Jeremia 51:56 - KITABU KITAKATIFU

⁵⁶ kigira mudividzi u duki kuye, ku Babuloni, navaluviriri veve va gumeywi, ubuta bwavo bu vuniki; kigira Yahova a veye Nyasaye uelitunga, ligali a la tunga.

Jeremia 51:56 ပူးပေါင်းရင်းမြစ်များ

Litanga 49:24

Navutswa buta bwibwe bwa menya netsingulu, Na tsimbamba tsyamakono gege tsya vikwa tsingulu, Namakono ga Wetsingulu wa Yakobo, (Mwayi ya twula yo, u veye a Lwanda lwa Israeli,)

Zaburi 137:8

O mukana wa Babuloni, ive u veye kwononywa, A la sangala, uyu u tunganga ive Kuli likola lya wa ku kolera.

Zaburi 37:15

Kivavi kyavo ki lingira mu mwoyo gwavo avene, Na buta bwavo bu la vunika.

Zaburi 46:9

A heridza ubulwani kuduka ku kiheri kyelirova; A vunanya ubuta, na a donyannya litimu; A samba magari gobulwani mu muliru.

Zaburi 76:3

Ha zana ya vunannya mibano gyobuta; Kandi ingavo, na kivavi, na ubulwani. [Selaha

Isaya 21:2

Mmali kumannywa malola agokusaliridza; uyu u tumekiranga ubugadi a gadanga, na uyu u gotidzanga a gotidzanga. Yanegira, O Elam; u kumbiridze madala, O Media; mmali kuheridza likenya lyago lyosi.

Isaya 34:8

Kigira Yahova a veye nelidiku lyelivanza kisalya, muhiga gwokutunga mu lihing'ana lya Zioni.

Isaya 35:4

Mu volere ava veye nomwoyo gwobutii, Mu ve avagulu, mu ta tia mba: henza, Nyasaye wenyu a ladza nekisalya, halala ne litunga lya Nyasaye; a ladza kumuhonya.

Isaya 59:18

Kuli likola lyavo, ni ndiyo a la tunga, ubululu ku yavo ava hing'ana naye, litunga ku avasigu veve; visulu a la vi tunga litungwa.

Jeremia 49:35

Yahova wa mahe a vola: Henza, nda vunannya ubuta bwa Elam, ubunene bwobunyali bwavo.

Jeremia 50:10

Kalidei ki la va kilanye: vosi ava li ki lanya va liguta, Yahova a vola.

Jeremia 50:36

Kivavi ki veye ku vokwidzominya, navo va la siruhala: kivavi ki veye ku valuviriri, navo va la timuka enkolo.

Jeremia 51:24

Nda tunga Babuloni na vosi ava venyanga Kalidei, nda va tunga ubudamano bwavo bwosi bwa va kola mu Zioni imbiri wetsimoni tsyenyu, Yahova a vola.

Jeremia 51:30

Avaluviriri va Babuloni va leki kulwana, va menya mu tsimpinga tsyavo; ubunyali bwavo bugehi kuvo; va gwiye kuli avakali: ubumenyo bwalyo bu sambeywi nomuliru; miluguyu gyalyo gyi vuniki.

Jeremia 51:48

Hene yaho ligulu nelirova, nevindu vyosi vi veye mulyo, vi limba nobuyanzi ku Babuloni; kigira ava dividzi va ladza kuye kutwula ku luvega lya kasikasini, Yahova a vola.

Jeremia 51:53

Kali Babuloni ni yanegira igulu kuduka miguiu, kandi kali ni yelombera lugaga ku budiguluku bwetsingulu tsitsye, navutswa avokudividza va ladza kuye kutwula ku inze, Yahova a vola.

Jeremia 51:6

Mwiruke kutwula hagati ha Babu loni, sa mulala yehonnye mwene; mu ta dividzirwa mu bwoni bwibwe: kigira i veye inyinga yelivanza kisalya kya Yahova; a la mu tunga litungwa.

Lisyoma lya Jeremia 3:64

U la va tunga litunga, O Yahova, kuli miyinzi gya makono gavo.

Ezekieli 39:3

na nda kuya ubuta bubwo bu twule mmukono gugwo mmosi, nemibano gyigyo nda gyagulula gyi twule mmukono gugwo mulungi.

Ezekieli 39:9

Ava menyanga mu madala ga Israeli va la tsia kyova, na va la lomba miliru gyevyuma vyobulwani nokuvisamba, tsingavo netsikuti, nobuta, nemibano, na matimu, netsisaka, va la lomba miliru gyevindu yivyo mihiga gyitano na gyiviri;

Amosi 2:15

kandi wobuta si a la singira, kandi wetsimbiru si a lehonnya; kandi u ninanga iparasi si a lehonnya;

Obadia 1:15

Kigira lidiku lya Yahova li veye ahimbi ku tsihiri tsyosi: kuli wa kola yaga, na ive u la kolerwa ndiyo; litunga lilye li lirana ku mutwe gugwo mwene.

Habakuk 2:8

Kigira ive wa nuula avetsihiri tsinyingi, avatigala vosi vavandu va la nuula ive, kigira masahi gavandu, na kigira kirage kyekivala yikyo kya kolerwa, nelidala yilyo kandi navandu va menya mulyo.

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

2 Vatesalonike 1:6

ni ga va ni ga veye ubulungi ku Nyasaye kutunga yavo kivi ava mu kupidza kivi,

Likunula 17:16

Kandi tsinziga likumi tsya wa lola, kandi uyu inyama, yava va la dunyira wamalaya, kandi va la mu dalidza, nokumukola mwere, kandi va la lia inyama yomubiri gwigwe, kandi va la mu samba ligali nomuliru.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.

1 Samweli 2:4

Ubuta bwa vetsinguhl bu vuniki; Avekigitala va boheywi tsingulu mu vikenge.