19 Nevikombe, netsinju, nevituva, netsinyingu, nevinara vye tsitaya, nevijiko, netsindavo yikyo kya li kyethahabu, mu ithahabu, na kyefetha mu ifetha, munyampara wa valindi ya vi hila.
Kandi u la lomba viju vyabwo vyokung'uula ligoke lyabwo, na vivango vyabwo, na vituva vyabwo, na tsinzago vyabwo, na ulugyu lwomuliru lwabwo; viju vyabwo vyosi u la lomba nomugasa.
Naye ya nteva, U lola ki? Na nda vola, Ndoli, henza, kinara kyetaya, kyosi kyethahabu, halala na ludavo ku isonga yakyo, na tsitaya tsitano na tsiviri kukyo; na tsitaya tsya li ne vidundu vitano na viviri vyokule ta maguta, vya li kukyo;
Na Musa ya volera Haruni, Vugula kituva kikyo, u vike muliru gwobwali kukyo, u vike kimuli ku muliru, u tsie bwangu nakyo mu livugana, u va lombere kyokukunika ubwoni: kigira ubutima bu twuli ku Yahova; na iplegi i tangi.