Jeremia 6:22 - KITABU KITAKATIFU

²² Yahova a vola, Henza, avandu va twula mu kivala kya kasikasini; ihiri inene i la vukidzwa kutwula ku tsimbega tsyekiheri kyelirova.

Jeremia 6:22 ပူးပေါင်းရင်းမြစ်များ

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Jeremia 10:22

Gu veye mwoyo gwamakuva, henza, gudzanga, umuliviti munene gu twula ku kivala kya kasikasini, kukola madala ga Yuda kuva hatswa, ga ve ubumenyo bwevibwe.

Jeremia 13:20

Mu ginge tsimoni, mu henze avatwulanga kasikasini; kyayo kikyo kya wa hebwa ki veye haliha, kyayo kikyo kilahi?

Jeremia 25:32

Yahova wa mahe a vola, Henza ubudamano bu la twulira ihiri yiyi kuduka ihiri yiyi, na kihi kinene ki la vukidzwa kutwulira ku tsimbega tsyekiheri tsyelirova.

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 30:5

Kigira Yahova a vola: Ku huliye mwoyo gwelidegera, nogwobutii, si gu veye gwemirembe mba.

Jeremia 4:16

U hile makuva ku tsihiri; henza mwilwadze ku Yerusalemi, avalindi va twula mu kivala kyehale, na va twulidzanga myoyo gyavo ku madala ga Yuda.

Jeremia 4:6

Mu ginge ibendera ku luvega lwa Zioni: mwiruke mu duke kuhona, mu ta li ndagira mba; kigira nda leta ubudamano kutwula ku luvega lwa kasika sini, nobudividzi ubunene.

Jeremia 47:2

Yahova a vola ndi: Henza, amadzi manyingi ga senukanga kutwula ku luvega lwa kasikasini, ga la gwa mugera gwokwizulira, na ga la kunika kivala nekindu sa kilala ki veye mu, lidala na vosi ava menya mulyo; avasatsa va la lira, na vosi ava menyanga mu kivala yikyo va la kupa tsikwili.

Jeremia 5:15

Henza, nda leta ku mwinye ihiri i twula ihale ligali, O inyumba ya Israeli, Yahova a vola: i veye ihiri yobunyali, i veye ihiri ya kale ligali, ihiri ya ive u ta manya lulimi lwayo, kandi si u manya aga va volanga.

Jeremia 5:16

Imodia yavo i veye kilindwa kyalamu, va veye avetsingulu vosi.

Jeremia 6:1

Mwiruke mu hone, mwinye avana va Benjamini, mu twule mu Yerusalemi, mu kupe kisiliva mu Tekoa, nokuginga ibendera ku Bethhakerem; kigira budamano bu ku henzera ku luvega lwa kasikasini, nelidividza linene.

Ezekieli 21:31

Nda tsuka ubutima bwange ku ive; nda ku huudza ku ive nomuliru gwobutima bwange; nda ku vika mu mukono gwavandu va veye kuli tsinyama, avasidza vokudividza.

Ezekieli 23:22

Kigira yaga, Ive Oholiba, Mwami Nyasaye a vola ndi: Henza, nda vukidza avayanze vovo va hing'ane ku ive, avomwoyo gugwo gwavukanywa kuvo, na nda va leta ku ive tsimbega tsyosi:

Habakuk 1:6

Kigira, henza, nsingeridzanga Avakalidei, ihiri i veye nobululu, i kolanga bwangu, ava vitanga hagati helirova, kugumira bumenyo bu ta li bwavo.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,