Jeremia 6:19 - KITABU KITAKATIFU

¹⁹ U hulire, ive lirova: henza, ndetanga ubudamano ku avandu yava, kali amakuyu gyetsiganagana tsyavo, kigira si va hulira makuva gange; nomu makuva gelilaga lyange, va li suye.

Jeremia 6:19 ပူးပေါင်းရင်းမြစ်များ

Tsing'ano 15:26

Tsiganagani tsindamano tsi veye livihiridza ku Yahova; Navutswa makuva ga yanzidzanga ga veye manifu.

Tsing'ano 28:9

Uyu u girunkannya ugutu gwigwe a vula kuhulira lilaga, Kali lisala lilye li veye livihiriridza.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 59:7

Virenge vyavo vi nyagula tsimbiru kukola budamano, navo va kola bwangu kut ahidzo masahi ga ta li nekindu: tsiganagani tsyavo tsi veye tsyobudamano; mu mahasi gavo ha veye vutswa nobwoneku.

Isaya 66:18

Kigira manya miyinzi gyavo, netsiganagani tsyavo: inyinga yidzanga, ya nda vungidza halala tsihiri tsyosi, netsinimi tsyosi; navo va ladza, va la lola ubukumi bwange.

Jeremia 11:11

Kigira yaga Yahova a vola, Henza, nda leta kuvo ubudamano, ubwa va ta nyala kuhona kubwo; na va lanira ku inze navutswa si nda va hulira mba.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 19:15

Yahova wa mahe, Nyasaye wa Israeli, a vola Henza, nda leta ku lidala yili noku tudala twalyo twosi ubudamano yibu bwosi ubwa nda vola kulyo; kigira va kola magoti gavo kuva madinyu, va vule kuhulira makuva gange.

Jeremia 19:3

u vole, Mu hulire likuva lya Yahova, mwinye avami va Yuda, na va menyanga mu Yerusalemi: Yahova wa mahe, Nyasaye wa lsraeli a vola, Henza, nda leta budamano hano, ubwa uyu u hulira kubwo, amatu gege ga la mu tsuna.

Jeremia 21:14

Nda mu ha mageli kuli amakuyu gevikolwa vyenyu, Yahova a vola; nda fwana muliru mu mulitu gwigwe, na gu la samba vindu vyosi vya mu kumbiridza ku tsimbega tsitsye.

Jeremia 22:29

O lirova, lirova, lirova, hulira likuva lya Yahova.

Jeremia 29:19

kigira si va hulira makuva gange mba, Yahova a vola, aga nda tumira avatumwa vange avaprofeti, kuvavolera, ni mbuka mmabwebwe nokuvatuma navutswa si mwa bugirira kuhulira Yahova a vola.

Jeremia 4:14

O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

Jeremia 4:16

U hile makuva ku tsihiri; henza mwilwadze ku Yerusalemi, avalindi va twula mu kivala kyehale, na va twulidzanga myoyo gyavo ku madala ga Yuda.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 49:37

Nda timukira Elam enkolo imbiri wavasigu vavo, na imbiri wa yavo avenyanga myoyo gyavo; na nda leta budamano kuvo, nibwo ubutima bwange bululu, Yahova a vola; na nda hila kivavi inyima wavo, kuduka kuvadividza:

Jeremia 6:10

Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Jeremia 6:18

Ku nangwa kigira yaga mu hulire, mwinye tsihiri, mu manye, mwinye avelivugana, ni inkuva ki i veye hagati havo.

Jeremia 8:5

Kigira ki avandu va Yerusalemi yava va tererekanga ndi kutsia inyima nokuterereka madiku gosi? Na va gumira ubugadi, va sula kwirana.

Jeremia 8:9

Avandu vobugeeri va nyoye tsisoni, va timuki inkolo nokugumirwa: henza, va suye likuva lya Yahova; na va veye nobugeeri ki muvo?

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Hosea 10:13

Mu mali kulima budamano, mu gesi budamano; mu liye makuyu gobubehi; kigira wa suuvira inzira yoyo, ku bunyingi bwavandu vovo avo bunyali.

Hosea 4:6

Avandu vange vononnywa kigira va daka limanya: kigira u suye limanya, na inze nda ku sula, ive u ta va musalisi ku inze mba: kigira wivirira lilaga lya Nyasaye wowo, inze ndivirira avana vovo.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Mika 1:2

Mu hulire mwinye avandu vetsihiri tsyosi; u hulire, ive lirova, na vindu vyosi vi veye mu: Mwami Yahova a lolekidze ku mwinye, uyu Mwami mu litempeli lilye litakatifu.

Mika 6:2

Mu hulire mwinye vigulu, lihing'ana lya Yahova, na mwinye mise gyelirova gyi hindiranga; kigira Yahova a veye nelihing'ana na avandu veve, nelivanza ku Israeli.

Yohana 12:48

Mundu u nyambakana, na a ta bugirira amakuva gange, a veye nomulala u mu kalagira: livola lya nda vola li la mu kalagira ku lidiku lyekiheri.

Vikolwa 8:22

Kigira yaga weganire ubudamano bubwo yibu, u saale Mwami, ni mbula u samefwe tsiganagani tsyomwoyo gugwo.

Kwidzulitsa 30:19

Nanganga ligulu nelirova kulolekidza ku mwinye lero kuli mbikiye imbiri wa ive livamwoyo nelikudza, ubugasu nevilaamo: kunangwa u tovole livamwoyo, u duke kuva mwoyo, ive navana vovo;

Kwidzulitsa 32:1

Mu tegidze amatu, mwinve ligulu, na nda vola; Nelirova li huliridze amakuva gomunwa gwange.

Kwidzulitsa 4:26

nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.

1 Samweli 15:26

Na Samweli ya volera Saulo, Inze si ndirana halala nive; kigira u suye likuva lya Yahova, na Yahova u suye ive u vule kuva mwami ku Israeli.