Jeremia 6:23 - KITABU KITAKATIFU

²³ Va gumira ubuta nelitimu; va veye avalulu, si va veye netsimbabasi mba; mwoyo gwavo gu luumanga kuli inyanza, na va nina ku tsiparasi tsyavo, sa indala ya lombwa kuli musatsa wobulwani, ku ive, mukana wa Zioni.

Jeremia 6:23 ပူးပေါင်းရင်းမြစ်များ

Isaya 10:32

Lidiku lya lero yili a la singira ha Nobu: a sima nomukono gwigwe ku kigulu kyomukana wa Zioni, kigulu kya Yerusalemi.

Isaya 13:18

Buta buavo bu la vunannya avasoleli; na si va la vererera lwivulu lwenda; tsimoni tsyavo tsi la vula kuvererera avana.

Isaya 17:12

Ai umuliviti gwavandu vanyingi, va fumanga kuli liluma lyenyanza inene; nelisalama lyetsihiri, tsi salamanga kuli lisalama lyamadzi manene

Isaya 19:4

Na nda vika Avaegepeti mmukono gwomwami mululu; nomwami welitihidza a lameha kuvo, Yahova ya vola, Yahova wa mahe.

Jeremia 25:32

Yahova wa mahe a vola, Henza ubudamano bu la twulira ihiri yiyi kuduka ihiri yiyi, na kihi kinene ki la vukidzwa kutwulira ku tsimbega tsyekiheri tsyelirova.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Jeremia 4:13

Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Jeremia 4:16

U hile makuva ku tsihiri; henza mwilwadze ku Yerusalemi, avalindi va twula mu kivala kyehale, na va twulidzanga myoyo gyavo ku madala ga Yuda.

Jeremia 4:29

Madala gosi giruka kigira liyoga lya yavo ava nina ku tsiparasi na kigira avobuta; vingira mu maginga nokunina igulu ku magina: lidala sa lilala li lekeywi, si ha li nomundu wa menya mulyo.

Jeremia 5:16

Imodia yavo i veye kilindwa kyalamu, va veye avetsingulu vosi.

Jeremia 50:41

Henza, avandu vadzanga ava twulanga ku luvega lwa kasikasini; va veve ihiri inene navavami avanyingi va la vukidzwa kutwula ku kiheri kyelirova.

Jeremia 50:42

Va gumira ubuta na matimu; va veye avalulu ligali, si va veye netsimbabasi mba; myoyo gyavo gyi luumanga kuli inyanza; navo va ninanga ku tsiparasi; sa mulala u lombeywi, kuli umundu u tsitsanga mbulwani, ku ive, O mukana wa Babuloni.

Jeremia 6:4

Mu lombe ubulwani kuye; mu vuke, kwanegire inyinga yombasu hagati. Bayaye ku kwinye kigira mbasu gu simi, kigira viriri vyomgolova vi tambihi.

Jeremia 8:16

Na lisiala lyamolo ga tsiparasi tsitsye li hulirwa kutwula Dan: na ku mwoyo gwavetsingulu veve kivala kyosi ki degeranga; kigira va duka, nokudividza kivala na vyosi vi veye mukyo: lidala, na vosi ava menya mulyo.

Ezekieli 21:31

Nda tsuka ubutima bwange ku ive; nda ku huudza ku ive nomuliru gwobutima bwange; nda ku vika mu mukono gwavandu va veye kuli tsinyama, avasidza vokudividza.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,