Jeremia 6:11 - KITABU KITAKATIFU

¹¹ Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Jeremia 6:11 ပူးပေါင်းရင်းမြစ်များ

Isaya 40:30

Kali avayai va la kudza myoyo, nokuluha, navasoleli va la gwa ligali:

Jeremia 15:17

Nda wla kwikala mu livugana lya yava ava syevanga, kandi nda vula kusangala; ndikala tsyeng'ine kigira mukono gugwo; kigira u nzizulitsi ubutima.

Jeremia 15:6

Ive u suye inze, Yahova a vola, wirane inyima: kigira yaga nyiye mukono gwange ku ive, nokukudividza; nduhi ku lyeganira.

Jeremia 18:21

Kunangwa kigira yaga haana avana yavo va lola inzala, u va haane va ve isi wetsingulu tsyekivavi; navakali vavo, avana va gote kuvo, navo va ve avakunzakali; na avasatsa vavo viitwe nelikudza, na vasoleli vavo vayai viitwe nekivavi mbulwani.

Jeremia 20:9

Ni mbola, Si nda mu tala kandi, kandi si nda vola kandi ku lieta lilye, ma ga veye mu mwoyo gwange kuli umuliru gwaakanga gwa bofwa mu vigumba vyange, na nduhi kwekudzira si nyala kweyaya.

Jeremia 5:9

Si ga ndukira kuvanza kisalya ku vindu kuli yivi? Yahova a vola; mwoyo gwange si ndevanzira kisalya ku ihiri i veye kuli yiyi?

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Jeremia 9:20

Navutswa mu hulire likuva lya Yahova, Mwinye avakali, amatu genyu ga bugirire likuva lyomunwa gwigwe, mwegidze avakana venyu lisyoma, mukali sa mulala yegidze wakye lisyoma.

Jeremia 9:21

Kigira likudza li nini kwingira mu madirisha getu lingiye mu tsinyumba tsyetu tsyo bwami; kuduka kukalaga nokutwu lidza avana kyova, navasoleli vayai ku tsinzira.

Lisyoma lya Jeremia 1:15

Yahova u tung'aminyi avaluviriri vange vosi hagati hange; U langi livugana ku inze kushonolonnya vasoleli vange: Yahova u duvagi mukana mugima wa Yuda kuli va duvaganga mu kyokumina iwaini.

Lisyoma lya Jeremia 2:21

Muyai nomusakulu va gona hasi mu mahasi; Avakana vagima vange navasoleli vange va gwiye ku kivavi: U viiti ku lidiku lyobutima bu bwo; u viiti, na si u va vereye tsimbabasi mba.

Ezekieli 24:21

U volere inyumba ya Israeli, Mwami Nyasaye a vola ndi: Henza, nda vika ubudamano hatakatifu hange, ubunene bwobunyali bwenyu, kitovole kyetsimoni tsyenyu, kyemyoyo gyenyu kya vererera; navana venyu avayai navakana ava mwa leka inyima va la gwa ku kivavi.

Ezekieli 3:14

Ma Roho ya ng'inga igulu, nokumbila ahandi; na nda tsia nobululu, mu butima bwomwoyo gwange; nomukono gwa Yahova gwa li ku inze netsingulu.

Ezekieli 3:3

Ni ya mbolera, Ive mwana womundu, u lihidze inda yoyo, nokwizulitsa amala gogo lilinga lyekitabu lya nda ku ha. Ma nda li lia; nalyo mmunwa gwange bunolu bwalyo bwa li kuli ubwuki.

Ezekieli 9:6

mwiite yavo ligali, umusakulu nomusoleli, muyai nomukana, avana navakali; navutswa mu tesunda ku mundu kali mulala u veye nekilolero: na mu tange hatakatifu hange. Nonoho va tanga ku vasakulu ava li imbiri wenyumba.

Mika 3:8

Navutswa ku inze, ligali nzizuye tsingulu tsya Roho wa Yahova, nelikalaga, nobunyali, kwilwadzira Yakobo mahyolo gege, na Israeli ubwoni bwibwe.

Luka 17:34

Inze mmu volera, Ku budiku yibwo vaviri va la va ku kitali kilala; mulala a la vugulwa, nowundi a la lekwa.

Vikolwa 17:16

Ku, Paulo lwa ya va lirlda mu Athene, mwoyo gwigwe gwa verera kigira ya lola lidala lizula vifwananvi.

Vikolwa 18:5

Navutswa Sila na Timoteo lwa va duka kutwula Makedonia, Paulo ya tsuvwa mu mwoyo nelikuva na a lolekidzira Avayuda, Yesu a veye Kristo.

Vikolwa 4:20

kigira kwinye si ku nyala kuleka kuvola vindu vya kwa lola nevya kwa hulira.

Likunula 16:1

Kandi nda hulira mwoyo munene gu twula mu litempeli, ni gu volera tsingelosi vatano na vaviri, Mu tsie mwagulule vituva vitano na viviri vyobutima bwa Nyasaye ku lirova.