Jeremia 6:12 - KITABU KITAKATIFU

¹² Netsinyumba tsyavo tsi la va tsya vandu vandi, milimi gyavo navakali vavo halala; kigira nda nyira mukono gwa nge ku avandu vekivala, Yahova a vola.

Jeremia 6:12 ပူးပေါင်းရင်းမြစ်များ

1 Kyetsinyinga 21:16

Daudi ya ginga tsimoni tsitsye, na a lola ingelosi wa Yahova na a singiye hagati helirova neligulu, na ya li nekivavi kisomole mmukono gwigwe gwa sonwa Yerusalemi. Hene yaho Daudi navakulundu, va li ni veviki tsingubo tsyamagunia, va gwa has; mammama.

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 9:12

Vasiria ku; luvega lwe mbiri, na Vafilisiti ku luvega lwe nvuma; na va la mira Israeli nomu nwa mwalamu. Navutswa ku yaga gosi ubutima bwibwe bu kikiri kugiru nkanywa, navutswa mukono gwigwe gu nyireywi kuduka kalunu.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 21:5

Na inze mwene nda lwana na mw inye nomukono gwa nyirwa nomukono gwetsingulu, mu livihirirwa, nomu bululu, nomu butima bunene.

Jeremia 38:22

Henza, avakali vosi ava lekwa mu inyumba yomwami wa Yuda va la hilwa va tsia ku vanene vomwami wa Babuloni, navakali yava va la ku volera makuva yaga, Yavo avalina vovo va himbi va mali kukugoonya, nokuku guuta: kalunu virenge vivyo vi mali kusikira mbudohi, va girunkani nokwirana inyima.

Jeremia 38:23

Navo va la twulidza avakali vovo vosi navana vovo vosi kuha Vakalidei: na ive si u la hona ku makono gavo mba, na wtswa u la gumirwa nomukono gwomwami wa Babuloni: na u la kola lidala yili li sambwe nomuliru.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Lisyoma lya Jeremia 2:8

Yahova u saaviye kwononnya lidigi lyomukana wa Zioni; U nyiye mugoye,, na si yegaliye mukono gwigwe gu vule kudividza mba: Kigira yaga ya kola impinga na lidigi kusyoma; vyombi halala vi dengeya.

Lisyoma lya Jeremia 3:3

Ligali ya girunkannya mukono gwigwe ku inze hali kanyingi mbasu bei.

Lisyoma lya Jeremia 5:11

Vononnya vakali netsingulu mu Zioni, Avakana vagima mu madala ga Yuda.

Lisyoma lya Jeremia 5:2

Miyandu gyetu gyi girunkannyeywi kutsia ku vageni, Tsinyumba tsyetu tsi veye tsya avandu vandi.

Lisyoma lya Jeremia 5:3

Ku veye avabisandu, ava ta li na vadada; Avamama vetu va veye kuli avakunzakali.

Ezekieli 35:3

u ki volere, Mwami Nyasaye a ku volera; Henza, mbeye musigu ku ive, O kigulu kya Seiru, nda nyira mukono gwange ku ive, na nda ku kola kuva hatswa neligenya.

Ezekieli 7:24

Kunangwa nda leta avadamano ligali mu yavo avetsihiri, na va la gumira tsinyumba tsya yava: kandi nda heridza uluyai lwa vetsingulu; nomu hatakatifu havo mu lononnywa.

Mika 2:4

Mu lidiku yilyo va la kupa lugano ku mwinye, nokulira nelilira lyobuvereri, nokuvola, Ku mali kwononnywa ligali: u girunkannya kidieli kyavandu vange: ga veye ndi kuli a twulidzanga kuinze ya gavuliranga avebaali milimi gyetu.

Zefania 1:13

Nobutugi bwavo bu la va vilanye, netsinyumba tsyavo tsi la va hatswa: yee, va lombaka tsinyumba navutswa si va la menya mutsyo mba; va la simika mizabibu, navutswa si va la nwa iwaini yagyo mba.

Zefania 1:4

Nda nyira mukono gwange ku Yuda noku vosi ava menyanga Yerusalemi; nda twulidza va tigala va Baal hano, nelieta lya Vakemari navasalisi;