Jeremia 6:10 - KITABU KITAKATIFU

¹⁰ Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Jeremia 6:10 ပူးပေါင်းရင်းမြစ်များ

Zaburi 1:2

Navutswa a yanza miima gya Yahova; Na a ganagana miima gyigye mbasu nobudiku.

Zaburi 119:16

Nda lola amalago gogo kuva manolu: Si ndivirira likuva lilyo.

Zaburi 119:174

Mbeye na maholu ku buhonyi bubwo, O Yahova; Na itorati yoyo i veye ubuyanzibwange.

Zaburi 119:24

Kandi lilolekidza lilyo li veye lya nyanza Kandi avelivolerana lyange.

Zaburi 119:35

U nkole kugenda ku inzira yamalago gwogo; Kigira nsangalanga mugo.

Zaburi 119:70

Mwoyo gwavo gu komera kuli maguta; Navutswa inze nsangalira mu itorati yoyo.

Zaburi 119:77

Tsimbabasi tsitsyo tsi duke ku inze, nduke kuva mwoyo; Kigira itorati yoyo i veye ubusangali bwange.

Zaburi 40:8

Inze nyanza kukola ubulaliri bubwo, O Nyasaye wange; Yee, amalago gogo ga veye mu mwoyo gwange.

Kutwula 6:12

Na Musa ya vola imbiri wa Yahova, na a vola, Henza, avana va Israeli si va mbulira mba; nasindi Farao a la mbulira ndi, inze u veye womunwa gwa vula kukevwal

Isaya 42:20

Ive u lola vindu vinyingi, navutswa si u vi vikanga ku mwoyo mba; amatu gege galami, navutswa si a huliranga.

Isaya 53:1

Ni bwaha u bugirira makuva getu? Na mukono gwa Yahova gwa vuulirwa bwaha?

Jeremia 35:13

Yahova wa mahe, Nyasaye wa Israeli, a ku volera: Tsia, u volere avandu va Yuda, na avamenya Yerusalemi, Si mu bugirira kuvugula megidzo mu hulire amakuva gange? Yahova a vola.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 5:21

Mu hulire likuva yili, mwinye avandu avasiru, ava ta li nelimanya; ava veye netsimoni, na si mu lolanga; ava veye namatu, na si mu huliranga:

Jeremia 7:13

Kalunu, kigira mu koli miyinzi yigyi gyosi, Yahova a vola, na nda mu volera, ni mbuka mabwebwe nokuvola, navutswa si mwa hulira; na nda mu langa, navutswa si mwa bugirira mba:

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Jeremia 9:26

Egepeti, na Yuda, na Edom, navana va Amon, na Moabu, na vosi ava vegwa amatsava mu lisu lyavo, avamenyanga mu kyangalangwi: kigira tsihiri yitsyo tsyosi si tsi kevwa mba, na vosi ava veye mu inyumba ya Israeli si va kevwa myoyo gyavo mba.

Ezekieli 3:7

Navutswa avenyumba ya Israeli si va la ku hulira mbakigira si va la hulira inze: kigira inyumba yosi ya Israeli va gwiye avombweni budinyu nemyoyo gyobudinyu.

Ezekieli 33:3

ni i va lwa a lola kivavi kidzanga ku kivala zana, na a kupa kisiliva, nokugerehidza avandu;

Ezekieli 33:9

Navutswa nu u va nu u gerehidza mudamano uyu a duke kweganira nokuleka inzira yeye, naye na a vula kweganira nokuleka inzira yeye; a la kudzira mbudamano bwibwe, navutswa ive u mali kwehonnya mwoyo gugwo mwene.

Amosi 7:10

Kunangwa Amazia musalisi wa Beth-eli ya tuma avandu ku Jeroboam mwami wa Israeli, na a vola, Amosi u ku koleye tsimbemba hagati ha inyumba ya Israeli: na kivala si ki nyala kuginga makuva gege gosi.

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Luka 11:45

Mulala ku vegidzi velilaga ya tivula na a mu volera, Mwegidzi, nu u vola ndi u ku nyega kandi.

Luka 20:19

Kandi avang'odi navasalisi vanene venya kumugumira isaa zana; navutswa va tia avandu: kigira va manya ya kupa lugano yilu kuvo.

Yohana 7:7

Avomkivala si va nyala kudunyira mwinye; navutswa inze, va ndunyira, kigira inze ndolekidza miyinzi gyavo ni midamano.

Yohana 9:40

Avalala ku Vafarisayo ava li halala naye va hulira amakuva yaga, ni va mu volera, Kwinye kandi ku veye avaboku?

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Vikolwa 7:60

Kandi ya sigama na a hanzuka na a vola, Mwami, u ta vika kuvo ubwoni yibu. Kandi lwa ya mala kuvola yaga, ya gona.

Varumi 7:22

Kigira nsangalira lilaga lya Nyasaye mu mwoyo gwange:

Kwidzulitsa 29:4

navutswa Yahova si ya mu ha mwoyo kumanya, kinga tsimoni kulola, kinga amatu kuhulira, kuduka lero.

Vakolosai 1:28

Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.

2 Timoteo 4:3

Kigira inyinga i ladza ya va li vula kubugirira megidzo geligali navutswa va li vungidzira avegidzi kuli likayirwa lyavo, va veye namatu geviyago;

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.