Jeremia 6:16 - KITABU KITAKATIFU

¹⁶ Yahova a vola yaga, Mu singire mu tsinzira mu lole, mu teveridze tsinzira tsya kale, inzira indahi i veye haliha; mu gende kuyo, na mu la nyola ubusosi ku myoyo gyenyu: navutswa va vola, Si ku la genda kutsyo mba.

Jeremia 6:16 ပူးပေါင်းရင်းမြစ်များ

1 Avami 8:36

u hulire migulu, u samehe ubwoni bwava tumekiri vovo, nobwa vandu vovo Israeli, kigira u vegidzanga inzira indahi i va dukiranga kugenda mu; na u lete imbula ku kivala kikyo, kya wa ha avandu vovo ki ve miyandu gyavo.

2 Kyetsinyinga 19:11

Kandi, henza, Arna ria musalisi munene a veye igulu ku mwinye mu vindu vyosi vya Yahova; na Zebadia mwana wa Ishmaeli, munene wenyumba ya Yuda, a veye igulu ku vindu vyosi vyomwami: kandi Valevi va la va vanyampara imbiri wenyu. Mu kole nobugulu, na Yahova a la va halala navalahi.

Zaburi 116:7

Mwoyo gwange, wirane mu bwelemeridzi bubwo; Kigira Yahova a ku koleye vyobuhaani.

Isaya 2:5

O inyumba ya Yakobo, hambi, ku gende mu bulavu bwa Yahova.

Isaya 28:12

ava ya volera, Yibu nobwelemeridzi, mu he uyu u luhi lisosa; na yili ni lisosa: navutswa si va hulira.

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 46:9

Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

Isaya 57:2

Uyu wingiranga mmirembe; va sosa mu vitali vyavo, yavo sa mulala u gendanga mbulungi bwibwe.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 18:12

Navutswa va vola, Si ha veye nelisuuvira, kigira kwinye ku la tsia kulonda tsiganagani tsyetu avene, na ku la kola sa mulala ku kwinye kuli ubukyamu bwomwoyo gwigwe mudamano.

Jeremia 18:15

Kigira avandu vange va nziviriye, va vuyidzi vimuli ku vya vutswa; na vikigitalidzangwa mu tsinzira tsyavo, nokugenda mu tsinzira tsya haluvega, ku inzira ya vula kulombwa;

Jeremia 2:25

Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.

Jeremia 22:21

Inze nda ku volera inyinga yeligasidzwa lilyo, navutswa wa vola, Si nyenya kuhulira. Yigu ni mwima gugwo kutwula bwana buke, ogwa ive u vula kuhulirira mwoyo gwange.

Jeremia 31:21

Wevikire vilolero vyetsinzira, welombere misala gyokukwimirira; u henzidze mwoyo gugwo gu yeke ku inzira inene, kali inzira ya wa tsira ku lwa wa tsia: wirane kandi, umukana mugima wa Israeli, wirane ku madala gogo kandi.

Jeremia 42:3

Yahova Nyasaye wowo a duke kukumannya inzira i ku dukiranga kugilonda, na inkuva i ku dukiranga kugikola.

Jeremia 44:16

Ku likuva lya u ku voleye mu lieta lya Yahova, kwinye si ku la ku hulira ligali mba.

Jeremia 50:5

Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Jeremia 7:24

Navutswa si va hulira, kinga kutegidza amatu, navutswa va genda mu makuva gavo avene, na mu budinyu bwemyoyo gyavo midamano, na virana inyima, si va tsia imbiri mba.

Jeremia 7:3

Yahova wa mahe, Nyasaye wa Israeli, a vola ndi, Mu lombe tsinzira tsyenyu nevikolwa vyenyu, na nda mu mennya hano.

Malaki 4:4

Mwidzulitse lilaga lya Musa mutumekiri wange, lya nda mu lagira ha Horebu ku Avaisraeli vosi, li veye amegidzo na likalaga.

Luka 16:29

Navutswa Abrahamu ya vola, Va veye na Musa navapro feti; va va hulire.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Yohana 13:17

Mwinye ni mu manya vindu yivi, mu veye nobugasu ni mu vi kola.

Yohana 5:39

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze;

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

Varumi 4:12

Kandi a ta va ise wavakeve ve ng'ine, navutswa wa yava ava genda mu tsinduvatiru tsyelisuuvira yilyo, lya guga wetu Abrahamu lya ya li nalyo na a kikiri kukevwa.

Kwidzulitsa 32:7

Widzulitse madiku ga kale, U ganagane mihiga gyevisukululwi vinyingi: U teve dada wowo, naye a la ku mannya; Avakulundu vovo, navo va la ku volera.

Vakolosai 2:6

Kunangwa kuli mwa vugula Kristo Yesu Mwami, mu gende ndiyo muye,

Vahebraina 11:2

Kigira ku yili avaguga va lolekidzwa.

Vahebraina 6:12

mu ta va avagata, navutswa mu ue avegi ku yavo ava lia miyandu gyelisuuviridzwa kigira lisuuvira nobwikudziri.

Vakalagi 2:17

Halala na yaga si va hulira avakalagi vavo; kigira va londa inzira yobuheyi ku vanyasaye vandi nokwinama imbiri wavo: ni va girunkana bwangu nokuleka inzira ya vaguga vavo va londa ku, lwa va huliranga amalago ga Yahova; navutswa va vula kukola ndiyo.