Jeremia 6:25 - KITABU KITAKATIFU

²⁵ U ta tsia kyova mu mulimi, u ta genda ku inzira; kigira kivavi kyomusigu ki veye yo, na litihidza tsimbega tsyosi.

Jeremia 6:25 ပူးပေါင်းရင်းမြစ်များ

2 Kyetsinyinga 15:5

Mu tsinyinga yitsyo si ya li nemirembe ku uyu wa twulanga, kinga ku uyu wingiranga; navutswa lidambidzwa linyingi lya li ku vosi ava menya mu vivala yivyo.

Ayubu 18:11

Vindu vyokutihidza vi la mbika mu butii tsimbega tsyosi, Nokumulonderera tsimbiru himbi na maki gege.

Zaburi 31:13

Kigira mbuliye limonya lyavanyingi, Ubutii bu nkumbiridza tsimbega tsyosi; Lwa va ntwulira mu livolerana makuva gavo Va saavira kutwulidza livamwoyo lyange.

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Jeremia 14:18

Ni ntwula kutsia mmulimi, henza, aviitwa nekivavi ni nzingira mu lidala, henza, avalwaye kigira inzala kigira muprofeti nomusalisi vombi va tsia yiyi na yiyi mu kivala kya va ta manya.

Jeremia 20:10

Kigira mbuiiye linyega lyavandu vanyingi, litihidza li nkumbiridzi. Avalina vange vosi ava veye ahimbi, yavo ava lindiriranga ubuleema bwange, va vola, Yale, na kwinye ku la mu yala. Namusia a la goonyeka, na ku la mu guuta, na ku la vanza kisalya kyetu kuye.

Jeremia 30:5

Kigira Yahova a vola: Ku huliye mwoyo gwelidegera, nogwobutii, si gu veye gwemirembe mba.

Jeremia 4:10

Hene yaho nda vola, Ai, Mwami Nyasaye ligali ive u gadi avandu yavo ligali na Yerusalemi, lwa wa vola, Mwinye mu la va nemirembe; navutswa kivavi ki duki kali mu myoyo.

Jeremia 4:5

Mu landidze mu Yuda, mwilwadze mu Yerusalemi; nokuvola, Mu kupe visiliva mu kivala: mu kupe uluku, mu vole, Mu vugane halala, kwingire mu madala golugaga.

Jeremia 46:5

Kigira ki ndoli inkuva yiyi? Va timuka enkolo na virana inyima; avaluviriri vavo va duywa, navo viruka, nokuvula kwekevuka; li veye litihidza tsimbega tsyosi, Yahova a vola.

Jeremia 49:29

Va la vugula mahema gavo nevyayo vyavo: va lehilira tsingubo tsyokukinga tsyavo, neviju vyavo vyosi, netsing'amia tsyavo; na va la va kupira tsikwili, kuvola, Ha veye nelitihidza tsimbega tsyosi

Jeremia 49:5

Henza, nda leta ubutii ku ive, Yahova a vola, Yahova wa mahe, ubu li twula ku yavo ava ku kumbiridza; na mu la kungwa sa mulala kuii mmoni mwimwe mu henzanga, kandi si ha veye nomundu u vungidza halala uyu u voyavoyanga.

Jeremia 8:14

Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.

Jeremia 8:15

Kwa henza ku nyole mirembe, navutswa ubulahi si bwadza mba: kwa henza inyinga yeli honya, nayo ya li ligenya.

Lisyoma lya Jeremia 2:22

U langi, kuli mu lidiku lyelivugana, vyokutihidza vyange vi veye tsimbega tsyosi; Si ha veye kali mulala wa hona, kinga wa tigala mu lidiku lyobutima bwa Yahova: Yavo ava nda lera nokuvirukidza, musigu wange u mali ku va heridza.

Ezekieli 21:17

Inze kandi nda kong'onda amakono gange, na ndigutidza ubutima bwange: Inze, Yahova mboye likuva yili.

Ezekieli 7:18

Kandi va leboha tsingubo tsyamagunia mu vi kenge vyavo, nelitihidza li la va kunika; netsisoni tsi la va mmoni mwosi, na vyole ku mitwe gyavo gyosi.

Luka 19:43

Kigira madiku ga li duka ku ive, gavasigu vovo va li ku kumbiridza nolugaga, kandi va li vodonkana, kandi va li kwigalira ha tsimbega tsyosi,