Jeremia 51:49 - KITABU KITAKATIFU

⁴⁹ Kuli Babuloni ya tsoma hasi aviitwa va Israeli, ni ndiyo ha BabuIoni va la gwa aviitwa avekivala yikyo kyosi.

Jeremia 51:49 ပူးပေါင်းရင်းမြစ်များ

Jeremia 50:11

Kigira mwinye mu sangala kigira mu yanzanga, mwinye ava lanyanga miyandu gyange, kigira mu komeye kuli iroli i hulanga ubuswage, mu kumulanga kuli iparasi yetsingulu;

Jeremia 50:29

Mu vugannye halala ava tumekiranga ubuta nemibano ku Babuloni, yavo vosi ava nyira ubuta; mu singeridza mahema kumukumbiridza tsimbega tsyosi; mu ta leka mulala kulyo a hone: mu mu tunge kuli miyinzi gigye; kuli gosi aga ya kola, mu mu kolere ndiyo: kigira yegingira ku Yahova, ku Mutakatifu wa Israeli.

Jeremia 51:24

Nda tunga Babuloni na vosi ava venyanga Kalidei, nda va tunga ubudamano bwavo bwosi bwa va kola mu Zioni imbiri wetsimoni tsyenyu, Yahova a vola.

Jeremia 51:35

Uyu wa menya Zioni a la vola, kirage kya nda kolerwa, kyenyama yomubiri gwange ya kolerwa ki ve ku Babuloni; kandi Yerusalemi a la vola, Amasahi gange ga ve ku yavo ava menyanga Kalidei.

Matayo 7:2

Kigira likalagira lya mu kalagira, mu la kala girwa nalyo: na mugero gwa mu gera, nagwo mu la gererwa ku.

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.

Likunula 18:24

Kandi amasahi gavaprofeti nagavatakatifu naga vosi aviitangwa ku lirova, ga loleka mulyo.

Vakalagi 1:7

Na Adonibezeki ya vola, Avami makumi gatano nagaviri ava kalagwa videte vyavo vinene nevino vyavo vinene, va dola vyokulia vyavo isi wemeza yange: kuli nda kola Nyasaye u ntungi ndiyo. Na va mu leta Yerusalemi, na a kudzera yo.