Jeremia 51:37 - KITABU KITAKATIFU

³⁷ Babu loni li la va vitumi, li la va ubumenyo bwevibwe, li la genyerwa, nokukunukirwa, bugira kuva nowo kumenya mulyo.

Jeremia 51:37 ပူးပေါင်းရင်းမြစ်များ

2 Kyetsinyinga 29:8

Kigira yaga ubutima bwa Yahova bwa li ku Yuda na Yerusalemi, naye ya va vika habulavu va sikiswa yiyi neyiyi, va ve kyokugenyirwa, na kyokuku nukirwa, kuli mu lola netsimoni tsyenyu.

Isaya 14:23

Na nda kola kivala yikyo ki gwe kivala kyevilungu vi menya mu, na madavalia: na nda kyeya na meyo agobwoneku, Yahova wa mahe a vola.

Jeremia 18:16

va duke kukola kivala kyavo kuva a kyokugenya, nokukunukirwa kazozo; sa mulala u vita ho a la genya, nokusung'usa mutwe gwigwe.

Jeremia 19:8

Na nda kola lidala yili kuva kyobugenyi nokukunukirwa: ku vosi u vita ahimbi kulyo a la genya nokukunuka kigira liduywa lyalyo lyosi.

Jeremia 25:12

Na ga la duka, lwa mihiga makumi gatano na gaviri gyi tweka, inze nda ha mwami wa Babuloni, na ihiri zana amageli, kigira ubudamano bwavo, na kivala kya Vakalidei, Yahova a vola; nda ki kola ki ve kyerekazozo.

Jeremia 25:18

Yerusalemi, namadala ga Yuda, navami vago, navanene vago, kuvakola va ve hatswa, nekyokugenya, nelikunukirwa, nelilaamwa, kuli ga veye lero;

Jeremia 25:9

henza, nda tuma avatumwa nokuvugula ubwiko bwosi ku tsimbega tsya kasikazini, Yahova a vola, nda tuma avatumwa ku Nebukadirezaru mwami wa Babuloni, mutumekiri wange nda va leta vadze ku kivala yiki, noku avandu va menyanga kukvo, noku tsihiri tsyosi tsyoku tsimbega; na nda va dividza ligali, nokuvakola kuva kyokugenya, nokukunukirwa, nokuva hatswa mihiga nemihiga.

Jeremia 29:18

Nda va londerera nekivavi, nenzala, nobulwaye, nda va twulidza va sigiswe yiyi neyiyi mu bwami bwosi bwelirova, va duke kuva lilaamwa, neligenyerwa, nelikunukirwa, nelinyegwa, mu tsihiri yitsyo tsyosi tsya nda va hila mu;

Jeremia 49:17

Edom a la va kyokugenya: sa mulala u vita himbi naye a la genya, naye a la kunukirwa kigira liduywa lilye lyosi.

Jeremia 49:33

Hazoru li la va hobumenyo bwevibwe, li la va kyanyi mihiga nemihiga: si ha la va nomundu u menya yo, kandi si ha la va nomwana womundu u menya yo mugeni.

Jeremia 51:29

Kivala ki degeranga, na ki veye nelitsunwa; kigira lisaavira lya Yahova lya saavira ku Babuloni li singiranga, kukola kivala kya Babuloni kuva vutswa, ki ta li nomundu u menya mukyo.

Jeremia 9:11

Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

Mika 6:16

Kigira amalago ga Omri nigo ga gumirwa, nelikola lyosi lyenyumba ya Ahabu, na mu gendanga mu makuva ga yava: nduke kukukola hatswa, na yavo ava menyanga mu kukunukirwa: na mu la ginga linyegwa lyavandu vange.

Nahum 3:6

Na nda ta ku ive livihiriridza, nokukukola uguvihiri, nokukuvika mu lisinyikirwa.

Zefania 2:15

Yili ni lidala lyobusangala li menyanga bugira kuganagana, lya vola mu mwoyo gwalyo, Inze mbeye ho, si ha veye nowundi navutswa inze: ga veye ndi gwiye hatswa, kandi hetsinyama tsyombulimu tsi menya sa mulala u vita ahimbi kulyo a la kunuka nokusung'usa mukono gwigwe.

Likunula 18:2

Kandi ya hanzuka no mwoyo gwetsingulu, na a vola, Babuloni linene, li gwiye, li gwiye, nokugwa kivuganiru kyamademone, habuhambe bwa roho gyosi mudamano, nobuhambe bwamanyonyi madamano na gokuvihiririhidza.