi yikala ha luvega, na a ginga mwoyo gwigwe, na a lira.


Myoyo gyelitihidza gyi veye mu matu gege; Mu ligasidzwa lilye uyu u lanyanga a la duka kuye.


Na ya vugula kijonjo a duke kweyagira; ni yikala mu ligoke.


Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:


Kigira yaga nda vola, Girunkana mu ta henza inze nda lira ligali; u tinyangidza kuleminya inze mwoyo ku lyononnywa lyomukana wavandu vange.


Na ga la duka, mu bugono bwe vifunyanga mwayu gu la funya ubugundu; nombugono bwobutsiiri, ha la va na lufuno, nobugono bwelisu lya navwa, ha la va ne kyavusu; nombu gono bwekisibao, ha la va netsingu; bo tsyamagunia; na maballanda ga la va mbugono bweligondo lilahi.


kunangwa ubudamano yibu bu la va ku mwinye kuli ha huduki himbi kugwa, ha vimbi mu lidigi litambi, ahe lyadika lyaho li dukanga nonoho.


Mu degere mwinye avakali ava veye nobusosi, mu hende myoyo, mwinye ava ta ganagana ku kindu; mu navule tsingubo tsyenyu, mu gende kyahonyo, mwebohe tsingubo tsyamagunia mu vikenge vyenyu.


Avala nyi va nini ku vigulu mu kyangala ngwi; kigira kivavi kya Yahova kiitanga kutwula ku luvega yilu kuduka ku luvega yilu lwekivala: si ha veye nowombiri u veve mu mire mbe.


Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.


Na ive u la va volera likuva yili, Tsimoni tsyange tsi ganguluke amaliga mbasu nobudiku, tsi vule kuleka; kigira mukana wa avandu vange mugima wononnyeywi lyoneka linene, nolugoma lwokusaliridza ligali.


Avakunzakaii vavo va medeki ku inze kuvita muyeke gwomu inyanza; ndeti kuvo umulanyi, ku mama wavasoleli, inyinga yo mbasu hagati: ndeti ubululu nevyokutihidza kugwa kuye nonoho.


Na lilira li hulirwe li twulanga mu tsinyumba tsyavo, lwa u leta lihe kuvo nonoho: kigira va yavi bogo kung'umira, na va visi mitego kutega virenge vyange.


Kigira Yahova a vola: Ku huliye mwoyo gwelidegera, nogwobutii, si gu veye gwemirembe mba.


Inyinga yeyo avandu yava na Yerusalemi va la volerwa likuva yili, Imbuudza yoluya i twulanga hadiguluku nomu kyangalangwi ku luvega lwo kuhenza ku mukana wavandu vange, si i veye imbuudza yokusesa, kinga; imbuudza yokutakasa


Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.


Kigira yaga webohe ingubo yeli gunia, u syome, nokukupa tsikwili kigira ubutima bululu bwa Yahova bu vuli kwiranywa kutwula ku kwinye.


Va honnyi ulugoma lwa avandu vange hakekeke vutswa, ni va vola, Mirembe, mirembe; inyinga mirembe gyi ta veye ho.


Henza, mwoyo gwelilira lyomukana wavandu vange gu twulanga mkivala kye ihale ligali: Yahova si a veye mu Zioni? Mwami walyo si a veye mulyo? Kigira ki va vukidza ubutima buange nevifwananyi vyavo vya vadzwa, noku vindu vya vutsua vyobugeni?


Inze saliranga kigira lisalira lyomukana wavandu vange: mbeye nelisyoma; ubugenyi bu ng'umiye.


Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange


Nda lirira vigulu nokuvisyomera, noku milimi nda tanga lisyoma kigira gyi hiye; kuduka si ha veye nomundu u vita hagati hakyo; kandi si ha veye nomundu, u nyala kuhulira myoyo gyetsing'ombe: na manyonyi gombwerefu netsinyama tsyombulimu halala vi twuli, vi tsiye.


Inze ndiranga kigira vindu yivi; imoni yange, imoni yange, yidoolanga amadzi; Kigira wokuneminya mwoyo wa ga dukiranga kwirannya mwoyo gwange a veye ihale ku inze: Avana vange va lekeywi veng'ine, kigira musigu u nguuti.


A liranga ligali inyinga yobudiku, amaliga gege gi doolanga ku tsindama tsitsye; Mu vosi avayanze veve si va veye nomulala u mu leminya mwoyo: Avalina veve vosi va mu koleye agobugadi; va gwiye avasigu veve.


Tsimoni tsyange tsi luhi kigira maliga, mwoyo gwange gu kaliki; Likudumani lyange li tsukeywi ku kivala, kigira ubwoneku bwomukana wavandu vange; Kigira avana vadoto na va nunanga va kudziye ku tsinzira tsyelidala.


Kandi u vunannyi amino gange netsinzalo: u nkuniki ligoke.


Imoni yange yidoolanga migera gya madzi, kigira ubwoneku bwomukana wa avandu vange.


Makono ga vakali avetsimbabasi ga deki avana vavo avene; Va li vyokulia vyavo mu budivi bwomukana wa avandu vange.


Kali vibwe vi twulidza tsimbeere, nokunyunnya avana vavyo: Mukana wa avandu vange u gwiye mudinyu, kuli maudo gomwigendanyama.


Ubudamano bwomukana wa ava ndu vange bu veye bunene kuvita ubwoni bwa Sodoma. Lya tung'aminywa kuli mu idagika indala, si ha veye nomukono gu vikwa kuye.


Na nda girunkannya madiku manene genyu ga ve lisyoma; na tsinyimbu tsyenyu tsyosi tsi la va lilira; na nda vika tsingubo tsyamagunia mu vikenge vyosi, na kyavusu ku mitwe gyosi: na nda ga kola ga ve kuli lisyomera umwana muyai muderwa, na kiheri ki ve kuli lidiku lilulu.


Na likuva lya duka ku mwami wa Nineve, naye ya twula ku intebe yeye yobwami, na a navula ingubo yeye, ni yevika ligunia, ni yikala mu ligoke.


Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.


Lwa ya duka himbi ha kiribwa kyelidala, henza, mukudzu ya letwa kyova, a veye muderwa ku mama wewe, naye nu mukunzakali, navandu vanyingi velidala va li halala naye.


Mu kupe kivi, mu verere, mu lire: liseka lyenyu li Kirunkanywe kuva liverera, lisangala lyenyu li ve liverera.


Henzi, mwinye avatugi, mu lire, mu kupe tsikwili, kigira kivi kyenyu kidzanga ku mwinye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ