Jeremia 51:44 - KITABU KITAKATIFU

⁴⁴ Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

Jeremia 51:44 ပူးပေါင်းရင်းမြစ်များ

2 Kyetsinyinga 36:7

Kandi Nebukadi nezaru ya hila viju vyenyumba ya Yahova na a tsia navyo Babuloni, na a vi vika mu litempeli lilye ha Babuloni.

Ayubu 20:15

A miri ubutugi bunyingi, na a la vu luka kandi: Nyasaye a la bu twulidza mmunda mwimwe.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 21:9

na, henza, kiduma kyavandu kyadza, avanina ku tsiparasi, avagendanga si vaviri kulala. Naye ya tivula na a vola, Babuloni li gwiye, li gwiye; nevifwananyi vya vadzwa vya vanyasaye valyo vya vunanywa kuduka hasi.

Isaya 60:5

Hene yaho u la lola nokung'ereng'anywa, na mwoyo gugwo gu la vukidzwa nokuneneha; kigira ubunyingi bwenyanza bu la girunkanywa budze ku ive, buhinda bwavetsihiri bu ladza ku ive.

Jeremia 50:15

Mu hanzuke kulyo tsimbega tsyosi; yegehidzi; vitaradzi vyalyo vi gwiye, madigi galyo ga tsomwa hasi; kigira ni livanza kisalya lya Yahova: mu vanze kisalya kuye; kuli ya kola, u mu kolere ndiyo.

Jeremia 50:2

Mu landidze makuva mu tsihiri mwilwadze, nokusingeridza ibendera, mwilwadze, mu ta visa mba: mu vole, Babuloni li vuguywi, Bel u leganyeywi, Merodaka u timuki enkolo; vifwananyi vyalyo vi leganyeywi, vifwananyi vyokusigamirwa vyalyo vi tsyomwa hasi.

Jeremia 51:18

Vi veye vya vutswa, miyinzi gyobugadi: vi la diva ku inyinga yelihenzwa lyavyo.

Jeremia 51:34

Uyu Nebukadirezaru mwami wa Babuloni u mali kulia inze, nokunshonolonnya, u nkoli kiju kyere, u mali kummira kuli limira lyoguyoka, wizulitse inda yeye vindu vyange vinolu; u nteye kyova.

Jeremia 51:47

Kunangwa, henza, madiku gadza, na mugo nda kola likalaga ku vifwananyi vya vadzwa vya Babuloni; nekivala kyakyo kyosi ki la va isoni; navandu veve viitwa vosi va la gwa hagati hehe.

Jeremia 51:53

Kali Babuloni ni yanegira igulu kuduka miguiu, kandi kali ni yelombera lugaga ku budiguluku bwetsingulu tsitsye, navutswa avokudividza va ladza kuye kutwula ku inze, Yahova a vola.

Jeremia 51:58

Yahova wa mahe a vola ndi: Amadigi ga Babuloni magalamu ga la tung'aminywa ligali, neviribwa vyalyo vya diguluka ligali vi la sambwa nomuliru; navandu va la nyankana mu miyinzi gya vutswa, netsihiri mu miyinzi gyomuliru; navo va la luha.

Danyeli 1:2

Na Yahova ya vika Jehoiakim mwami wa Vayuda mu mukono gwigwe, halala nekidieli kyeviju vyenyumba ya Nyasaye; naye ya vi vugula na a tsia navyo kuduka mu kivala kya Shinaru mu inyumba yomunyasaye wewe; na a vika viju zana mu inyumba yakiba yomunyasaye wewe.

Danyeli 3:29

Kigira yaga inze mbaana munwa, ku tsihiri tsyosi, ku tsimpya tsyosi, ku tsinimi tsyosi, ava vola kindu kidamano ku Nyasaye wa Shadaraka, Meshaka, na Abedinego, va la kalagwa vidonye, na tsinyumba tsyavo tsi la kolwa isina; kigira si ha veye na munyasaye wundi u nyala kuhonnya kuli ndi.

Danyeli 4:1

Nebukadinezaru mwami, ng'odera avandu vetsihiri tsyosi na avetsimpya tsyosi, na avetsinimi tsyosi, ava menya mu lirova lyosi: Mirembe gyi medeke ku mwinye.

Danyeli 4:22

a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Danyeli 5:19

na kigira ubunene bwa ya mu ha, avandu vetsihiri tsyosi, na vetsimpya tsyosi, navetsinimi tsyosi, va degera nokutia imbiri wewe: wa ya yanza kwiita, yiita, na wa ya yanza kuva mwoyo, ya mu leka mwoyo; na wa yenya kunenehidza, ya nenehidza, na wa yenya kugehidza, ya mu gehidza.

Danyeli 5:26

Yili li veye livuula lya makuva: MENE; Nyasaye u validzi ubwami bubwo nokubuheridza.

Danyeli 5:31

Na Dario Mumedi ya hebwa ubwami, ya li na a ve ne mihiga makumi gatano na lilala na gyiviri.